我娶左個台妹做我老婆啊！: Chapter 67

一落橋，慧敏就係到比油，講真女人手車咁惡我真係第一次見，搞到我追到氣咳。

既然係咁，我都全力以赴，比你睇下啲男人本色。大家都係EF大踢，行1.6ZC引擎，點都唔會輸既。

我就一腳踩到底，每次去到紅區先轉波。而架EF同我開始有左默契，比平時快左少少。

見到慧敏咁好既技術，可以睇得出佢真係好勁，每一次過彎，佢都攞得好準，又唔會推頭。簡直冇得暉！

去到彩虹邨轉上去清水灣道，唔知大家係咪都係1600CC，我同慧敏都勢均力敵。唔係，應該係話大家都唔快。如果我揸我大佬架GTR一定放硬你星星。





本來我唔想同慧敏鬥，但係呢個女人又成日係班同事面前唱衰我，又叫我係Apron到裸跑。火都黎埋，如果我今晚輸左我咪瘀到爆？？？反正贏左我就唔使裸跑，扑唔扑佢就算啦，當比佢買個教訓。

唔得唔得⋯⋯要專心揸車，唔係既我就要裸跑啦！

我同慧敏一路沿住清水灣道一直行到西貢公路，去到西貢市中心再U Turn原路返去。我就全程踩到盡，希望爭取到0.2到0.3既差距，趁佢有差池我就可以乘機攻上去。可惜去到落到去安秀道，我都一直抽唔到頭。而且車胎開始不聽使煥，水溫開始上到H位。

唔通我要認命？？？

去到彩虹邨個紅綠燈位，突然間慧敏比架貨車閘左一閘收慢左，而咁岩呢個時候就轉緊黃燈，我就一野沖左上去。慧敏就停低左，我就過左去。





呢個時候，我見架車唔多對路，就收油照返正常速度沿太子道東返去啟德。

奇怪啦，我見到慧敏冇追上黎，但又跟住我。我就打死火燈係拍埋一邊，然後佢都停埋黎。

我就跑埋去慧敏架EF到，見到慧敏成個人呆左坐左係架車到。

「冇事嘛？落車先啦！」我安慰慧敏。

「我冇事。」慧敏話。





「做咩搵人飛車啊？我以為你飲醉酒啊！」我話。

點知，慧敏抱著我大哭，同平時與我鬥嘴既佢判若兩人。佢迷人既體香，水汪汪既眼睛，溫柔既聲線，一直有種強烈既電流吸引著我，死啦我係咪患上左斯德哥爾摩症後群？鐘意左佢啊嘛？

過左一陣，慧敏心情平緩返⋯⋯原來佢好驚係公司比人蝦，所以就自築高牆去保護自己，對自己既要求好Strict，所以冇咩朋友。又唔抵得我係同事，老總面前咁受歡迎，所以就用飛車去麻醉自己，又係Office到同我鬥嘴。

而今次佢輸係我手上，係因為佢一直都未輸過，一時間接受唔到呢個殘酷既現實。

「好啦！唔好再喊啦，你睇下你再喊變花面貓架啦！」我輕撫著慧敏個頭。我同佢差一個頭既距離，我身高180，佢就165。

「你唔使要我跳脫衣舞咩？我⋯⋯願賭服輸，今晚比你扑⋯⋯我⋯⋯係咪好任性啊？」慧敏問。

「傻啦！我頭先講下笑咋。係⋯⋯你係有啲任性，不過係我揀既！」我話。

慧敏聽完我咁講就不禁地甜笑，佢個笑容⋯⋯可愛到呢⋯⋯好似啲香港小姐咁可愛。





「咁有啲咩懲罰先？」慧敏問。

「陪我過去九龍城宵夜啦！」我話。

「好啦！我泊返架車先，然後一齊去啦！食完要等埋我細佬收工啊，佢架機陣間到！」慧敏話。

經過呢次飛車之後，我同慧敏既關係由鬥氣冤家變左朋友以上，戀人未滿既好拍擋，好朋友，我地成日一齊返工放工，有時放假就約出黎行街睇戲食飯，跑步打籃球。亦都因緣巧合識左佢孖生細佬，原來係新入職既機師。

而慧敏亦都敞開心扉，同其他同事既關係好左好多，估唔到因為小小既挫敗，促進佢既成長，冇得揮。但估唔到既就係⋯⋯原來慧敏同我一樣，都係冇拍過拖，又係HKU校友，都係咁鐘意飛車同打波。點解咁索既女仔都冇人追。

至於你問我同慧敏幾時拍拖呢？就要數到同一年既除夕，當晚我膽粗粗咁約佢出嚟倒數，點知佢又話想約我。我諗如果一個女仔肯係呢啲重要節目都肯陪自己既，嗰個女仔會係陪你走到終點既女仔。

我好記得當年因為大家都唔想過海就唔去蘭桂坊，最後去左尖東海傍到望住維港食麥當勞，邊食邊吹水，同時等住倒數。（好彩冇去蘭桂坊，如果唔係我地兩個當年應該係蘭桂坊慘劇中死左）





食食下，原來已經十一點五十九分，我地食薯條食到最後一條，我就提議不如一齊食。慧敏就主動飯來張口等我餵佢，然後我就伸個頭埋去Kiss佢。而慧敏都好主動回應我既吻。

「五、四、三、二、一，Happy New Year！」

我同慧敏就咬著嗰條薯條，同時也是我們的初吻。一齊踏入了1993年。呢一年，正式表示我們倆愛情故事的開始。

而每過一天 每一天 這醉者
便愛你多些 再多些 至滿瀉
我發覺我最愛與你編寫
Oh 以後明天的深夜
而每過一天 每一天 這醉者
便愛你多些 再多些 至滿瀉
我最愛你與我這生一起
Oh 哪懼明天風高路斜





我地兩個拍拖後，雖然有時會吵下架，但係感情都好恩愛。而雙方家長都好鐘意我同慧敏，每天都會愛對方一些。

只不過，由於我同慧敏成日都做，又長期唔戴Dom Dom，四個月之後佢就未婚懷孕，有左我既骨肉。

作為慧敏既另一半，我決定向佢求婚，娶佢為妻。因為除左責任，我呢生只愛他一人！結婚係我地唯一既出路。我諗唯一既遺憾，只係冇即刻影結婚相，就咁去婚姻註冊處到登記結婚。（當然最後都有影，只係等到頌賢出世後先影）

好彩雙方家長夠開通，叫我同慧敏即刻註冊先，又話等BB出世之後先再搞擺酒。而我同慧敏都有共識，一齊係美孚新邨到買左個單位作為我地既愛巢。又可以方便我岳父岳母過黎照顧個B。

去到幾個月某一日，我同慧敏陀住B，行經太子間本田陳列室到睇車（因為始終EF都係唔方便）。

行行下，我就見到新出既Civic EG同Accord，其實我就編好揸棍波車同Civic，但係Accord就睇落斯文D，可惜得自動波。各有各好！

「老公啊，不如買Civic啦。我好鐘意呢架車啊！」慧敏話。

「你唔怕話我飛車咩老婆？」我話。





「唔會啊！我同BB都想坐！」慧敏話。

「既然我地三個都鐘意，好啦就白色Civic，1600CC大踢VTI，白色棍波！」我話。

我就即刻落訂⋯⋯然後等搞好晒啲文件後就出牌收車。

「好野，買到車啦！老公，BB踢我啊！」慧敏歡呼。

「辛苦你啦老婆！改個BB叫咩名好呢？」我話。

我同慧敏諗左一諗，就決定改名叫個B做「頌賢」。寓意將來做一個好人！