我娶左個台妹做我老婆啊！: Chapter 61

我地望一望後面，原來爺爺嫲嫲入左廚房。

「乖孫，你同欣欣一齊洗碗咁乖啊？」嫲嫲話。

「冇我見咁耐冇返黎食飯，所以咪幫下手啦！」我話。

「你地兩個好似你爸媽當年拍拖咁哈哈！次次同我地食飯都主動洗碗。欣欣你真係好乖乖啊！抵做我地盧家既孫新抱！」爺爺話。

「多謝爺爺嫲嫲！」嘉欣話。





「好啦！唔阻你地兩個啦！你爹地媽咪同大伯佢地打緊麻雀啊，你地同Toby，Hayden一齊玩下啦！欣欣下次叫賢賢帶你黎探我地啦。」爺爺嫲嫲異口同聲話。

嘻嘻，我地四個一早撈到熟晒啦！你地唔知同一個年齡層嘅小朋友會特別熟咩？

我地就洗完碗，然後走左出廳。Hayden同Toby就拉我地出去玩。

「喂大少帶我去邊到玩啊？」我問Hayden。

「入左新玩具啊！歡迎黎到Hayden同Toby既Channel。」Hayden又係到自吹自擂。





「屌你地幾時開Channel啊？唔叫我？」我話。

「你同欣欣咁忙，但我地一早預左你地啦！台灣分部比欣欣打理。」Toby話。

「咁益我？咁要睇下啦！」嘉欣問。

我地四位年輕人就移師到大伯間車行，其實我家族不論男女，都係愛「車」如命。大伯除左佢平時部R32 GTR之外，仲有部舊款既日產Gloria、同Serena七人車，Toby就有架Silva S15同350Z，而Hayden分別有部R33 GTR同R34 GTR。換句話講，我大伯一家就係「N車」家族，我同爹地就係「H車」家族，而我舅父就係「歐洲車」家族。

一去到，就見到有架同惡魔之Z一樣既深藍色Fairlady S30，當然呢架係出左牌，冇錯，個號碼又係628。點解我會咁講呢？因為我地屋企既所有車都係「628」做數目字，英文字母就用返較為舊款既。「628」其實係我爺爺既生日，所以佢就想屋企所有車都係用呢個Plate Number。包括埋我屋企嗰兩架車，同埋舅父嗰三架歐洲車。





我就同Hayden一邊傾計邊睇車⋯⋯


「屌，呢架咪惡魔之Z？」我問。

「係啊！我早兩日攞返黎架既新玩具，驗車唔使過廢氣。可直接出牌！彈埋頭冚比你睇。」Hayden話。

「L28引擎？？報到正咩？」我就睇到頭冚，嚇我一跳。

「架車黎香港之前點改都可以報正，但出牌驗車之後就唔可以了，過Block會腳軟！入返架日產玩下啦！」Hayden話。

「邊有車位啦？我有架FD2夠晒架啦！養唔掂！」我話。

講返架S30Z，其實幾吸引既。但比我揀，我始終最愛都係FD2。