我娶左個台妹做我老婆啊！: Chapter 57

溫嘉欣之視角。

今日同盧頌賢個衰人一齊返工，我見個衰仔瞓尋晚踢我，搞到我冇覺好瞓。我咪懲罰下佢叫佢買杯Starbucks比我飲。當我想等佢嗰陣，阿Jane佢地幾個Bitch無啦啦係到圍住我，對我不斷言語攻擊。我知阿Jane上次因為我扮盧頌賢既正印女友，兼且有埋佢既BB黎扼佢，所以向我報復。仲話我係到扮高貴純情，係到勾引男人。我真係好驚⋯⋯驚到差啲想喊，本來我真係想鬧返阿Jane轉頭，但礙於我著住Uniform On緊Duty，所以我都忍氣吞聲。但阿Jane愈黎愈過份，身邊啲人完全冇一個肯伸出援手，我啲眼淚開始一滴一滴流出來，呼吸聲也變得很急促。講真我咁大個女以黎從未試過比人去侮辱，以前就算遇著啲「奧客/西客」都唔會咁唔開心，唔通真係冇人救我？？嗚嗚⋯⋯

突然間，係遠處傳來一把好熟悉好有安全感嘅聲音：「冇事嘛，欣！停車啊！」係啊，呢把聲就係盧頌賢個衰人啦，佢就好似白馬王子咁樣突然出現，黎拯救我呢個灰姑娘。個衰人為左保護我，不惜一切去惡鬥阿Jane，仲向全世界講我係佢女朋友，嗰一刻我都半信半疑，我唔知佢到底係為保護我還是真係鐘意我呢。但唔知點解有個衰人係到我就咩都唔驚啦！

而輸打贏要嘅阿Jane，仲係到威脅我同個衰人會搞到我地兩個雞毛鴨血，但個衰人完全冇向阿Jane妥協，出盡佢既男子氣慨向Jane咆哮。阿Jane都知道大勢已去，就當場摑左盧頌賢個衰人一把，然後就衝左入去Airside。而係到袖手旁觀既花生友，知道冇花生食就知難而退。

見到盧頌賢個衰人望住我，我覺得呢一刻好唔真實，於是我就走出去街，想避開個衰人等自己清醒下。其實⋯⋯20年前盧頌賢個衰人係呢到Kiss左我嗰陣，雖然當時我仲係一個細路女，但係我Feel到有種好強烈既電流通過我全身，令到我大腦神經充滿亢奮。我既初吻就係咁樣比盧頌賢個衰人偷走了。由嗰一刻開始，我就已經當佢係我個終身對象㗎啦。咁多年黎，我一直都冇拍拖，就算身邊有好多男仔追我，我都對佢地冇感覺，因為我淨係鐘意盧頌賢一個咋。





返香港呢段期間，我睇得出盧頌賢個衰人真係對我好好，同當年仍然係小朋友既佢依然冇變，我知佢其實咁多年黎都冇放低過我，一直依然咁鐘意我。只不過因為佢仍然未走出阿Jane既心理陰影，就冇向我表白。我就一直鼓勵佢，叫佢多啲與我約會，又借啲意誘惑下佢，等佢可以抽下我水。有時發夢⋯⋯如果個衰人拖住我手入教堂結婚⋯⋯你地話幾好呢？

我知，上次Rosita婚宴之後，盧頌賢個衰人就係睡房到向我表白，當時我知道佢係鐘意我架，但我見佢咁冇誠意咪欲拒還迎，玩下佢囉。當然個衰人都冇放棄去追我，仲帶我返去我地以前讀書間幼稚園，等我回憶返我地既青春歲月，係咁一直維持著曖昧關係。

當我走到出去暢航路冷靜下嗰陣，盧頌賢個衰人走出黎追住我，並且捉住我唔放。我真係驚佢返去比老細照肺叫佢唔好追我，佢就更加追住我唔放，仲話即刻Resign追到我去台灣添，即時向我表白。我知道佢一直好想實現返20年前對我既承諾，我真係Touch到喊呢。盧頌賢你個衰人，你既Kiss又再令我回憶返當時嗰種強烈既電流感，我又被你偷走了我的初吻了！我就決定用盡了畢生既運氣，去應承同你呢個衰人一生一世。

盧頌賢，我愛你一生一世，永遠只想賴著你。你啊，要好好咁照顧我啊。愛你唷！

以後要多多指教啦！





有些人 在心底從來沒忘記
有些事 有些夢 還找不到謎底
有些話 越欲言又止 就越是動聽
讓我們 靠近 想悄悄告訴你 多愛你