我娶左個台妹做我老婆啊！: Chapter 10
入到去，個Sales姐姐就話2件有8折、3對7折、4對半價。我心諗如果買一件咪好唔抵？講起波鞋，其實我真係一個波鞋撚黎，特別對Vans同Converse既黑色板鞋有種僻好。基本上屋企個鞋櫃大部分都係我啲戰利品，但係我買多數都係好Classic，價錢又唔會太貴既波鞋。例如Nike、adidas、Converse同Vans等等。，主要都係分出街、打波、跑步三大類。
記得次次買完鞋返屋企，就會一定比媽咪煩。但爹地一直都幫住我，點解？由於我同爹地無論身高、體重、穿鞋既Size基本上都係一樣，加上佢平時出街會著到成個二三十歲既MK仔咁樣，所以我地既衫褲鞋襪都會一齊Share。有時我地兩父子會一齊孖住出旺角行街買野，啲人會成日以為我地係兩兄弟。
「好靚啊！」嘉欣見到對Converse 1970同adidas ultra boost話。
「不如試下啦！」我提議。
「嗯。」嘉欣點左頭。
我地就叫個Sales姐姐攞對37號比嘉欣試下，果然唔夠兩分鐘，對鞋攞左黎。果然香港人做事效率好高啊！
嘉欣就攞左對Converse 1970試上腳，果然白色連身裙再襯對黑白色Converse 1970同adidas ultra boost真係好百搭。不過好似嘉欣咁靚既女神，著咩鞋都靚既！
「喂衰人！不如你都買一對啦！4對半價喎！買啦！」嘉欣話。
「唔使啦，你買多對啦！」我話。
「平好多架！今次等嘉欣小公主買返野比你啦！」嘉欣話。
比嘉欣咁樣講一講，搞到我又忍唔住。但係⋯⋯我又諗唔到可以買咩鞋。係喎我之前對adidas ultra boost同Converse 1970著到爛晒Dump左。好！就試下同嘉欣情侶鞋啦！於是我就叫Sales姐姐攞多對同色同款既Converse 1970同adidas ultra boost比我著。話時話呢兩款鞋都幾百搭，特別係對Ultra Boost，跑步真係一流。
我同嘉欣就一齊試鞋，搞到個Sales姐姐都忍唔住笑。當我想去比錢既時候，嘉欣就搶先一步幫我比埋錢，仲話係送返比我既回禮。我心諗唔知係咪台灣既女生特別善解人意、溫柔可愛既呢？當然，我地兩個好開心、攞住各自既戰利品去繼續行街，不過呢兩對鞋係嘉欣送既，我就唔會比爹地著架啦！就算著都係只會自己著出街或者同嘉欣一齊著，扮下情侶裝啦！
「好開心啊！一返到香港就即刻有得Shopping！仲有你陪本小姐行街街！」嘉欣笑住咁講。
「你係台北唔係成日行街架咩？」我問嘉欣。
「邊有時間啊？平時又要返工，就算星期六日都係去做運動，教下日文同廣東話或者進修下。我而家夜市同西門町都好少出啊！」嘉欣話。
「你咁純品既？以為你成日去夜店添？」我講笑地講。
「幹你啦 ！本小姐很乖乖的唷！沒有談過戀愛～！我是～單～身～的！」嘉欣對住單左下眼、伸左一下脷，用國語好嗲咁對我講。係咪叫「台式撒嬌」呢？
佢咁樣講一講，唔通想我有行動？？不過我又唔知佢鐘意我，好驚佢派好人卡比我，只係當我係兄弟。同埋⋯⋯我仍然未放得低阿Jane，未走得出呢段傷痛既感情。係我未正式放下呢段感情時，我唔想隨便展開新一段既感情，咁樣對大家都唔公平。
但見大家拎住一袋二袋，我地兩個先將啲戰利品放返落架車到。順便著車開下冷氣，休息下隻腳先。而嘉欣就老實不客氣咁樣，除左對高踭鞋，不過佢著高踭鞋同連身裙，顯得佢氣質更加高貴優雅。
