［打鬥/靈幻/鬼怪］《輪迴。道》/《噬魂》我由古惑仔變咗做現代道士: 277《第二季》

我還在想著卡片上的名字，因為那名字真的給我一種好熟悉的感覺，但就是說不出在哪聽過

還有在轉角處撞到的那人，也是一種好熟悉的感覺，好像見到一個認識了很久的朋友一樣

「.......」

我走出浴室，看著鏡子裏的自己，突然感覺到很陌生，覺得自己不是自己

「可能依排真係太攰啦.....」





我擦乾身，穿好衣服就去到飯廳吃飯

「搞咩沖咁耐啊，啲餸都就凍啦」啊姨問我

「唔知呢，今日個人好似怪怪地咁」我說

啊姨把手掌放在我額前

「冇啊，冇發燒啊」她說





「唔緊要啦，可能依排攰姐，請返幾日假就冇野㗎啦」說完後，我拿起湯碗，一大口的喝下

「衰仔～講咁多都係想放假」啊姨用手推一推我的頭，害我嗆到，噴出一大口湯

「咳咳咳咳！！嘩！啊姨你想濁死我咩」我拍一拍胸口

「係啦係啦，咁易死啦，食埋啲野好瞓啦」之後啊姨就回到自己房間

我拿起手機，手指在熒幕上比劃





噠、噠、噠、噠、噠

「我食緊飯啦，你應該瞓咗㗎啦～早抖」我傳出信息

幾秒後，叮！

我呆一呆，拿起手機

「未瞓啊，等緊你～」

「仲未瞓？！好夜啦喎，聽日仲要返早㗎你」我笑著回覆

「咁我想等你啊嘛」

「好啦好啦！我快啲食曬啲野就瞓教」





「好～」

電話的另一頭是我的女朋友，她的名字叫洛兒，歐陽洛兒，是一個不折不扣的大美女，現時是一家上市公司的會計總監助理，雖說是助理，但在公司裏算是高層了

而我卻是一個小小的辦公室助理

記得中學時，我第一眼看到她就對她著迷，那時候我還是一個又矮又肥的內向男，幸好後來發憤做運動，變了身高一米八五的男生，但她還是叫著我肥仔....

多次叫她改口都不肯，真是拿她沒法子

回到房間

嘟...嘟...嘟...嘟





「喂～真係食得咁快？」洛兒的聲音傳來

「喂～你話你等緊我啊嘛，咁咪食快啲囉～」我笑著回答

之後我們就開始一輪日常對話，說說大家今天吃了什麼、好不好吃、公司發生了什麼等等

直到我接出一個建議

「不如我地去旅行啊～好唔好啊？」我問洛兒

「咁突然.....」她停頓一下

是不想去嗎？...

「好啊！！我都想放假去玩下啊～」





嚇我一跳

「你想就好啦！依排真係好攰.....真係好想出去透下氣」我頹然地說

「好啦好啦～咁我聽日返公司拎假啦」洛兒溫柔的說

就這樣，在洛兒和都確定假期時間後，我們定了兩星期後去一趟泰國，放鬆心情

時間去到出發前一晚.....

「執好曬野未啊？聽日就出發啦喎～」我問洛兒

「琴日就執好曬啦～洗乜你提」她囂張的回應我





「車！咪又係前日我提你嘅，扮曬野」我拆穿她的「謊言」

「哼！我唔理～我好叻！」我想她現在的表情一定是鼓起臉頰

「好好好～你最叻啦～咁快執好野」我配合她說道

「哈～你知啦咩！我係最叻嘅！哈哈哈哈！！」她傻笑起來

「你係咪傻咗啊？」我笑著問她

「你就傻啊！！」她大聲的說

「好啦～夜啦，聽日一早就出發，早啲瞓啦」我說

「你估我地今次今次嘅旅程會唔會發生啲咩驚險又刺激嘅事啦」她用陰森的語調說

「會有啲咩驚險又刺激嘅事啊～最驚險就係你叫極都唔醒，夜晚又唔肯瞓！破壞曬成個旅程」

「好囉～咁瞓啦，早抖」

「早抖～聽日見」

不過洛兒沒說錯，泰國的確有驚險又刺激的事等著我們....