因為ex，我決定向全世界嘅女人報仇: 佢心入面有我

我地過左咁樣嘅生活足足半年，呢半年嚟每一日都好規律，起身食早餐、返工、放工、一齊食飯。我有同朋友講過我同呀文嘅嘢，佢地都覺得我好蠢。覺得我應該爭取同呀文一齊，而唔係一直盲目咁係後面付出。但我而家咁樣真係好幸福，我唔敢再進一步，我唔想破壞我地兩個嘅關係。你問我係咪想同佢拍拖，咁緊係想...。但係同時間我都知佢心入邊仲有Nicole，我唔想係呢個時候乘人之危。我已經得到好多，至少可以每晚都同佢一齊訓，我已經好知足。

我地嘅關係平平穩穩咁發展，冇咩特別大嘅事發生。我地最鍾意係夜晚一齊聽住歌，一齊唱。同佢一齊唱歌好有feel，佢唱歌好好聽，我成日都比佢迷住。慢慢我感覺到佢都嘗試放低Nicole，佢個人慢慢開朗返，唔再好似岩岩一齊住嗰陣咁down。我唔知Nicole幾時會返嚟，而我一直都等緊個時機，一個令我同呀文可以更進一步嘅機會。之後有一次，有個男仔約我出街。我有問呀文嘅意見，但當佢叫我去同個男仔出街嘅時候，我個心有啲唔舒服...。我本身諗住試探下佢，但冇諗過佢一口就叫我去。我開始搞唔清我地兩個嘅關係究竟係點，我唔知佢心入邊點諗，係咪淨係當我水泡...。我開頭當然知道自己係水泡，但我鍾意佢，我甘願做佢嘅水泡。

之後，我甚至乎係Youtube 搵一啲關係拍拖嘅片...，我好想知道呀文嘅心點諗。然後我同左個男仔出去，其實佢比我嘅感覺都幾好，但我同佢出去嘅時候一直都諗住呀文..。我諗緊自己咁樣試探呀文會唔會好衰，定係佢唔鍾意我，一啲所謂都冇..。所以當個男仔問我食完飯飲唔飲酒嘅時候，我有啲反叛咁想試下呀文嘅反應就應承左。
「小心啲呀，唔好玩太夜..」佢嗰陣wtsapp話。都好..至少佢會擔心我。
「嗯，知道啦，我再搵你啦，真係唔洗等我呀」
「冇等你呀，我問下炸～」佢講完呢句我有少少唔開心...，我以為佢會等我。就算我話唔洗等...，咁唔通佢真係唔等...！？咁...女仔係咁嫁啦...呀文你個死蠢！
「哦～好啦」我灰左咁覆佢。



我好記得嗰晚返到去佢一個人訓左係梳化飲酒，佢仲要赤裸上身咁。
「你..做咩唔著衫嘅....」我問
「下..熱呀嘛..得啦你換衫啦...我冇嘢」
「真係？..」佢應該飲左好多..
「得啦！唔洗理我啦！」我本身想關心佢，但佢好惡咁同我講嘢...，嗰次係佢第一次咁惡對我。我唔知自己做錯左啲咩...，我嬲左佢無理取鬧。到後尾先知，原來個傻仔呷醋。
——————————
「...咁夜返嘅」佢問。
「嗯....飲完酒嘛」
「做咩第一次見就飲酒嘅」
「下..佢話想飲酒..咁我咪去」


「人地話想飲你就去？」佢開始呷醋。
「下..唔去得咩」
「咁你點知佢係咪好人，一陣佢對你做啲咩你都唔知」
「我唔係細路女囉..！我點會唔知...」
「你明明就係..仲要飲到咁夜」
然後我記得我地嘈左一陣，之後我發脾氣走左出房。嗰陣我好驚佢嬲左我...，但好彩佢最後都出左嚟道歉同氹返我。嗰陣我個心跳得好快，我地好似情侶咁打鬧。嗰刻我覺得有冇名分根本就唔重要，我同呀文開開心心就得啦。
——————————
「平時又唔見你同我出去會打扮..」佢細細聲講。
「..下？」我問。
「冇嘢..」傻仔，呷個男仔醋。嗰刻我就知道，我係呀文心入面佔左個都幾重要嘅位置。我唔知我高啲定Nicole高啲，但至少，我可以confirm



佢個心入面有我

誰可使我超出估計
如今腦海裡有涉及你的一切
朋友亦叫我控制 說放膽愛別失勢
我不想給歪理來蒙蔽
容我愛你深不見低