話時話FD2個原裝桶型座椅都幾舒服，坐上去會好透氣同有承托力，個重心又唔會好低，完全係Fit晒我地東方人既身型。個FD2座椅就將我帶返去我以前架EG9張Recaro SR3座椅咁，個感覺幾乎好一樣。每次揸完車返到屋企個停車場，我都會係車廂到坐一陣，聽下歌，坐到夠皮先落車。
「喂衰人，張櫈幾舒服啊！同我架喜美好唔同。」嘉欣話。
「係咩？你架車有冇相睇啊？」我問嘉欣。
「有啊！我開比你睇先！」嘉欣話，然後就用佢手機開左架車既相比我睇，我望一望，原來白色既台版FD1。見架車都乾淨企理，又有少少Hello Kitty裝飾，我諗嘉欣一定好錫車，但技術係點我就唔知啦 ！希望等佢返台灣之前可以比佢冷下架FD2。
「幾企理喎！」我話。
「OK啦！但呢款車係自動波，不過唔緊要啦！等我換埋個香港車牌之後就可以試下你架車啦！」嘉欣話。
「你好勁啊！女仔考棍波！」我稱讚嘉欣。
「嘻嘻！」嘉欣微笑。
呢個時候，我手機收到「赤鱲角同學會」既Wtsapp Call，於是開黎睇下，原來大家今日都Off，提議大家今晚不如飯局去打邊爐，仲話攜眷出席。
講返先，呢個群組有我、Jay（任職海關督察）、Leon（任職入境事務處入境事務主任）、Andy（任職警務處警務督察）、Jacky（任職消防處消防隊長）、Danny（任職民航處民航事務主任）、Samuel（任職國泰副機師）、Tony（任職HAECO飛機維修工程師），我地七個係中學、大學都係埋同一間（大學係唔同Major），加上大家都係機場返工，會係Terminal成日見到，所以我地幾個會好Friend，會約埋一齊做運動、食野、學狗公裝下女，遊車河，就算大家Duty緊都會粗口問候下大家，講野要有幾粗就幾粗，有幾臭就有幾臭。男人啊嘛，大家明啦！但佢地幾個都有晒另一半（係大學同學，拍到而家），所以佢地都唔敢亂黎，只係大家講粗口，得返我一個係Single。
「衰人，你今晚食咩啊？」嘉欣突然問我，搞到我變得心跳加速。
「約左啲Friend打邊爐咋！」我回應佢。
「我要去！帶埋我去！我去唔去得架？好嗎？拜託你啦！」嘉欣擺出一個好嬌嗲既表情，呢個表情係任何男人都無法拒絕，不斷地挑逗、誘惑我。
「當然啦！我係唔會咁殘忍，由得你一個既！唔知溫嘉欣小姐今晚賞唔賞面陪小弟我食飯呢？」我對住嘉欣講。
「見你今日對我咁好，好啦！Yeah！有得食好野！」嘉欣好開心咁講。
由於我地今晚食飯個地方係家樂坊，所以我地唔使出車。反正又未夠鐘，於是我地就繼續係架車到涼一陣冷氣，等緊嗰班撚樣過黎。
呢個時候，嘉欣就攞住手機就話：「衰人不如我地影下相啦，話晒都20年冇見！」
難得女神肯影相，我當然話好啦。於是我就開左車內既燈，可以補下光。好彩堂Uncle頭先仲送左個車用電話架比我，咁我地就可以用電話固定黎Selife啦。
我地於是就做左好多唔同既動作，好似情侶咁Sweet。突然間嘉欣就成個人挨落我到，仲用手輕輕抱住我條頸。不經不覺間，佢對33F雙峰就比我既手臂食晒。嗚啊！好撚爽啊。嘉欣真係樣靚身材正，如果我係佢男朋友就好啦！我一定晚晚會為佢而失眠！
「好啦、影完啦！放心啦我唔會PO去IG咁衰既。」嘉欣話。
「係我地既秘密！」我摸下嘉欣既臉蛋，好滑啊！
「喂啊你做咩摸人地塊面喎？人地都冇話⋯⋯」嘉欣話。
「怕咩喎？呢到得我同你！」我話。
「你好壞唷！」嘉欣話。
呢個時候，Andy架S2000、Jacky架EK4、Jay架CL7、Leon架FK2、Samuel架NA1、Tony架EF9、Danny架GE8陸續到晒家樂坊既停車場，泊係我隔離。今次真係H車大雜燴。佢地同各自既另一半見到我換左架FD2、嘉欣又同我一齊，不斷係到食花生，對我地兩個不懷好意，係咁奸笑。