【愛情】【冒險】【穿越】【友誼】【喪屍】《三天之後，遊戲開始》: CH.27【人非死神】

【Zenia視角】

作為AC班嘅共主，我非常想出一分力，為自己嘅據點作出防禦任務。

幫前線嘅手足們一齊對抗感染者大軍。

第一波殺到埋嚟嘅，聽講係叫「青」嘅感染者。

係中六準備文憑試嘅師兄姐。





雖然唔相識，但同為人，我對佢地嘅最終下場感到好悲傷。

唔可以為佢地報仇，只可以為佢地祈求喺另一個世界可以活得更好。

願佢地活喺一個冇測驗，冇評估，冇文憑試，甚至冇考試制度嘅世界。

從頭先嘅低音頻之中，我感受到嘅係佢地嘅怨念，同埋對人類生活嘅留戀。

百感交集？同一刻，摻雜咗怨念同埋留戀感情嘅感受，真係神奇。





聽落神奇，做落遲早精神分裂。

「防線退後！」M對他的前線隊友說。

「快啲行翻去學校裏面！」他又說。

點解佢唔叫我地直接上車走人？

「哇嘰咕嘎嘎—」感染者的叫聲徘徊在這地。





突如其來，有另一件怪事。

大家嘅精神狀態，喺呢一下都好緊繃。

一位同學突然喺眾目睽睽之下，突然嘔出咗一啖又一啖嘅白泡。

成個人不省人事。

「喂喂喂，你見點啊！醒啊，唔好訓啊！」我非常懼怕他會長眠。

「我⋯我唔得啦，殺⋯殺咗我。嘰咕嘎嘎—」他的聲線冷得讓人驚慌。

「我唔可以咁樣做。」說真的，我也沒有這勇氣。

「唔⋯唔好，求下你，我依家個感覺就好似俾好多毒蟲咬咁樣，身體仲有其他嘅變化⋯我唔知點解，但我真係好辛苦。嘎嘎。」





他真的很痛苦，整個身體都出現了抽搐的徵狀。

我冇呢個決定人地生死嘅權力。我唔係死神。

面對住進退維谷⋯

「點⋯點解會咁嘅。」旁邊的同學都嚇到快要尿褲子了。我也不知道箇中出現了甚麼因素使他出現此情況。

「大家⋯千祈唔好放棄希望。如果唔係⋯嘎嘎⋯就會好似⋯嘰咕嚕⋯我咁。」

希望？

來世再做好同學吧，李斯達。再見。





呢個同學已經冇咗氣息。溫度已被擄走。

安息。

根據佢最後講嘅一句說話，唔通普普通通嘅一樣失去希望就可以將一個人殺死？

仲要係突然死亡嘅玩法？

我錯了。

「嘎啦咕哇嘰—」斷了氣的李斯達在我身前，再次醒過來。

我這次不該慶幸。

因為，他是以感染者的身份活過來的，是個不折不扣的活死人。





他已經不再是我們3A班昔日所熟知的李斯達。

「仆街唔係掛，詐屍還魂？」旁邊的同學—陳明強也發聲了。

「哇嗚嘻喏哠—」聽不懂的叫聲。

佢向我嘅身軀進行攻擊，想要食咗我咁樣。

雖然我承認自己的確唔錯，但唔係咁樣食我的！

「哇吊那星，我唔想死啊！」陳明強把小刀插進了剛剛屍化的李斯達的眼球中，還要直穿腦部。

這是多少分的力量啊。





鮮血濺到我臉上，形成一道道血的線條。

時間好似靜止咗。

眼前嘅人，再次倒地不起。

我花咗好一陣時間重新反應。

呢次，係真正嘅道別吧。

我心裏面默默啜泣。

唔難望見，旁邊嘅六十幾位同學都各自低泣。

呢個動作，真係少不免嘅。

「大家，唔好放棄希望。我地要為李斯達討回公道。為佢爭取翻一個正常嘅香港，我地向呢位義士默哀。」我真誠地呼籲。

大家都低住頭，想必已經各自為佢祈禱同求神拜佛。

我唔敢繼續張開口，怕下一秒，李斯達嘅血就會進入我嘅口中。

如果就咁俾佢嘅血液流入我身體，分分鐘我就會就此感染。

我先唔想同佢嘅血液交融埋一齊，又唔係同佢有親。

因乜解究佢會突然變異？突然之間嘔白泡都已經好唔合理架啦。

「希望」呢樣嘢真係會咁大影響？咁即係話呢個疫症可以當做情緒病看待？

件事越嚟越複雜了。