［打鬥/靈幻/鬼怪］《輪迴。道》/《噬魂》我由古惑仔變咗做現代道士: 306《第二季》

「冇錯，封眼理應就係可以壓住佢地嘅陰氣，但三破日加上日全蝕，我都未見過，威力會有幾大，我都唔知，所以小心為妙」九叔看看時鐘，三時正，日全蝕即將開始

九叔從黃袋中拿出兩道白色符紙，分別貼在我和啊仁的額上，符紙閃出一下藍光

「嗯？」啊仁和我疑惑的看著額上的符

「依道符可以保住你地嘅陽氣，唔會比極陰之氣入體」九叔

「好！」





突然，燈光閃爍，時明時暗

「日全蝕嘅影響已經開始」九叔說

我和啊仁都不自覺地咽一下口水

「嗱，拎住」

九叔遞給我們一人一把匕首





「一陣如果有啲咩事，可以拎把野嚟攻擊」

然後九叔搭着我們的肩膀，閉上雙眼，深深吸一口氣

「運行傳道，去！」

一道黃光從九叔的手傳到我們身上，黃光流到身體就像一股暖流傳入

「wow …..個感覺..」啊仁看著自己的雙手





「好似充滿力量咁」我接著他的話

「係咩嚟㗎？」啊仁直接問九叔

「你可以當係內功」

呯呯呯呯呯！！！

各個冰格的門突然傳來拍打聲

「遲啲解釋比你地聽」九叔走到冰格前

拍打！

「夠啦！舊人同我安分啲！」





九叔這樣一喝，拍打聲果然減了不少，但還是未停

「新嚟嘅，邊個夠膽再搞事！就唔好怪我！」

原本我以為九叔這樣說，拍打會停下，但結果卻剛剛相反，拍打聲變得更大、更響

「你老味…」

九叔皺起眉頭，拿出兩張空白的黃紙貼在冰櫃上，然後他咬破自己的食指，將血畫在黃紙上，畫出一個我們看不明的符咒，符咒完成，符紙閃出紅光

「破！！」雙手拍在符紙上

嗖！！





紅光覆蓋整個冰櫃

啊！！！！

冰格內明明都是屍體，但卻發出了滲人的的慘叫聲

慘叫聲過後，雪藏室一片寂靜

「唔打唔聽話」九叔無奈搖頭

「九叔你咁勁！就算佢地出曬嚟都唔洗驚啦！」啊仁看到九叔的一輪施法後，表現得興奮

相反，我表現得冷靜很多，因為在泰國那次我已見識過曼巴、葉尚生和..葉靈的施法

但對於百鬼夜行這回事就不可冷靜了，雖然在泰國也見證過一次，但那種感覺，真的一輩子都不可能忘懷





「佢地依啲只係前菜，當太陽比月亮完全覆蓋個陣，先係佢地作反嘅時候」九叔否定啊仁的說法

我看著九叔，腦內萌生了一個想法

「九叔！你可唔可以收我做徒弟！教我法術」我誠懇的看着九叔

「我都想學！」不出所料，啊仁果然也很感興趣

「第一，我依啲唔係法術，係正宗嘅茅山道術，第二，我唔收徒弟」九叔一下就拒絕了

「九叔啊…」

「得啦，唔洗講，唔通殮房嚟一個新人我就收一個徒弟？」





「咁不如…」

「唔洗不如，好好地做好你地份工就得啦」

「哦….」第一次拜師，以失敗告終

這時，九叔的電話鈴聲響起，九叔拿起電話一看，他先皺了一下眉頭才接聽

「真係打嚟叫救命？」九叔說

「救就係救，不過唔係救我！啊靈唔見咗啊！啊靈佢%@#*」對面的是英叔

「咩事？你講清楚啲啦！！」九叔焦急起來

「我話@$#%¥&……」

嘟….嘟…嘟…

電話自動掛斷了

「依家又行唔開….頂」九叔陷入苦惱

「咩事啊九叔？」我見九叔神情凝重

「嗯…」九叔沒說話

「依到依家冇乜野….行開一陣，應該冇事」九叔自言自語的說著

「你地，聽我講，想做我徒弟唔係唔得」九叔看著我們

「真係？！」我和啊仁頓時雙眼發光

「我依家有啲事要出去，依到交比你兩個，得唔得？」

「呃….得」這樣一說我們又沒太大信心

「放心，我會交低方法比你地處理」