【愛情】【冒險】【穿越】【友誼】【喪屍】《三天之後，遊戲開始》: CH.26【無常】

「算數，俾佢地行，況且我地冇時間啦。大家都有眼見，數量真係唔講得笑，再唔走，就係大家嘅死期。」

我雖不快，但卻不能阻止，因為浪費時間是不智的。

這是他們自己的選擇，也是他們生來就擁有的權力。

然而，計劃永遠趕不上變化。好事唔嚟，壞事再嚟，仲要起雙飛。

「點走啊，你睇清楚啲啦。」阿Long指向外面，和這裏根本沒有兩樣。





「大鑊啦，進又唔得退又唔得。食蕉啦，搞乜東東咁多架。」我感覺到煩躁。

「打啦，咪躁啦，我地依家幫佢地頂住，搵個機會叫佢地偷走出去好過啦。」他也只能這樣說。

「防線退後！」我叫前線的同伴們。

依家已經非常嚴峻，感染者數量不減反增，我地要確保攻擊對感染者有用之餘，仲要保全自己唔會受到任何嘅傷害。

縱使我已經貼滿咗一層保護喺皮膚上面，我都係冇辦法行得太貼身。





一個唔留神，俾佢地嘅無心之失捉到我頸部外露嘅位置就玩完。

阿Long佢地一行人都有做好所有措施，唔知點解總感覺佢地嘅保護層比較差咁。

可能吸收一次攻擊就要報銷，好容易進入困境。

「快啲行翻去學校裏面，唔好走住。」我大聲道。

「點解？明明外面就係離開嘅資本，為乜唔俾我地走？唔好阻我。」





「好啦咁，我地留低先。」現在陣營明顯地分成了兩派。

一派是立即離開，往新地方走的。

一派是信任我們，而選擇留下的。

冇人知道之後會出現咩狀況，立即離開都有佢地嘅理論嘅。

畢竟遠離是非之地，都係一件好事。

與此同時，都冇人會知遠離呢度之後究竟何去何從。

「火！快啲快啲，唔好慢。」我一直在消耗資源。

「冇啦就快，仲有冇其他方法？」





「有。以死相救。我有覺悟架啦，你地自己再決定。」我口上說着以死相救，也未曾忘記本陣中那張溫柔而又熟悉的臉。

「我唔想英年早逝，不過打就可以繼續打，搏盡無悔。話咗幫手就要幫。」阿Long是義氣仔女呢。

「天橋攻緊嚟！突然有大批感染者到場！道門好快就會同正門一樣打柴！」十三用對講機進行緊急廣播。

「盡量抵抗，頂唔順就一係會合我地，一係翻去學校範圍！唔好不自量力，喺咁行出呢個地方。」這是赤裸裸的現實，實力輾過就只能靠拖時間。

我看得出大家都非常怕，諗唔到會喺呢種時候發生這種影響後半輩子是人是屍嘅境況。

「死士們，用力！唔好放水，你一放，我地滿盤皆落索。呢個地方都會隨時淪陷。因為呢度，已經一早唔適合我地居住。全部人記住，見到有機會走就唔好諗，走得一個係一個。」

我對正要逃回學校內的同學說，並開始用對超自然災難的目光看待當前最大的這個任務。





說真的，這種任務年中聽不少人胡說八道過一番。

依家已經顧唔上話咩大聲講嘢會引到感染者，總之消息成功傳達就可以，唔想再深究。因為感染者嘅包圍已經冇嘢可以比呢件事更為差。

「喂，阿M，你俾力啦！我就快手軟啦。」眼前的這個人，已經奮勇斬殺二十隻感染者。

其實我都喺半掩蓋住良心嘅同時完成咗屠殺三十隻感染者嘅成就。

真係屬於成就嗎？喺人地眼中可能係，但我唔認為係咁樣。

面對成百，唔知道有冇上千嘅感染者，單靠我地二十幾人（AC兩班嘅戰鬥力都加入），好似無關痛癢咁樣，冇辦法左右到大局。

連話自己走佬最快嘅法拉利，都一改自己嘅「好習慣」留低一齊抗戰。