我娶左個台妹做我老婆啊！: Chapter 65

自從上次同嘉欣發生左關係之後，我同佢既關係又近一步。講真我已經當左佢係我老婆，我只會同佢一齊建立一個屬於我地既家庭，一齊去有我地既BB。

有著你，就是幸福。

話就話咁姐，我同嘉欣有一個Agreement，只可以係特別日子先可以做，只係可以用手或口幫下我，而我只係可以向佢抽下水。我都明既，如果縱慾過度既話就會精盡人亡，到時大家都變左老殘就唔好啦。

話時話，時間過得好快，呢一日就係嘉欣爹地媽咪返黎香港既日子。而爹地媽咪知道左呢個消息之後，就即刻Book枱約未來親家食飯。

咁岩呢一日我同嘉欣又係返早更⋯⋯而嘉欣爹地媽咪就夜晚7點幾落機。一收工就可以接佢，時間岩岩好。





「早晨啊，欣欣！」我話。

「早晨啊，賢賢！」嘉欣話。

「今日接你爹地啊。」我話。

「係啊！你揸邊架車去啊？」嘉欣問我。

「今日揸啊舅父架四驅車去，唔揸我架FD2啦。」我話。





點解我今日揸舅父架Land Rover去呢？因為爹地今日要用架Stepwgn，我就當然唔會用FD2去接嘉欣爹地媽咪啦，而咁岩我舅父舅母今日要飛去Vancover公幹兩個星期，順便探下啲老友，所以我就提議問舅父借架Land Rover車返佢出機場，可以慳返啲停車費。舅父聽到咁，就二話不說前一晚借左車匙比我用。

「好啊。」我話。

呢個時候爹地媽咪話要比啲野舅父，提議一齊出門口落去停車場。

去到停車場，見到舅父舅母係拖住個喼係到等我地。

爹地媽咪同舅父舅母講左一陣之後道別，同時我同嘉欣一齊幫手搬行李上車。





講返架Land Rover，係一架1997年出廠既Discovery，係我舅父當年考到機長買返黎既車，上左中港牌。車牌係HC628，平時舅父就好鐘意揸呢架車出大陸。





講完，爹地媽咪就開走左佢地既Stepwgn，我就開走左架Land Rover走。