因為ex，我決定向全世界嘅女人報仇: 糾結

我諗都冇諗過，我地一齊嘅原因竟然係因為一張我朋友嘅相。嗰一日，我到而家都記得好清楚。

「點解...點解都過左咁耐你仲要喊...」我問佢。我唔明，點解佢都消失左..呀文仲可以咁掛住佢。我都分左手啦...但我都唔會好似佢咁仲留戀上一個...。
「你都唔明...」佢話。我唔明..？
「你先係唔明嗰個呀！」
「..」
「人地有老公嫁！你係度唔開心又可以點呀！你地會一齊咩...！」我講都有少少想喊..，我唔甘心佢為左Nicole可以咁激動，但對住我就冇感覺。
「佢話過要我信佢.....」
「信？佢叫你信佢就唔會咁耐一個message都冇啦！你又真係信佢！！呀文！你真係好蠢呀！！！」我終於忍唔住喊，呀文，死蠢死蠢！你知唔知你咁樣我好心痛呀！望住你仲掛住仲鍾意第二個女仔...但明明係你身邊陪住你嘅係我..！Nicole咁鍾意你就唔會粒聲唔出走左去啦！
「Rachel....」


「你唔好掂我呀...嗚....衰人！」哼！死蠢！！
「周紫凝！」佢叫我...然後就抱住我........
我地第一次抱就係係呢個時候，比佢抱住好心動....，好想佢一直都抱住我....，好想做佢女朋友...。佢嘅膊頭好闊，胸口好堅實。但係我唔知佢抱住我究竟係咩意思，佢岩岩先為左Nicole而喊。我一諗到呢度，個心又再乸住乸住，我想獨佔呀文...。就算我地每一晚都拖住手訓，就算我地同居左半年，但呀文個心始終都仲係係Nicole度。

「你係咪一直都知...」我終於忍唔住問佢，我想知佢點諗..。如果真係唔係鍾意我..咁我都會慢慢離開佢。
「嗯....我知你想講咩...」
「咁.......可唔可以..」我想...
「...但..我唔知我個心放唔放到另一個人...。Rachel..你肯定...？」佢話。我就知道。
「我....嗚...我唔知.....但我真係好鍾意好鍾意你....」
「.....」


「我一直係你身邊..唔通你就連少少都唔鍾意我咩..？我肯定唔係...！你一定有鍾意我！係咪呀..呀文...」係咪..？
「有...我冇得否認..我鍾意你...」
「咁就得了....你鍾意我就夠..」...好彩...
「但係...我..我唔知我可唔可以對你好....老實講...你都知..我未放得低Nicole...。我唔想咁自私，唔想同時擁有你嘅時候個心仲有Nicole...」
「嗯，唔洗講啦....我都想自私一次，你就比我留係你身邊好冇...我有信心..我地兩個一定可以行得好遠好遠，我有信心...我會令你忘記Nicole...。信我..？好冇？」我話。但其實我唔知自己邊到嚟嘅信心，我有預感Nicole會有一日出現返，到時我又應該點算呢...？我唔知道。

最後我同呀文都係一齊左，嗰時我諗，既然我地都一齊，咁就不如比個機會自己好好去愛佢。但同呀文一齊左之後我一直都知道我唔係佢心入面嘅第一位...，因為佢同Nicole嘅愛情故事好轟烈，而我地兩個之間冇佢地咁有火花...。我知道嫁，我一直都知，但我已經好努力。我相信我愛呀文佢都會感受到，我想令佢愛上我...。所以我一直都對佢好好，為佢做我可以做到嘅嘢。直到呀文生日嘅嗰日，我print好哂我地啲相出嚟，想比個surprise佢。個surprise好成功，呀文感動到喊，但之後佢同我講左件好震撼嘅事....。

Nicole返左嚟，佢仲要去搵呀文，然後錫左佢。佢講完我個心好似碎左咁...，我冇諗過Nicole返嚟佢竟然瞞住我..，仲要佢地兩個錫埋......！我真係接受唔到....，我唔想見到佢！我好嬲...，我唔知點反應，我想自己一個冷靜下。



呀文，究竟我應唔應該同你一齊

明知道讓你離開她的世界不可能會
我還傻傻等到奇蹟出現的那一天
直到那一天　你會發現
真正愛妳的人獨自守著傷悲