因為ex，我決定向全世界嘅女人報仇: 想佔有你

我喊到個人好攰，但隻柴犬仍然坐左係我隔離。我望住佢咁樣我都唔忍心放佢係度，呼...我收一收拾心情，慢慢企左起身。
「柴柴，我地去搵你主人啦～」我話。佢都起左身，但我正諗住行嘅時候，我手機震左下。
「你係邊呀...」呀文wtsapp我。
「我想自己靜下」佢主動搵返我都冇咁嬲。
「我同佢冇做，我地淨係錫左...，錫完我就推開左佢」佢話。
「我唔想聽...你可唔可以比我靜下先？」我雖然係咁講...但至少我都慶幸佢都冇做到嗰一步..，因為如果佢地上左床，我唔知以後要點面對佢。但係佢同我講佢地有錫我都好唔開心...，佢越講我就越諗，甚至乎幻想佢地兩個錫嘅情形。我真係好需要時間去冷靜，去諗清楚我應該點做..。因為我未試過面對呢啲事，我唔識處理。
「好...Sorry...」佢話。我睇完就熄左數據，我唔想諗住。我望一望柴柴，都係幫左佢搵主人先。

柴柴跟住我行，我就咁著住對酒店拖鞋周圍行，我諗住幫佢搵左主人，然後睇下附近有冇得買對涼鞋著住先...。我先幫柴柴影左張相，係啲討論區度post左出嚟，希望有人會睇到。然後我係公園附近行左幾轉，因為好多主人溜失左狗仔都會係原地等。過左好一陣都冇發現，突然間我聽到有人叫：
「饅頭！」一把女聲叫。我沿住聲音望一望，個女人望住柴柴嚟叫。


「汪！」柴犬吠左一聲，然後跑向個女人。
「我搵左你好耐啦...！！你去左邊呀」佢好錫隻狗，我睇到佢地咁樣都開心返哂。
「汪汪！」隻柴犬望一望我。
「你好呀..，多謝你幫佢搵我！」個女人同我講。
「唔會唔會！小事啦，我幾驚搵唔到」
「唉..係我大意..我諗住入一入7仔買嘢再出返嚟。點知一出嚟，佢就唔見左..」佢話。
「下次帶條狗帶會好少少....」
「佢平時出街都唔洗狗帶..係今次..。呀係喎，我叫Kaman，佢係饅頭，唔該哂你！」Kaman望住我笑一笑。
「我叫Rachel～」
「好啦，咁我地走啦，今次真係唔該哂你！」


「唔洗客氣～掰掰，掰掰啦饅頭！」我行埋佢摸一摸饅頭，有少少唔捨得。話哂佢都陪住我喊....，但都鄧佢開心。你就好啦，有人接走你。我就冇咁好彩啦....

Kaman同饅頭走左之後我就去左求其一間鋪買左對鞋即刻著，但當我自己一個嘅時候，我又諗起呀文同Nicole...。所以我決定返自己屋企，我唔想見到呀文住。
我一返到屋企，我呀媽就問我。
「你唔係係男朋友屋企住嫁咩？」
「我想返一返嚟..」我話。
「分左手呀？」
「...」
「下！唔係呀嘛！咁快...！有冇搞錯，而家啲後生...」
「唔係呀，嘈交炸」我話。我唔知算唔算分手，如果呀文揀左Nicole，咁我地真係會分手。但我唔想比呀媽覺得我又愛情失敗...


「哦...咁都好啲！」
「我換衫先」我講完就入左房。我發現我真係好耐冇返呢度...，自從同呀文同居之後，就算我返嚟食飯，我夜晚都會返返呀文度訓。屋企人一直都以為我同呀文由同居之前就齊左，但其實我地先岩岩一齊左幾個月，....原來都係得幾個月。我拎起左部手機，睇返我地一齊嘅相...
「凝凝...你係邊？我好擔心你..。就算你嬲我你都可唔可以同我講你係邊，我淨係想知你安唔安全....」呀文突然間又wtsapp我。
「我返左屋企」算你啦..！至少會擔心我，但我冇辦法咁容易就放得低呢件事去原諒你。
「嗯..咁就好」佢話。佢講完我即刻唔想睇我地啲相，我隨便開左Youtube 嚟睇，想分散下注意力。我睇睇下佢又無啦啦send左段wtsapp比我：
「凝凝..你唔好睇Youtube睇到太夜訓呀..，冇我幫你冚被你記住夜晚唔好踢被..。仲有呀...........................好啦，我差唔多訓啦，你早啲訓啦。Goodnight, Love you」

呢段文字係的確幾warm..搞到我有少少比佢氹返...，原來係佢心目中都仲有我。但係我都係唔會覆佢，哼，呀文！你個衰人..！你究竟諗緊啲咩，如果比我發現你一腳踏兩船..，你以後都唔洗旨意再見到我！我以前發現我可以接受到佢心入面有另一個人，但今次我睇清楚啲...發現原來係冇可能。

因為我愛你，就想佔有哂你

情人為何要跟你對分
為何同情你還是痛恨
殘忍分兩份
同時分享臉上唇印


給愛情圍困 從來沒有哪個更開心

情人同時愛得太過深
如何成全你然後卸任 明知都故問
懸崖邊一路地行近
三個人囚禁 誰人會首先犧牲