因為ex，我決定向全世界嘅女人報仇: 尼古丁

我個心好翳，唔知想點，坐左係車入面發呆。然後我返返機場間七仔買左包煙，平時我係唔會食煙，但呢一刻我真係唔知應該點做...就有股衝動去買煙。買完煙同打火機我就行返去，搵左個位，挨住條柱點起左支煙...

警告 吸煙有損健康

「呼........」吹出嚟嘅煙霧慢慢散開，但好似冇將我嘅煩惱吹散。我再大大力吸一啖入肺....尼古丁一啲都幫唔到我。食完一支，我再點起一支..再一支.....。冇...冇.....完全冇用........。平時好少食煙，一連續食就好容易上腦，我個身好重...好似企唔穩咁。挨住條柱嘅我慢慢冼落去...我坐左係地下，望住機場入面一班又一班嘅飛機升降..我好掛住你..Nicole。我一個人坐左係地下，望住包煙..

———————————-
「喂我同Judy出一出去先～」賢狗係club入面同我地講。
「做咩呀？」Nicole問。
「佢地去食煙呀」我話。


「喂出嚟啦文仔，咪撚扮啦，陪我食啦」賢狗話。
「你去啦，我睇住妍妍」Nicole 話。
「我唔食煙嫁！你咪聽佢亂噏」我話。
「哈哈，你食都冇所謂喎」Nicole笑住講。
「妖，你地二人世界啦！」我fing開賢狗捉住我隻手講。
「屌你，我地轉頭返嚟」賢狗話。
「你真係唔食嫁？」Nicole 問我。
「我有食過呀..但我自己唔係特別鍾意，所以唔會話想食」我覆佢。
「咁乖仔～好少見男仔飲酒唔食煙」佢話。
「唔係乖啦～我自己唔鍾意姐」我話。


「咁你當初點解食嘅？」佢問。
「因為嗰陣我係.........」
———————————-

.....Nicole...我咁快又掛住你了。過多左陣，我發現啲煙得返幾支，我扶住條柱撐住自己起身。打開車門，行返入架車入面，我先發覺我冇拎手機出去。手機顯示我有好多未接來電....全部都係Rachel...。佢痴左線...？而家三點幾啦喎...唔係喎...係我問佢得唔得閒先..。仆街..佢唔係一直等緊我呀話？呢個時候佢又打嚟。
「喂..？」我話。
「喂！你去左邊呀？冇嘢呀嘛？」Rachel把聲好擔心。
「冇呀...岩岩冇睇手機...sorry呀..」我話。
「唉..你冇事就好...幾驚你有咩事」佢話。我突然間諗起佢男朋友..ex...嬲左佢嗰次。佢又係係咁搵我...我又係冇睇到...不過..嗰次係佢出事....今次係佢以為我出事...。咁樣諗完個心又再噏左下..其實Rachel都真係好好....，係我仆街，嗰陣同Nicole 慶祝生日，今次又係因為Nicole...
「冇事呀，你快啲訓啦，你聽日唔係要返工咩」我話。


「係呀..但我驚你有咩事吖嘛....我本身諗住打比你講兩句就訓，點知你又唔見左人」佢話。
「...Sorry..」
「唔緊要啦，但下次你再係咁我真係唔會理你！我聽日起身又實有黑眼圈！」佢少少嬲咁話。
「對唔住啦...下次食飯飲酒統統我嘅，deal？」我話。
「咁就差唔多！睇死你仲未返屋企，你條友，好似成日都唔洗返工咁」佢話。我諗諗下..自從同Sophia分手之後，真係好影響到我返工。又成日射波...返工又冇嚟精神。
「我而家返去啦，你快啲訓啦」我話。
「嗯..早抖」
「早抖」我收左線就繼續坐左係司機位，雙手放係軚盤，完全冇意欲開車。我唔想整到車入面有煙味，但我又想食煙。我打開左個窗，將個頭微微另出去，再點起左支煙，將煙圈吐出去。
「呼....」

最後，我一個坐左係車入面食哂成包煙，天光嘅時候終於訓著左...

不渴望
你不要令我多幾多渴望
你只要為我點一點火


然後讓我
倦了倦了就如煙照樣浮過 飄過
根本最好就是忘我
別再笨 別再傻
半支煙勝過殘破的天國