［打鬥/靈幻/鬼怪］《輪迴。道》/《噬魂》我由古惑仔變咗做現代道士: 276《第二季》

大家好，我叫陳天航，今年二十四歲

是一個辦公室助理，每日做著重複又重複的工作，簡單來說就是上班、被上司罵、加班、下班，回家睡覺

日復一日，永無變化

但直至今日，人生好像出現了一個微妙的改變

「啊航，你又加班啊？」同事問我





「係啊....搞唔掂啊...」我垂頭喪氣的說

「唉...咁你加油啦，我走啦」同事轉身離去

「好，聽日見」

凌晨十二點.....

我終於做完手上的工作，離開公司





「唉....又搞到咁夜，聽日又一早返工....」

我實在太累了，所以選擇了走一條燈光比較暗，人流比較少的後巷，但當我一走到轉角位就聽到打鬥的聲音，我戰戰兢兢的探頭出去

是一名女子正跟兩名男子在打鬥

「喂！你地做咩啊！！」我的正義感不容這事發生，所以我走出去阻止他們欺負那女生

「你快啲走！！」那女子卻叫我離開





「放心啊小姐！！有我係到冇事㗎！」我大聲的說

那女子被其中一男子打傷，飛撲向我，我立即將她扶住

「都話叫你走咯！」那女子一臉嫌棄的看著我

「小心！！」我轉身，擋住衝來的男子

但嚇了我一跳，那男子嘴裏長著兩隻長長的牙齒

「捉實佢！！」女子大叫

「呃....好！！」我馬上抱緊那男子

女子揮劍，一劍刺向男子的心臟





「喂？！你做咩殺人？！」

但那男子卻突然化成了灰燼，我整個人呆住了

女子突然拉我一下，把我拉倒在地，然後再跳起揮劍，把另一名男子也殺了，同樣，那男子也化為了灰燼

「呃....佢地點解....會」我被嚇得不輕

「唉...麻煩....」女子依然是一臉嫌棄

「佢地....」我再問

「殭屍」女子回答





「殭屍？！拍戲咩！！」我不信

「咁你唔信都冇辦法」女子縮一縮膊，然後就轉身離去

「喂！！」我嘗試叫住她

但她沒回頭，只飛出一張卡片給我

「有咩就搵我啦」她說

我接住那卡片一看，卡片上寫著

「

東道驅魔有限公司





驅魔顧問：葉靈

電話：2397 1117

」

「葉靈.....」這名字.....


這名字....好熟...但又說不出為什麼

「喂....」我再抬頭時，她已經不見了

「........」





我沿路回家都在看著這卡片，還因為這樣在轉角處撞到人

「對唔住！！」我連忙道歉

但其實我撞到他後，自己後退了幾步，他卻原地不動

「唔緊要，唔緊要，你有冇事啊？」被我撞到的人反過來關心我

他身形健碩，高大非常，還好他十分有禮貌，不然一定嚇死我

我倆對視，大家也呆住了，空氣像凝住了一樣

「師父，你點啊？」

直至他身後有人發聲我們才「破冰」，這時我才發現他身後跟著五、六人，全部身穿跑步裝束

「冇事，我地繼續啦」那人繼續帶著身後的學生向前跑去

「呼.....今日做咩...快啲返屋企啦」我搖搖頭，繼續我回家的旅程

咔啦....開鎖

咿.....推門

我放輕腳步，打算走回房間

「返嚟啦？」一聲音從客廳傳來

是我啊姨

我是一個從小就無父無母的人，幸好身處外國的啊姨回流香港，把我接回家照顧，不然我現在可能是街道上的小混混

「呃....係啊，你咁夜都唔瞓嘅？」我問啊姨

「噓.....你姨丈瞓咗啦，等你門啊嘛，又咁夜返，呵～」啊姨打著呵欠

「哎啊，我咪叫你瞓先囉，我成日都OT㗎啦，又唔係細路仔，洗鬼等我門咩～」我按著啊姨的肩膀，為她按了幾下

「你幾多歲，我都當你細路仔㗎啦～我留咗啲餸比你，整返熱比你」啊姨走向廚房

「好啊，錫曬你，咁我去沖個涼先啦」

「嗯」

嘩啦嘩啦——

熱水從花灑流下，為我洗去身上累積了一天的疲憊，我站在浴室放空發呆