【愛情】【冒險】【穿越】【友誼】【喪屍】《三天之後，遊戲開始》: CH.28【戰鬥至最終章！】

「我想走啊，嗚嗚—」一位女同學快要崩潰，根據剛才的了解，此時情緒波動太誇張，是非常不安全的事。

我地必須立即通知抵抗緊嘅小隊，我地要轉換新環境，另一個更加俾到人安全感嘅新環境。

呢個地方嘅壓迫感真係好大，感覺真係會有感染者突然走出嚟咁。

「陪我玩啦，哥哥姐姐。」一把詭異到極點的聲音在耳邊行走。

「頂⋯唔係咁大整蠱啊。」陳明強又發言，他這次好像是再度受驚嚇了。





「唔乸同你玩啊，死埋一邊啦。」另一位不知是否有躁狂症的同學一句拒絕。

「哥哥姐姐，唔好咁樣對我啦，我唔係壞人嚟架。我只係長年都冇辦法走出呢個地方，所以覺得好悶咋。平時呢度好光猛嘅時候，我就冇得出嚟。依家唔同啦，黑孖孖咁樣，我就可以出嚟啦！我知道哥哥姐姐好煩惱，你地真係唔想陪我玩下先？你地可能會後悔架。」這把聲音感覺很稚嫩，但那威脅的意圖也是格外明顯。我也很想知道為何不和他玩會後悔。

「你想⋯玩咩啊？可唔⋯可以同姐姐講呢度有咩地方係安全，可以俾我⋯地作為下一個據點架？講完之後姐姐陪你玩啊。」我有點口吃，相信這是極度恐慌所引起的。

「真係架？姐姐唔會呃我？」

「係啊，你講咗先啦。」我懇求。從這小孩的言語字句和態度來看，這小孩肯定不是那群感染者的一份子，頂多也是那些不太乾淨的事而已。





「玩咩啊玩？唔好玩！依家我地都就快game over，仲玩，你慢慢玩飽佢。」那大概真的患上躁狂症的同學再次發炮，把原本正常的氣氛弄得僵化。

「你地，全部都走唔甩！今日就全部留喺呢度陪我玩啦。」

「收聲啦同學，唔好亂咁講嘢啊！呢味嘢唔可以隨便得罪架，你唔可以咁樣做，我地應該心平氣和咁樣同佢講嘢，咁樣佢地先可以同我地做到朋友，同埋知道想知嘅嘢，咁樣一舉兩得點解唔可以。」我表示。

「朋友仔，唔好嬲唔好嬲，姐姐陪你。」我逼不得已。

「遲咗啦，Zenia姐姐，嘻嘻。」這次攤上大事了。





俾呢啲嘢知道個名係大忌，再走遲啲，全名都俾佢知埋，我地就有排玩。

「唔緊要，Never too late！唔好再咁樣對我，如果咁有緣再見，我再同你玩。永別。」我勸及他別再跟上。

「走啊！此地邪氣太重，仲要係新鮮邪氣啊！呢件事唔可以再俾佢發酵落去。我見到有幾件怪力亂神喺到，唔好再留喺度多任何一秒，我地處境好危險！佢地最有效嘅活動範圍喺呢個有蓋操場，大家行出呢一度，佢地個攻擊力都會低好多。最好嘅方法就係即刻離開呢間學校，免除後患。」班中一個看形勢和看風水的同學分析着，他似乎很專業。

「只可以咁做啦，危險都要走，呢度比起出面，更加可怕。你唔會知道下一秒會唔會有朋友搞上你，攞你命。」我偏向相信這換轉在平常怎麼都不會相信的玄學道理。

「行啦，唔好拖！」風水同學叫大家。

我望見眼中嘅大門，想住拉開就可以甩難。

的確係甩難，不過衝上嚟嘅卻係另一個難。

「走啊！」阿樂已經快要筋疲力盡。





「走啊！」M與感染者已經打成一團，有兩隻感染者甚至已經撲上他的身上，準備和他來一個法蘭西的濕吻。

「頂你，唔好嘴我啊！我唔想將初吻俾一個男人，仲要係喪屍啊！」吓！這小子的初吻，還在啊。

估唔到以前佢嗰一次嘅經歷，竟然冇令佢解開心裏面嘅關口。

睇嚟佢仲係封閉着自己嘅心。

至於點解封閉自己個心，真係唔知。

只知道，一定係佢一生人之中七七四十九個劫裏面，最大嘅一個劫導致佢咁樣。

「大家行啦！記得避開感染者，快速穿過佢地，有前線幫大家去擋住，你地咁都唔走係浪費咗佢為我地所做嘅防禦！唔好辜負佢地！」我義正詞嚴。





「你都快啲行啦...唔好失去希望，大家都睇住你頭啦...」M和我說，他已經快要停下來了。

「唔得！要走一齊走！」我已經感動落淚。

「我唔可以咁樣，你地走先。我喺呢度，就係為咗拯救你地。最後記住一句，you'll never be alone。兄弟我一定會喺你左近。我嘅任務我嘅使命，我會永遠記住，所以請你唔好擔心我，亦都唔好阻止我。我唔值得你咁樣。」M說得很清楚，這明擺着是要我們快點撤退。