我娶左個台妹做我老婆啊！: Chapter 56

嘩咁快，我哋就收工！一收工我同嘉欣就即刻手拖手，變返一對甜蜜嘅情侶。啲人成日話開心嘅時刻過得特別快，原來係真㗎！

「賢賢，我哋去邊度啊？」嘉欣好嗲咁問我。

「當然去食飯啦，拍下拖拖啦老婆！」我話。

「喂我今日先同你拍拖咋喎，你咁快就想娶我⋯」嘉欣甜笑。

「梗係打鐵襯熱啦！今晚我想⋯⋯⋯」我話。





「你就想啦，咁快就想同我⋯⋯⋯如果你表現乖嘅話呢，咁我就考慮吓啦。唔好講咁多啦快啲食飯啦！」嘉欣話。

「唔知親愛嘅溫小姐，你想食咩呢？」我問嘉欣。

「是但啦樓下茶記得㗎啦！食得飽就算嘻嘻。」嘉欣話。

我哋兩個就揸返車返屋企，拍好車之後走落樓下食飯。估唔到嘉欣同我拍左拖之後，依然都係咁隨和。唔會好似一般港女咁奄尖。

落到去，由於係晚飯時間，所以都好多人要等位。呢個時候我當然要同嘉欣甜蜜下啦，不斷拖住佢手仔。而嘉欣就甜笑地回應。我趁嘉欣唔為意，就Kiss左佢。





「喂啊，邊個俾你錫我㗎？淨係我可以主動錫你！」嘉欣話。

「你係我㗎啦，注定要做我老婆㗎啦！」我話。

「唔知醜！喂話時話世伯伯母知唔知㗎？我驚佢哋唔接受喎！」嘉欣話。

「點會呀？如果佢哋唔接受你，就唔會俾你住我屋企啦！」我話。

「諗落又係喎！」嘉欣講完就Kiss我。





突然間有人拍我膊頭，我心諗屌邊個咁撚掃興呀？正當我想講粗口嘅時候，我望一望，嘩原來係爹地媽咪。佢哋簡直就好似輕功水上飄，突然間係我面前出現，搞到我同嘉欣即刻縮手。不過冇所謂啦，總之見家長未必係壞事。

我哋一家四口就一齊食飯。我同嘉欣個心情又興奮又緊張，究竟應唔應該同爹哋媽咪話我哋兩個拍緊拖。

嘉欣就全程拖住我雙手，向我打眼色。睇嚟都係要我講㗎啦。

「爹地、媽咪，其實我⋯⋯⋯同嘉欣⋯⋯」我話。

「你地兩個咩都唔使講啦，你地兩個拍緊拖呀嘛嘻嘻！我同你媽咪一早知啦！」爹地話。

「阿仔你知唔知我等咗呢日好耐啦，係嘅話就好好咁欣欣啦！不過係幾時嘅事呢？」媽咪問。

「其實⋯⋯都係今日咋，不過我驚⋯⋯⋯世伯⋯⋯伯母⋯⋯唔鍾意我同賢賢一齊⋯⋯⋯但係我真係好愛佢㗎！希望你地兩位老人家成全我哋啦！我唔可以冇咗佢架！」嘉欣怕怕醜醜地講。

「欣欣做咩咁講喎，你知唔知你同我個衰仔一齊，我哋同你爹哋媽咪不知幾開心啊？」爹地話。





「衰仔，你地兩個一定要幸福啊，到時呢一定要生個孫比我玩下！欣欣總之我就當左你係我個女㗎啦！如果個衰仔蝦你你就即刻出聲。」媽咪話。

我同嘉欣忍唔住喺度偷笑⋯⋯⋯一餐好簡單嘅家庭飯，竟然變得開心、興奮、緊張、刺激、愉快、難忘。至於嘉欣今日比Jane欺負呢件事我就唔講出嚟啦，因為始終如果唔係Jane做得咁過分，我都未必會大庭廣眾之下向嘉欣表白。

而爹哋媽咪都好識做，叫我同嘉欣食完飯之後散下步行吓街先再返上樓。

「估唔到咁快你爹哋媽咪就知喎？」嘉欣話。

「點會唔知呀？佢係機場識咁多人，肯定係Yyonne爆出嚟！」我話。

「乜你同佢好熟嘅咩？」嘉欣問。

「佢同我爹哋媽咪好熟㗎，當時我入得黎呢度做實習都係靠佢幫忙，但點都好都要靠自己努力！唔可以做壞自己個招牌！」我話。





「屌你唔怪得知你可以走後門啦！Anyway識人好過識字。」嘉欣話！

「唔知你爹哋媽咪知唔知呢？」我問。

「唔會咁快啩？」嘉欣話。

「好難講！我諗好快就知！」我話。

「但點都好我只會愛你一個，呢世都唔好分開！」嘉欣話。

我哋兩個一路傾偈傾到燈都熄埋⋯⋯⋯原來已經12點了！今日對我來講絕對係畢生難忘，因為我終於可以⋯⋯⋯⋯⋯同到溫嘉欣一齊了。

「返去啦！」嘉欣話。

「嗯！」我話。