因為ex，我決定向全世界嘅女人報仇: 呷醋？

我一個人訓左係床上面...好想Rachel快啲返嚟...，而家差唔多兩點，佢仲未返。我又失眠了..我醒起醫生開左比我嘅安眠藥，我拎左出嚟。
「唔好食啦..有副作用嫁」我醒起Rachel話，但你都唔係度..我仲有咩可以依賴。我突然好想食煙，但又唔想整到屋企有煙味，因為佢唔鍾意。最後我決定買少少酒飲..因為酒對我嚟講的確係幾有用嘅安眠藥。我買左啲酒，一個人坐左係梳化上面飲。我打開左部電視，入面重播緊啲舊劇。我邊睇邊飲，因為好似冇咁悶。慢慢我已經開始有啲feel，心跳開始加速，塊面有少少紅。我知道我再飲多啲就差唔多會眼訓，我個人有啲熱，既然得自己係度，我索性除左件衫。我繼續飲...，飲到個人wingwing地，我就訓左係梳化。嗯..？而家幾點呀..，三點幾啦....Rachel呢..唉...唔理了..好眼訓。我訓左係梳化上面冇耐，就聽到有鎖匙聲，但我冇力起身。

「.....呀文...？」Rachel行入門。
「...嗯....？你返嚟啦..？」
「做咩啦你...」
「冇...冇事...」我慢慢起身，望到佢著得好靚...我好似第一次見佢著得咁靚....。又唔見佢平時同我出去會著咁靚..
「你..做咩唔著衫嘅....」
「下..熱呀嘛..得啦你換衫啦...我冇嘢」
「真係？..」佢都好似塊面紅紅地。


「得啦！唔洗理我啦！」我語氣重左少少。
「哦..」佢聽完之後就返左入房換衫，再拎嘢沖涼。我好似惡左少少..但我都唔知點解...。等佢沖完涼我都迷迷糊糊咁沖左個涼同刷牙。返到房佢打開左床頭燈，係房吹緊頭。

「.....」
「...咁夜返嘅」我問。
「嗯....飲完酒嘛」
「做咩第一次見就飲酒嘅」
「下..佢話想飲酒..咁我咪去」佢話。
「人地話想飲你就去？」
「下..唔去得咩」


「咁你點知佢係咪好人，一陣佢對你做啲咩你都唔知」
「我唔係細路女囉..！我點會唔知...」
「你明明就係..仲要飲到咁夜」我話。
「咁你呢？你又自己一個飲酒飲到咁夜？」
「我..我點同..我又唔係係出面飲」
「車，有分別咩」
「有..總之你下次就唔好啦！」
「下！點解你可以唔比我做啲咩」佢話。
「咁...我..你咁夜返會嘈到我訓！」
「哼，係呀係呀！咁我做咩都唔得啦」


「..總之飲酒就唔得啦！」
「咁我唔係度訓了！你自己訓啦」佢嬲左我，放低個風筒就想出去。
「喂....！」我追左出去。
「咩呀？」佢有啲大聲。
「.....」
「做咩呀！？」佢再問。
「......Sorry...」
「....」
「Sorry啦...我..唔應該咁...，唔好走..好冇..？」我話。
「..嗯...」佢講完我地入返房，我地各自各禁自己部電話。

過左一陣，我話：
「個男仔好靚仔？」
「下？..」Rachel話。
「今日同你出嚟嗰個呀..佢好靚仔？」


「下..唔係啦，做咩咁問」
「冇呀好奇下....」我話。
「哦...佢正正常常樣囉」
「嗯..」
「...真係純粹好奇...？」佢話。
「下...係呀....」
「哦....」
「咁..你著得咁靚嘅..」我問。
「..咁要見人呀嘛..緊係打扮下」
「平時又唔見你同我出去會打扮..」我細細聲講。
「..下？」
「冇嘢..」
「我真係聽唔到..」
「唔重要啦」
「哦」佢話。


「差唔多訓啦」我話。
「嗯，你熄燈啦」佢講完我就識左盞枱燈，然後準備訓教。今次聞到佢洗頭水味，好似我個人都有安全感啲，但都係想拖佢隻手...

「Rachel..」
「..嗯？」佢擰轉面望住我，雖然熄哂燈，但我feel到。
「今晚可唔可以...拖住....我岩岩又諗起啲唔開心嘅嘢..」
「..嗯....」佢講完就拖住我隻手。我拖住佢，個心即刻舒服好多。然後..可能岩岩飲左酒，我慢慢靠近佢少少。
「呀文...」我地隻手越嚟越貼，就嚟由拖住變到貼住手臂。越靠近佢我越有安全感....我發現我擺脫唔到呢種感受，佢就好似我嘅心靈雞湯，不斷比到安穩嘅感覺我。我同佢已經貼到佢啲頭髮會整到我塊面，我面對住佢，但我唔敢打開眼...。我feel到佢都冇抗拒比我慢慢控埋去佢度。但去到一個位，我就停低左。

因為再多..就超越左呢種關係

不能握的手 卻比親人更親厚
但所有如果 都沒有如果
只有失去的溫柔 最溫柔