我娶左個台妹做我老婆啊！: Chapter 48

我地起身嗰陣既同時， 爹地媽咪已經起左身， 仲係到扮後生仔女咁恩愛。 我心諗佢地兩個加埋都過百歲就唔好搞埋呢啲野啦！ 

「頌賢、嘉欣你地兩個起左身啦！ 」媽咪問我同嘉欣。

「係啊，你地兩個又咁早既！ 」我問媽咪。 

「我地兩個拍老拖啊！咁今日都係你地兩個自己搞掂啦！ 仔啊，架車我幫你整左啲野啊！希望你鐘意。」爹地話。

爹地一講完，然後就同媽咪手拖手， 好Sweet咁樣離開左屋企，搞到我同嘉欣好葡萄。既然係咁，我就同嘉欣商量一下今日有咩節目。





「欣，你想去邊到啊？」我問嘉欣。

「你話事啦！ ！不如今日遊下車河呢？我想坐你電單車啊！」 嘉欣邊講邊攞住已經屬於佢既Shoei頭盔。

「好啊！但你記得著長褲啊！」我就家長上身咁講。 

「知啦！」嘉欣甜笑地回應。

過左一陣，我地兩個就各自梳洗換衫，我就換左件灰色Carhartt Hoodie外套加一件白色U記T，洗水既Levis 501牛仔褲，同埋著住嘉欣送比我既Converse 1970黑色波鞋，攞返我個Shoei頭盔，點解要著外套？？ 冇計，因為揸開電單車既巴打絲打都知道，揸緊電單車既風速一定會比私家車大。同埋。。。。就算我唔著， 嘉欣都可以著架嘛係咪先？？





而嘉欣都好聽我話，著左件黑色MA-1外套加淺藍牛仔長褲（咩Brand我就唔知）加對黑色Converse 1970波鞋，睇黎佢都驚坐電單車會被條喉辣到。 

「準備好未啊？」 嘉欣問我。

「準備好啦！」我話。

我同嘉欣就鎖好門出左去，落去停車場，見到架Stepwgn已經比爹地開走左，得返部FD2洗到好乾淨，比之前令身左好多，唔使問一定係爹地尋日揸左我架車出去洗同打蠟。我再仔細望真啲，原來爹地幫我換左黑色18吋既Advan Racing RS-D鈴，裡面仲裝埋Endless煞車系統，仲換埋Cusco避震。











「做咩架車會唔同左既？」嘉欣充滿好奇心地問。

「肯定係爹哋幫我揸架車出去！」我話。

我再望吓後邊，原來排氣喉都有少少唔同，我望真啲，原來條喉係TODA，唔知ECU有冇改埋？

算，今日就比FD2休息下，將主角放返係部NSR到。 


呢架車有啲咩特別之處？就係要用匙卡黎著車，而唔係用車匙。 如果者，我就將匙卡插落去著車，再用手扭一扭個油門，要等架車煲一陣，去到正常既工作溫度先。每次著車扭油門時，呢架車所排出既聲，就好似貝多芬交響樂咁好聽，甚至乎FD2既K偈，以前架EG9既B偈都唔及上呢架NSR。 





去到差唔多，我先上車，然後嘉欣就好熟手咁上埋車。我就用左手Hold極力子入一波，慢慢咁出左停車場門口。

出到街，我都係慢慢咁樣好樣揸，而呢個時候既嘉欣用手攬住我條腰，對34F巨乳緊貼住我背脊，個頭就貼住我膊頭。搞到我興奮得黎又好治癒。講真，呢種感覺真係好耐都冇試過。就好似返返去岩岩同Jane游車河嗰陣，記得一開始既時候佢坐我電單車都好開心，但後來成日見到我揸電單車又係到鬧神鬧鬼，話我好Cheap唔肯買靚車去車佢，搞到我想同班朋友車聚都唔得。

呢一次，嘉欣係我用電單車車既第二個女仔，同時我都希望。。。。佢都係我最後一個坐我電單車既女人（我將來個前世情人除外。。。但FF下好啦唔好當真）

去到長沙灣道近荔枝角地鐵站個街口，我就係到諗緊野。突然間，我就諗到不如去返我同嘉欣一齊讀書既幼稚園，回味一下我地既快樂童年。

「衰人，你諗到去邊到未啊？」嘉欣問我。

「諗到啦！陣間你就知！」我奸笑。

「睇下點！ 」嘉欣話。