［打鬥/靈幻/鬼怪］《輪迴。道》/《噬魂》我由古惑仔變咗做現代道士: 278 《第二季》

泰國的天氣，晴空萬里，沒有香港夏天的那種悶焗，這裏是清爽的炎夏

「外國啲風都香啲㗎～」洛兒攤開雙手，然後用力吸氣

呠～

「係咩！定我個屁香啲啊！」我奸笑的說

「喂啊！！你好核突啊！！」洛兒追著我，揮手打我





我跟她展開一場「追逐戰」，她打我避，而且她又跑得不夠我快，根本打不到我

「你仲未答我喎～泰國啲風香啲定我個屁香啲啊！」

「香你個死人頭啊！！企係到！！」

呯！！

呯！！





兩聲撞擊聲響起

其中一聲是因為我突然停下步驟，洛兒撞上我後背

「啊.....你做咩突然停啊，好痛啊」洛兒抱怨

「我撞到人啊」

另一聲撞擊聲是因為我顧著回頭看著洛兒不小心撞到一個路人，他身穿橙色長袍，上身露出半胸和一隻手臂，下身長袍拖地





從他上身露出肌肉的地方就可看得出他十分健碩，肌肉線條分明，明顯是操練過的，頸上環著一條木製珠鍊

「I am so sorry about that 」我連忙道歉

那人看著我眉頭緊皺，是生氣了嗎？....

「คุณจะพบปัญหา ， หากพบปัญหา ，กรุณามาหาฉันที่หน้าวัด」他神情凝重

（中文：你嚟緊會有血光之災，有咩困難就嚟前面間寺廟搵我啦）

但我完全....聽不懂他在說什麼....

我一臉茫然的看著他，他突然提起手，我以為他要打我，我後退兩步

但原來他只是伸直手掌，將手放在胸前，然後就走了





「你冇野啊嘛？？」洛兒問我

「冇，但佢啱啱講咩」我回頭看那男人

「算啦！唔好理佢啦～我地去酒店先啦」洛兒拉著我往酒店方向走去

一番折騰，終於到了酒店房

「呼！！好攰啊～」洛兒大字型的攤在床上

而我...

正幫她安放行李





「咩都唔洗你做啦喎～咁都攰？」我裝作無奈的說

「咩啊！你係咪唔滿意啊依家！！」她坐起來盯著我

「無～好開心添～」我擺出一個十分虛偽的笑容

「開心就好，最緊要你開心～」她也知道我這是假笑，但大家就在配合著劇情

「好啦，搞掂啦！落去搵野食啦」安放好行李的我，走到床邊

「好啊～你孭我落去啊」洛先瞇起眼，甜笑看我

「唉～好啦，上嚟啦」我馬上背向她，扎好馬步，等她跳上來

我嘁！！





一眨眼的功夫我背上就多了一隻無尾熊，我背著她去找吃的

旅程的第二天

「呵～早晨」洛兒在床上坐起來

「早你個晨～早餐都買埋啦，叫極都唔醒」我搖頭說

「嘻嘻～咁我知道你會買早餐比我啊嘛」洛兒從後抱著我

「知我好呢，快啲食野啦，食完就去拜下四面佛啦」

四面佛像旁





「肥仔啊，你覺唔覺得個佛像個樣好邪啊」洛兒用我的衣袖擋住自己的臉

「噓！！唔好亂講野啦」我用手捂住她的嘴

拜完佛像後，有一男子跑過，把洛兒撞倒在地，即使我馬上拉她的手，也改變不了

「啊！！」洛兒雙手按地，手掌都擦損了，我一手扶起洛

然後伸手捉住撞跌洛兒的那男人

「喂！你有冇搞錯啊！」我對著他破口大罵

.....我差點忘了自己身處外國，我轉一轉頻道

「hey! What wrong with you!! 」

「ฉันขอโทษ！! ฉันขอร้องให้ปล่อยฉันไป ! ! พวกเขาเกือบจะตามทัน! !」

（中文：對唔住！！我求你放手，佢地就追到嚟啦！！）

那男人的表情十分驚慌失措，整臉都是汗珠，而且身形十分瘦削，還滿身是傷，看上去並不像是故意撞倒洛兒

我望向洛兒

「你冇事啊嘛？」我依然保持一手拖著洛兒一手捉實那男人

「冇事，擦損少少姐，放開佢啦，嚇親人啦」洛兒說

我放開手，那男人馬上拔腿就跑，但事情發展卻出乎意料，我們身後突然衝出幾人，把那瘦削男捉住，並作出毆打