我娶左個台妹做我老婆啊！: Chapter 66

頌賢爸爸既視覺⋯⋯

我就開住我架Stepwgn，同慧敏一齊返工。

「老公啊，你覺唔得個仔開朗左好多啊？」慧敏問。

「有嘉欣係到，一定要開朗既！唔知德華淑怡佢地上機未呢？」我話。

「架機今晚到，嗰兩個人去接佢架啦！你估⋯⋯個衰仔有冇同嘉欣上床呢？」慧敏話。





「應該有⋯⋯想當年我地兩個都係咁⋯⋯成日都係架Civic到同你車震⋯⋯⋯再唔係去酒店同你開房⋯⋯⋯結果有左個衰仔就結婚⋯⋯嘻嘻！」我話。

「你個死佬啊，你後悔啊？」慧敏話。

「唔會啊！因為我最愛既女人就係你啦，老婆！」我講完就Kiss左慧敏。

「我都鐘意你啊老公！廿八年前都係⋯⋯而家都係⋯⋯」慧敏話。

慧敏甜笑望著我，佢呢個樣同當年岩岩拍拖嗰陣一模一樣，依然咁美麗，好似唔識老咁。好似一個美魔女，我就係一個美魔男。當然，我地呢二三十年唔多唔少點都有歲月既痕跡。而家望返個衰仔同嘉欣就好似當年我同慧敏一模一樣。





至於我同慧敏點一齊既呢？就要由廿八年前講起，即係1992年。當年，我岩岩係HKU大學畢業，畢業後係民航處任職見習航空交通管制員。

1992年7月1日，距離香港回歸岩岩好還有五年，我第一日返工，好多男、女同事見到我就好似見到四大天王咁，經常會嬲我講野，所以我係裡面好受歡迎。但唯一有一個女同事，佢個樣好清秀標致，身材玲瓏浮突，白裡透紅既皮膚，但係性格好冷酷高傲，成日係班同事面前築起高牆，搞到個個都好怕佢。

冇錯啦，呢個女同事就係叫梁慧敏，就係我未來既太太！

有一日，我地返啟德機場個Tower，又同慧敏一個Shift。我地兩個就好似火星撞地球咁，一見面就炒大獲。

「喂！盧家駒你個死八公！你係咪同同事講你講溝我啊！」慧敏對我又打又罵。





「慳啲死八婆！屌你都忽忽地既，我寧願做光棍我都唔會溝你啦，你去照下鏡啦！」我話。

「收嗲啦！屌你！你知唔知⋯⋯我打死都唔會鐘意你！死八公！」慧敏講完就扮鬼臉。

我地兩個人就係咁吵，連我地個老總同啲同事都頂我地唔順，問我地兩個係咪兩公婆黎。搞到成個Tower好似街市咁。可惜人算不如天算，我地個老總成日將我同慧敏編埋同一組，返工時間又一樣，次次比啲同事笑。

過左三個月，我同慧敏一齊過左Probation⋯⋯

收工後，我地去到停車場，又見到慧敏個八婆係到攞車。我就冇理到佢，去攞我岩岩買既二手黑色EF9去冷下車。我望下佢，真係咁岩，原來佢嗰部係紅色既EF9

「死佬！夠唔夠膽飛返轉？」慧敏話。

「驚你啊，死八婆？你想點飛先？」我話。

「由呢到出去太子道開始，然後上清水灣道到西貢U Turn落返返黎機場。」慧敏話。





「好啊！輸左你今晚跳脫衣舞比我睇。等住比我扑啦！」我話。

「你輸左係Apron到裸跑啦！」慧敏話。

我地就出左閘，去到太子道東就開始。