我娶左個台妹做我老婆啊！: Chapter 47

我地一邊睇，嘉欣已經成個人挨落我到，我當然好識做， 借個膊頭比佢挨下。 

當然，而家既我，已經冷靜落黎。冇話點樣想去搞佢。而家既我地，變左做一對朋友以上，戀人未滿既青梅竹馬。

「係呢？唔知Samuel同Rosita做緊咩呢？ 」嘉欣問我。 

「我諗應該實行緊造人計劃掛。」我話。

「我諗佢哋今晚肯定好開心。」嘉欣話。





「應該好開心。」我話。

「咁⋯⋯幾時到你呀？如果你結咗婚嘅話記得請我飲喎。」嘉欣話。

「都冇人鍾意我，你又唔肯嫁俾我。」我沖口而出咁講。

見到嘉欣塊面變得好紅，突然間靜晒，而家嘅氣氛簡直係Dead Air。死啦死啦我係咪究竟講錯嘢啊，好驚嘉欣喺度喊，究竟我應該要點做呢？

「你做咩咁突然喎，人哋都冇心理準備！太快啦！我諗你醉啦，唔好諗咁多啦。」嘉欣話。





「酒店吐真言呢句說話係真㗎。」我話。

「你諗多咗啦，最多咁呀，如果我哋呢半年都冇拍拖嘅話，咁賢賢你就同欣欣一齊啦，到時賢賢你做欣欣既男朋友啦！」嘉欣講完就同我勾手指尾。

呢一刻嘅我，都唔知開心定唔開心好。雖然嘉欣個傻妹冇話即時接受我嘅愛意，但係佢咁樣講，即係代表佢其實對我有感覺，唔代表我完全係冇機會。我知道呢個傻妹需要多啲時間去同我一齊相處，好啦就等我用行動去證明我就係你心目中最愛嘅男人。

「你會唔會嬲我頭先咁樣講啊？」我問嘉欣。

「有少少嚇親啦，不過我⋯⋯可唔可以繼續同你一齊瞓覺呀！」嘉欣話。





「好啊，你鍾意住幾耐都得。」我話。

「yeah，但係你唔可以趁我瞓覺嗰陣霸王硬上弓強姦我㗎喎。我會打死你㗎！」嘉欣話。

「係嘅係嘅。」我話。

我哋傾多一陣之後，就沖涼換衫訓覺。好彩聽日係假期啫，可以玩多一日。

話咁快又過咗第二日⋯⋯⋯⋯呢個Moment我就已經醒咗，只不過我而家俾嘉欣用手同對33F奶夾住我，成個頭空埋落我個膊頭到，令到我動彈不得。

當然，我冇嘈醒嘉欣。見到佢呢個可愛嘅瞓覺樣，我個心露出左一點微笑。為咗唔好嘈醒佢，我就有得俾佢用手夾住，用眼睛去凝望着佢。

呢個時候嘅嘉欣，微微聽到佢係咁自言自語發開口夢。係咁話：「盧頌賢我好鍾意你呀❤️⋯⋯你唔好離開我呀。」

聽完嘉欣咁講，我好肯定我個直覺冇錯。佢呢個傻妹真係鍾意咗我，宜家只不過係等個機會向佢表白。





當然我就唔執輸，就乘機Kiss佢頭額，點知佢就醒左。

「早晨呀，欣！」我話。

「早晨啊，賢！」嘉欣話。