［打鬥/靈幻/鬼怪］《輪迴。道》/《噬魂》我由古惑仔變咗做現代道士: 301《第二季》

「平時佢地叫我啊九，你地跟住叫就得」

說完後，他就離開了冷藏室

我看著面前的兩名「老友」，發呆

即使在正式入職前，接受了訓練，但到了現在真的要面對搬運屍體這種工作時，心情難免還是有點忐忑

我看著鐵床上的屍體，咽一咽口水，我還在猶豫不決怎該麼下手時





我旁邊的男生就直接出手了，只看他戴上手套，雙手一穿，這邊一拉，三爬兩撥的把屍體搬到冷藏櫃的趟板上

「wow…..師兄好熟手喎」我真心的打從心底佩服他

「少事，上網睇得多」他淡淡一說

「上網睇得多？…」有人會故意上網看這些東西的嗎

「我本身對依一行就有興趣，所以就會成日睇」他補充說





「哦～」我尷尬一笑

「我叫張仁，可以叫我啊仁，以後多多指教」他主動說

「我叫陳天航啊，叫我啊航得㗎啦！以後係你多多指教我就真啦」我馬上伸出手

他也伸手回應，這一握手，我人生中又多了一個重要的朋友

我們把上司吩咐我們的工作都辦妥後就到辦公室找他





「咁快手？」他眼尾看到剛到辦公室門口的我們

「呃…係啊，因為…」我正想讚揚一下啊仁

「睇下做成點」

他卻截住了我的話，直接走往冷藏室，我和啊仁馬上跟在他身後

「第一次，算唔錯，但我唔接受，再洗過」然後他又離開了

「呃….」我呆住

「都預咗㗎啦，第一日返工邊有咁順利」啊仁一副沒所謂的，拿起清潔工具再次為推床清潔

結果，我們再多洗了兩次才通過了







「好，今日冇咩做，聽日早啲返嚟換衫，聽朝有醫院會一早送幾個「老友」嚟，到時法醫會即場解剖，你兩個企係後面睇我做一次，之後就到你地做」

「好！」張仁表現得有點興奮

「好….」上班第二天就要面對解剖，唉…

如是者，我和啊仁都比原先的上班時間早了一小時回到殮房換上制服

殮房內一片寂靜，我和啊仁都以為自己是最早回到來，剛想坐下來休息一下時

「嗯，你地比我想像中早」





啊九….還是叫他九叔吧，他年紀比我大而且還是我上司，直接叫他啊九好像有點不分尊卑

九叔突然出現，把我們二人嚇了一跳

「九叔早晨」我先說

「嗯？九叔？」九叔看著我

「呃…係啊，因為直接叫你啊九好似有啲冇大冇細，可以咁叫？」我尷尬地笑著

「嗯，隨便你」九叔點點頭

「咁我地依家要做啲咩？」啊仁問九叔

「你地今朝有冇食早餐？」九叔突然一問





我和啊仁相視一下，然後都點頭

「哈，咁祝你地好運」九叔的外表實在跟他的冷笑實在很有違和感

但他說祝我們好運是什麼意思呢…我和啊仁都想不明白，直至運屍車將「老友」們送到，我們就知道九叔的意思….

「又係咁？」九叔問運屍車的工作人員

「係啊，你地都慣啦」工作人員回答

「依兩年收嘅「老友」，多過我依十年加埋」九叔搖頭

二人一邊搬運著「老友」下車，一邊說著，我和啊仁就幫手將「老友」們都推進去





「唉….都唔知依兩年搞乜，過兩日又一單浮屍，聽日又話一單跳樓，依家啲後生有咩咁睇唔開啊」工作人員也嘆氣搖頭

「你估有幾多係自願？」九叔這一反問，工作人員一時答不上話

「做依行，唔多唔少你都一定聽過，自殺嘅人係投唔到胎，到底係邊個逼佢地上絕路」

九叔再發話，工作人員還是沒說上話

「佢地生前面對啲咩我地唔知，亦已經改變唔到，但至少我地可以幫佢走得體體面面」

「唉…希望過多排會靜啲啦」工作人員良久才說道

「咁我就可以準備退休」九叔一笑

「你？有排你捱啦！」

呯！！工作人員關上尾門

「係咁多，走啦！」工作人員揮手上車

「好！」九叔也轉身回到殮房內

「安置好曬班「老友」未？」九叔一進來就問我們

「差唔多啦！」我回答

「手腳咁慢」

九叔走到一「老友」旁邊

「推去腐屍解剖室」

「腐屍解剖室？！」