我娶左個台妹做我老婆啊！: Chapter 60

我地就入返去圍村間祖屋到，見到飯枱全部都係好豐富既菜式，全部都係嫲嫲同伯娘親手炮製既。而今晚祖屋裡面好熱鬧，十足十好似過年過節咁。

而爺爺嫲嫲就示意我地四個後生仔一齊坐，爹地媽咪同大伯伯娘一齊坐。當然，嘉欣係跟我既。

「大家食飯啦！」全家人話。

我地一邊食飯，一邊講下風花雪月，同屋企啲野。我同嘉欣都係洗耳恭聽，又係到同Toby、Hayden係到傾下計。

「Oh！原來Ally同Leslie係青梅竹馬黎嘅！」Toby話。





「幾時開始先？」Hayden話。

「一個月，其實係廿年前！」我話。

「你去死啦！廿年前，我同你係小朋友黎架！你再亂咁講今晚踢你出廳訓！」嘉欣又罵我，然後全部人係到食花生。

「係既女王！食條菜先！」我話，我就夾條菜比嘉欣食。

「嘻嘻！多謝！」嘉欣就係到甜笑。





然後我地就繼續食飯，而屋企既長輩們都好愛錫嘉欣，係咁夾野食比佢。同當年佢地對阿Jane完全係天與地既分別。睇怕佢地都當嘉欣係佢地既孫新抱。而嘉欣同好快同Toby，Hayden開左一個我地既群組，方便日後聯絡。

食完飯，我同嘉欣就主動咁去洗碗。始終有句說話：「長輩煮飯，後輩洗碗！」

「估唔到賢賢你屋企啲長輩咁易相處，唔似得咩親戚嘴Miu Miu！」嘉欣話。

「咁每個屋企都可以好和諧既，好彩我爸媽既屋企都係咁和諧，最緊要獨立，唔好成日靠屋企，係呢你地台灣嗰邊係點架？」我話。

「同你差唔多！不過爹地就同我講廣東話，媽咪就會有時同我講國語。外公外婆就同我講台語，搞到成日要轉台。爹地媽咪下星期返香港啊！」嘉欣話。





「到時同你一齊去接佢啦！好唔好啊老婆？」我問。

「好啊老公！愛你！」嘉欣話。

見到洗緊碗既嘉欣好可愛，我又乘乘機機係到Kiss佢既臉蛋，雙手就抱著佢條纖腰。而嘉欣就被我呢個擁抱停止左個洗碗動作。放心，我只係擁抱著嘉欣，唔會咁快做甜野既。

「做咩啊？？賢賢？」嘉欣問我。

「欣欣你好可愛啊！」我話。

「傻豬！你雙手好暖啊！我好想一直比你竉壞！」嘉欣話。

「就想賴著你！」我話。

「嗯。」嘉欣話。