［打鬥/靈幻/鬼怪］《輪迴。道》/《噬魂》我由古惑仔變咗做現代道士: 300《第二季》

時日飛快，今天已經是我回到香港的第三天

那天吞下舍利子後，好快便發揮了效用，令我回復到中血化降前的樣貌，生活也總算重新返回正軌，只是因為這幾天的無故曠工而被公司炒了魷魚

亦也因為遲了回港被啊姨大罵了一頓，都是罵我一些沒交帶，令她和姨丈擔心等等的說話，但這次我並沒駁嘴，反而給了他們一個大大的擁抱，他們被我嚇一跳

但我沒有跟他們說，我差點就沒命回來見他們，不然應該會被罵得更慘

經過這次驚心動魄的經歷後，我決定多放自己幾天假才開始找工作





另外，我發現以前的生活實在太沒意義了，每日只是對著電腦和不停的加班，一成不變的生活不太適合我

這夜，我如常跟洛兒在睡前聊電話

「兒啊，我想搵份有挑戰性啲嘅工」我趴在床上

「挑戰性啊？例如呢～」洛兒問我

「未諗到啊，但唔想再係日日加班，對住部電腦唔知做乜咁，好冇意義」我也在苦惱著，不知該找什麼工作才理想





「我本身仲諗住問你會唔會打算入我依家間公司添～始終我識啲高層，入職都易啲～」原來洛兒有這樣的想法

「你知我對呢間公司不嬲都冇咩好感㗎啦～唔好啦」不知道為何，由洛兒開始在這間公司上班，我就對這間公司沒什麼好感，甚至可以說是由心底裏帶點討厭

「你唔好咁啦～其實段氏集團真係好公司嚟㗎！成日捐錢做善事，仲有一隊員工義工隊去做善事添」洛兒拼命為自己的公司說話

但一切都是徒勞，因為她也不是第一次為公司說話，而我對這公司還是沒任何改觀

「好好好～知佢係間好公司啦，不過真係冇乜興趣再做寫字樓，或者睇吓會唔會有其他類型嘅工做下，你會唔會支持我啊？」我帶過她公司的話題，轉向另一重點





「支持！你做咩我都支持㗎，最緊要你搵到自己想做嘅野」洛兒堅定的說



「唉...」我嘆氣

「做咩啊？突然嘆氣嘅」洛兒馬上問我

「下？冇啊，我感慨緊點解我會有個咁好嘅女朋友咋嘛」我笑說

「車～你條友仔真係呢～把口就叻」洛兒被我𢭃笑了

如是者，這幾天我都有上網看看有什麼工作想做

但不外乎都是辦公室、速遞、運輸和飲食的工作，都是一些我完全沒有興趣的工作





「唉...搵極都冇！！」在客廳的我大叫

「想嚇死我啊衰仔！」在沙發上的啊姨被我嚇一跳

「啊姨啊！！我搵唔到工啊！！」我崩潰的看著電腦

「航仔啊，你咪慢慢搵囉～屋企又唔等住你份家用嘅」姨丈又從廚房裏拿著他的試驗品出來

「唔得啦姨丈，我廿四歲啦....唔通仲要你地照顧咩」我雙手摷亂自己的頭髮

「你確定依家我地冇照顧你？」啊姨看看在煮菜的姨丈，再看看我，一語道破

「呃.....咁...唔同啊嘛」我傻笑著說





「你又係嘅，無論你廿四歲定三十四歲，對我地嚟講都係細路嚟㗎姐」姨丈蹺起手說

「唔好啦...我大個仔㗎啦，要快啲搵到自己想做嘅嘢啦」我說

「好！你有咁嘅諗法都已經大個仔啦，姨丈好開心！嚟！我煮幾個好餸比你食！」姨丈又衝回入廚房埋頭苦幹

我和啊姨相視一笑又繼續做自己的事，啊姨繼續看電視，我就繼續在不同的尋職網站遊走

直至，我終於看到一份我有興趣...或者應該說是我想嘗試一下的工作.....

殮房服務員

自從在泰國見到那百鬼夜行的畫面後，我對靈異事件都十分感興趣，也多加留意了，如果在殮房工作，應該會遇到不少靈異事件吧...畢竟電影都是這樣演的啊

而且這樣一看，這份工的薪金福利都不錯，薪金比我以前的薪金高得多，晉升機會亦多很多





感覺可以試試

《殮房服務員》

「入職條件
申請人必須 -
(a) 能提起及搬運包括屍體之重物；
(b) 能操流利廣東話，閱讀及書寫簡單中文；
(c) 能操簡單英語，閱讀及書寫簡單英文；
(d) 有能力勝任殮房工作；
(e) 通過上述有關(a)項的技能測試及上述有關(d)項的能力傾向測試；及
(f) 最好具備兩年在醫院／政府診所(包括各醫護機構)工作的經驗。」






「主要職責包括 -
(a) 接收交往殮房的屍體；
(b) 搬運及貯存殮房內的屍體，並安排死者家屬辨認、申領及移離屍體；
(c) 協助法醫科醫生解剖屍體；
(d) 負責剖驗屍體前的預備工作及事後清潔；及
(e) 負責殮房的一切清潔工作。
(備註：
(1) 須穿著制服；
(2) 須在正常辦公時間以外工作及通宵輪班工作；
(3) 須於颱風、騷動及其他緊急事故期間候命及執行職務；及
(4) 按需要派駐到部門內各殮房執勤。」

「要協助解剖？！......」我瞪大眼說

我能接受嗎....

時間來到一個月後

「你地就係新入職嗰兩個新仔？」

「呃....係啊」我看看旁邊那跟我年紀差不多的男生

「你地入職之前應該都知道，我地職責係要做咩」

「嗯！」我點頭

「咁你地同我搬咗依兩個「老友」入雪櫃，之後再洗曬啲車同袋佢，做完之後先再搵我」

「冇問題，但我應該點叫你？」我問他

「我叫張九」