［打鬥/靈幻/鬼怪］《輪迴。道》/《噬魂》我由古惑仔變咗做現代道士: 299《第二季》

葉尚生退後，為自己換取空間，他捉著葉靈的雙手

「喂！你做咩啊？！」葉尚生緊張的叫著

「放開我師父！放開我屋企人！！你班怪物！！」葉靈像是看不到面前的葉尚生，陷入了幻象之間

「唉...好玩唔玩，玩依啲」葉尚生大概也猜到葉靈的幻象中看到什麼

葉尚生鬆開捉著葉靈的手，轉為抱著葉靈





「妹，啊哥係到，冇事㗎啦，放鬆啲！」葉尚生露出溫柔的一面

被抱著的葉靈仍在反抗

「放開佢地啊！！唔可以啊！！我求下你地....唔好啊」葉靈開始由憤怒轉為悲憤

「冇事啊，過咗去㗎啦，係啊哥唔好，冇好好保護你，以後，我都唔會比人傷害你」

葉尚生抱得更用力，心裏的內疚一下湧現





他伸出一隻手指

「幻解，破」

一道白煙從葉靈身體裏竄出，葉靈暈倒過去，葉尚生將她安放好在地上，然後隻身爬上真正的金佛像，用手挖出佛像眼睛裏的千年舍利子，舍利子被黃金包裹著，金光閃閃

葉尚生將它好好收藏，然後再背起葉靈，離開佛洞

走出佛洞，六名僧侶排開兩行，每邊三個，像迎送葉尚生離開一樣，葉尚生沒看他們一眼，徑直的走過他們身邊





但最後，他還是停下了腳步

「ลาก่อน，พวกคุณเยี่ยมมาก」

（中文：再見，你地好犀利）

這一句，代表葉尚生十分敬重他們，僧侶們一同向葉尚生鞠躬，以示回敬

「เพื่อใช้โดยเร็วที่สุด，เพียงสองชั่วโมงหลังจากออกจากพระพุทธรูป」僧侶提醒葉尚生

（中文：盡快用，離開佛像之後得兩個鐘時效）

「ตกลง」

（中文：好）





跟著原路，葉尚生成功離開睡美人洞，知道舍利子只有兩小時時效的他馬上趕回醫院，只是背著葉靈的他動作速度被牽制，又不能拋下下葉靈不理...


一小時五十分鐘後，醫院內

收到葉尚生電話的洛兒一直留在房間和我一起等待他們倆的消息

「就夠鐘啦喎....點解佢地仲未返到嘅」洛兒比我還要緊張

「我信佢地會趕得切嘅」我對他們抱有信心

叩叩叩！！

一陣敲門聲響起





「到啦？！」洛兒開心的走向門口

洛兒打開房門，卻換來失望

是護士來看病人的情況，即是來看我的，護士好快就走了，她也只是來看看我吃藥沒有，有沒有大問題

時間剩餘兩分鐘.....

「得返兩分鐘...」洛爬焦慮的在門口徘徊

「冇事嘅，佢地得嘅，冇事嘅...」真的趕得了嗎...其實我也不知道

踏！踏！踏！





走廊傳來急促的腳步聲！

洛兒探頭出門外

「到啦！！」洛兒興奮的大叫

希望終於降臨我的身上，葉尚生衝門而入時，我呆了，因為葉靈正躺在他背上

「佢做咩啊？！」我問

「嗄...問咩啊問，快啲，快啲吞咗佢先啦」葉尚生還在喘氣

我接過舍利子，把它放到口裏，但這粒舍利子的味道極其難嚥下去，有一股強烈的不名味道

葉尚生察覺我的問題，他將葉靈放在一旁的沙發，然後走過來抬起我的頭，再一掌拍在我後背





咕嚕一聲，舍利子就被我吞下了

「終於...嗄...」葉尚生攤坐在葉靈旁邊

「佢到底發生咩事啊？」我再問

「唉，咪為咗你啱啱個粒野，中咗幻術」葉尚生嘆氣說

「咁....咁佢依家點啊？！」我從床上下來

「咁又唔洗咁大反應，一陣就冇事」葉尚生這才說

「哦....咁都好啲」我鬆一口氣

「你咁緊張我個妹做咩呢？」葉尚生挑起一邊眉頭，看著我

洛兒也是，她露出疑慮的眼神

「呃...咁佢係為咗幫我先搞成咁㗎嘛」我為自己解釋

「咁你又啱」葉尚生點點頭

洛兒疑慮的表情也消失了，我暗裏也鬆一口氣

「但...」葉尚生再開口

還來？！....

「我未見過我個妹肯免費幫人，仲要咁搏命」葉尚生冷笑

之後就背起葉靈，離開了病房

剩下我和洛兒在房間裏

「你唔好周圍郁啦，返上床休息多啲，快啲養好身體先可以返香港㗎嘛」洛兒扶我到床邊

「洛兒啊，你....」我想說話時

「放心啦，我冇亂諗野啊，我信你」