因為ex，我決定向全世界嘅女人報仇: 最後決定

「凝凝....我..」我想解釋，但佢冇望住我，只係慢慢入嚟望住Nicole。
「你唔係應承左我嫁咩？」Rachel問Nicole 。
「..Sorry」Nicole 細細聲講。
「你口口聲聲話你唔會再見佢...」Rachel嘅語氣唔算太嬲，但有少少嬲。
「..」Nicole 冇講嘢。我呢個時候好似旁觀者咁..，完全唔知點做好，好似幫邊一邊都錯。
「凝凝..算啦..」我純粹唔想搞大件事。我講完Rachel望住我..。
「我唔想同你講嘢住..」佢嘅語氣有啲冷淡，但我feel到佢嬲唔落我，比我想像中冷靜好多。
「..」我又變左旁觀者，我好想問佢點解要私底下搵Nicole，但係錯先嘅人係我，我點敢問。
「我比你解釋..，當初係你話可以唔見佢嫁，而家呢..？同埋點解要係我地結婚之前你先嚟..」佢慢慢行向Nicole。
「我冇諗過會係咁..，我真係純粹想見一見佢就走..」Nicole話。


「咁而家呢..，你地都見完啦，攬都攬埋啦，係咪差唔多走啦」佢問Nicole。佢講完之後Nicole 望一望我...，我完全唔知可以比咩反應。
「凝凝，對唔住..」我呢個時候仲唔講嘢就真係唔係男人。
「你講對唔住有咩用...，好啦，而家我地兩個都係哂度啦..。我地比你再揀多次，你揀得就唔好再返轉頭」Rachel話。
「我..」我面前發生嘅事超出哂我嘅預算..，我冇諗過會係咁。今日係我同Rachel嘅婚禮，但今日都係我三年嚟第一次見返Nicole嘅日子。
「你係咪到而家仲鍾意緊佢..？」Rachel問我，我聽到好心痛。
「我唔係..」
「咁你岩岩做過啲咩..，你之前又做過啲咩..！！」Rachel開始嬲。
「咁點解你要瞞住我去搵Nicole」唔知點解而家嘅我反而想駁返佢。
「呀文..，算啦」Nicole同我講。
「我去搵佢咪又係因為你..！點解我對你做咁多嘢你個心都仲有佢...！點解咁唔公平，我係你身邊咁多年啦....，佢係歐洲返嚟嗰次我唔怪你，嗰陣我預左佢會嚟...。但係之後點解你仲要係咁...！你同我求婚嘅時候我真係好開心..，我以為我地可以一世嫁...」佢眼濕濕咁講。


「係！我係有錯！但就代表你可以瞞住我私底下去解決咩..？！點解你唔同我講，要咁樣做..！」我唔知邊度嚟嘅勇氣去駁返佢。
「點解你到而家仲幫住佢....」Rachel啲眼淚都忍唔住流出嚟。
「我唔係幫住佢..，我係解決緊我地嘅問題..！」我話。
「咁好...你揀..你今日無論揀左邊個，我都唔會後悔...。呀文....，仲嚟得切嫁..，之前嘅嘢我全部唔計較啦....，好冇？我求下你...我淨係想你係我身邊...，我真係好愛你」Rachel喊住咁話。
「呀文..，我唔忍心望住你結唔成婚....！你為左我唔值得呀..」Nicole都有眼淚流出嚟。
「Nicole，你離開左我之後，你係咪搵左另一個人啦..」我有樣嘢想搞清楚。
「.......嗯...」佢話。
「..」
「..我當初真係諗住以後都唔再見你...，直到知你就嚟結婚我先...」Nicole 話，
「唔緊要...」我打斷左佢講嘢。我地三個人企左係度，靜左好一陣。



「Nicole，多謝你比過咁多回憶我，令我成長左咁多」我話。
「呀文...」佢望住我。
「同埋，對唔住..。你走啦，Nicole..，我而家只係想平平淡淡咁同Rachel過..」我講完佢已經喊到好誇張。
「.....再見啦，呀文」佢掩住個口咁出去，我feel到佢喊得好犀利，但我唔可以再安慰佢。因為一路以嚟係我身邊嘅都係Rachel，就算佢瞞住我搵Nicole，都係因為佢愛我。我本身仲有啲動搖，但Rachel話唔計較我嘅錯呢句真係打動左我，就算佢遲啲會唔會秋後算賬都好，佢呢一刻的確係講左呢一番說話。加上自從知道Nicole有另一個我就冇咁想留住佢。當初佢有老公係係我同佢發生關係左好一排之後先知道，我可以接受。但而家佢係我之後搵左另一個男人我就冇咁想留住佢...，係佔有慾嘅問題。

間房得返我同Rachel。
「凝凝..，好對唔住。我知我點道歉都彌補唔到我犯過嘅錯..，但我好想多謝你一路以嚟對我嘅包容..。我唔係一個好人，但你三番四次咁原諒我...。我發誓我唔會再係咁，可唔可以原諒多我最後一次咁多..」我過去抱住佢。
「衰人衰人衰人衰人！！！！」佢不停用力打我心口，係真係好用力，但我冇避開。

「辛苦你啦，對唔住..」