因為ex，我決定向全世界嘅女人報仇: 家的回憶

經歷左一大輪，最後又係自己一個返屋企。我冇諗過呢個係我呢世仔最難忘嘅生日，我竟然一次過整喊左兩個女仔。呀文呀文，你都有啲料...一次過傷哂兩個你鍾意嘅女人嘅心。我入廚房拎左啲酒，除左啤酒仲有一支大酒。我拎左個酒杯，開始自己一個倒酒。我唔鍾意用煙用酒去解憂，但係我真係冇辦法。我一杯又一杯乾入喉嚨，烈酒嘅濃度令到我喉嚨同個肚都好熱。我好似機械人咁，不停斟酒不停飲酒。我坐左係梳化，望住張飯枱。我望到Nicole生日.....

「好唔好食..？」佢問。
「緊係好食！你煎到medium ？」
「係呀..唔知你食開幾熟，所以我諗Medium你應該都Ok。如果你怕太生我可以再煮一煮」
「唔洗呀！我本身都係最鍾意食medium！」我話。
「嘻嘻，咁就好啦！你食多啲呀，食完仲有甜品～」
「咁好！？你都快啲食啦，一齊食先開心～」
「好呀～」佢笑一笑。



我記得嗰晚係Nicole第一次話比我聽佢有老公，嗰晚係我地第一次過夜冇做愛。嗰日我個心好痛，知道自己鍾意嘅人一直被佔有嗰種感覺..對於我嚟講，比死更難受。我又飲一杯落肚，然後眼前嘅Nicole唔見左。我望一望房入面嘅電腦枱。我望到Rachel....

「你先係唔明嗰個呀！」佢大聲咁同我講。
「..」我嚇親。
「人地有老公嫁！你係度唔開心又可以點呀！你地會一齊咩...！」佢講得好大聲，講到佢自己都有少少哽咽。
「佢話過要我信佢.....」
「信？佢叫你信佢就唔會咁耐一個message都冇啦！你又真係信佢！！呀文！你真係好蠢呀！！！」佢喊左，然後擰轉頭唔望我。
「Rachel....」我有少少嚇親...，想安慰下佢。
「你唔好掂我呀...嗚....衰人！」
「周紫凝！」


「.....哼！...嗯..！」我抱住左佢。

我記得嗰晚係Rachel第一次對我發脾氣，嗰晚係我地一齊嘅第一日。嗰晚係我地過左咁多晚夜第一次做愛，嗰日我個心好幸福好滿足。我等左Nicole半年，而Rachel都陪左我半年。嗰晚我開始感受到佢對我嘅愛，同佢一齊好舒服、個心好平靜。我再飲多一杯，眼前嘅Rachel又唔見埋，得返我自己一個係呢間充滿住三個女人同一個男人嘅回憶嘅屋。唔係...而家住係度嘅係Rachel，佢先係女主人。呢間屋雖然係我租，但佢都為左呢度付出左好多。買傢俬、做家務、幫我執屋.....。Rachel！！唔得，我要搵佢。

「凝凝...你係邊？我好擔心你..。就算你嬲我你都可唔可以同我講你係邊，我淨係想知你安唔安全....」我send wtsapp比佢。Send完我又去左雪櫃拎多罐啤酒出嚟飲，出返嚟嘅時候見到佢覆左我。
「我返左屋企」
「嗯..咁就好」我send完見到佢online左一陣，佢應該睇到我message，但佢之後又offline返，冇覆到我。過左一陣，我send多段文字比佢：
「凝凝..你唔好睇Youtube睇到太夜訓呀..，冇我幫你冚被你記住夜晚唔好踢被..。仲有呀，唔好飲太多水先訓..！如果唔係好似平時咁，你第二朝急死你呀。記住唔準勁眼訓就即刻攤上床，你知你一訓左落去就唔捨得起身刷牙嫁啦..！同埋呀，你聽日要返工，你唔教手機有聲我叫唔到你起身。記住臨訓前較返唔好靜音呀，遲到又要比個八婆煩你嫁啦....。好啦，我差唔多訓啦，你早啲訓啦。Goodnight, Love you」我send完出去就keep 住望住佢有冇online，因為我地都冇開藍tick同last seen。我唯有望到佢有冇online先知佢有冇睇到個message。我飲左好多酒..，而家個人都好wing。我即刻較鬧鐘，因為聽日要返工，然後再望住我同Rachel 個chat room...。都係冇online...算啦.....我唔得啦...。

把相片 讓你能保存多洗一本


毛衣 也為你準備多 一層
但是 你孤單時刻安慰的體溫
怎麼為你多留一份

我不願讓你一個人
一個人在人海浮沉
我不願你獨自走過
風雨的 時分

我不願讓你一個人
承受這世界的殘忍
我不願眼淚陪你到 永恆