［打鬥/靈幻/鬼怪］《輪迴。道》/《噬魂》我由古惑仔變咗做現代道士: 305《第二季》

現在時間是兩點三十分，我跟啊仁還在努力的為「老友」們封眼

「兩點半啦，綁成點？」我看一看手錶，問啊仁

「差唔多，應該差六格就搞掂」啊仁也在埋頭苦幹

「嘩？！你地搞咩啊？」那肥主管突然衝了進來

「九叔叫我地咁做㗎」我也無暇分身理會他，只簡單回答





「啊九叫嘅？咁一定有原因嘅…不過你地記得啊，走廊出面仲有一件㗎，我搵白布嵌着咗」說完他就出去了

「呃….啊仁，你聽唔聽到啱啱佢講咩？」剛剛我顧著封眼，完全聽不到主管說了什麼

「嗯…我都聽唔到」啊仁同樣

「算啦，佢多數都係講廢話」

時間來到兩點四十五分





九叔終於拿著工具趕回到殮房

「點？封曬眼未？」九叔一進來就問我們

「封曬啦！」我倆一起點頭

「依到有一疊銅錢，每一個「老友」額頭上面都放一個」九叔從那黃色的大布袋中拿出一疊銅錢

但…那黃色袋很是眼熟，好像上次在泰國見過





算啦，還是先做正事，我和啊仁接過銅錢，開始派發

現在多了九叔的幫忙，速度也提升了不少，而且這次只需要放上去就可以，所以我們準時在兩點五十八分將所有銅錢都派發完成

「呼…總算搞掂」九叔雙手叉腰

「九叔啊，提醒我地點解要咁做？」我終於可以發問

「封住佢地對眼作用係？」啊仁也問

「今次要你地幫手，唔教你地都唔得」九叔無奈說道

「今日係三破日」九叔說出一個陌生的字眼

「咩係三破日？」





「三破日，係六十年一次嘅極陰之日，依一日怨氣衝天，嗰啲冤魂、惡靈因為冇辦法超生，又長期冇親人嘅供奉探望，所以怨氣久久不能緩解，反而積聚更多，所以係三破日陰氣最盛嘅一刻，佢地會返上嚟陽間，宣洩自己一生怨氣」

「六十年一次..咁我地都幾好彩」啊仁苦笑說道

「如果你地好彩可以再過多一次添」九叔也笑一笑

「六合彩唔見我地中，中依啲」啊仁再說

「仲有再好彩啲，三點會有日全蝕，陰氣比起夜晚會更盛」

「咁…咁即係一陣會猛鬼出籠？！」我帶點慌張的說

連平時冷靜的啊仁都表現得有點緊張，額前出現汗珠





「冇錯，三破日當晚必定百鬼夜行、各方鬼怪重生，所以三破日嗰日絕對唔好比自己嘅細路出門，而且最好閂好門窗，燈火全開咁等到天光，如果係學道之人就在門窗上面貼出符紙經文」

「同埋切忌燒紙錢，亦都唔可以開壇作法，咁樣只會引曬佢地過嚟」

「咁我地依家要做啲咩」我問

「我啱啱叫你地封眼，有兩個原因；第一：我地將兩個「老友」放係一格，對佢地唔多唔少都有啲唔尊重，封眼加銅錢可以令到佢地嘅魂魄睇唔到野，佢地唔會知咩事；第二：銅錢可以壓住佢地體內嘅陰氣同怨氣，希望可以同三破日嘅極陰抵消」

「加上，依家大部分「老友」生前都係古惑仔，性格好勇鬥狠，人死後只會將依啲特點放大，例如佢本身係一個好色之人，佢死後就會變成色中餓鬼，本身係兇殘成性，死後就會化為惡靈四周圍作惡」

「咁我地依家係咪唔洗驚啦？都已經封曬佢地眼」我問

「未必」九叔的回答讓我瞪大了眼

「下？！」