因為ex，我決定向全世界嘅女人報仇: 酒後吐真言

「呀文你飲左好多啦...做咩啦」Nicole問我。
「冇呀～....落嚟玩嘛～飲多啲先盡興～哈哈」我又飲多一shot。
「好啦唔好飲咁多啦..差唔多啦」
「...嗯....我仲想飲....」我話，其實已經幾Wing下。
「呀文...聽話啦，我地返去啦好冇？」
「...好啦....」我講完之後Nicole扶住我返去，Nicole 都唔算大力，有幾下佢都差啲扶唔住我。十分鐘左右嘅路程我地差唔多行左半個鐘..我都真係飲得幾多下...同埋係咁洗錢...完全唔知自己洗左幾多。

返到酒店房已經差唔多四點，我同Nicole成身煙味酒味...但我真係好攰...完全唔想沖涼。
「呀文...你企一企起身先...我幫你沖涼啦...」
「唔沖了....我..好攰....」我話。


「唔好啦...好污糟呀，乖啦..」
「好啦..」佢講完我慢慢行入浴缸，我攰到坐左係入面。Nicole幫我除左啲衫同褲，然後佢都除埋自己啲衫褲，再開水行入嚟沖涼。我挨住係佢膊頭，佢幫我洗頭...呢種感覺有少少搞笑。其實我都清醒左少少，但呢一刻太享受佢幫我洗頭了。沖完涼之後佢又幫我吹頭，好似我上次幫佢吹頭咁。

「呀文...你係咪有心事呀...」Nicole幫我吹吹下頭問我。
「....」
「你想講就同我講啦～..」佢繼續幫我吹頭。
「...但有一半嘅心事係同你有關...」我話。
「呀文...」
「算啦...冇事啦，我飲下酒發洩下就好..」
「呀文..你知我都鍾意你..我真係好唔想睇到你唔開心」佢摸一摸我個頭，然後再幫自己吹頭。


「咁我可以點..？你係人地老婆..我鍾意左你我應該開心咩..？」我開始有少少激動。
「對唔住...」佢好唔開心..
「我係咪唔應該愛上你..」
「呀文..你唔好咁啦..唔係話去旅行要開開心心...」
「去完旅行呢？返到香港我係咪仲可以開開心心？點解我每次鍾意人都唔可以開花結果....！拍左4年拖，4年呀！個女朋友瞞住我鍾意左同事。而家到我鍾意人啦，我就鍾意左個有老公嘅女人！到我變左佢同事個角色....，你知唔知我好辛苦，咁樣我同比綠帽我戴嗰條仆街有咩分別！！」我飲大左，開始發洩落Nicole度..我講到自己個心都乸住乸住，點解就係我要經歷呢啲嘢。

可唔可以就成全我一次
我只係想擁有愛情

「呀文...我....對唔住...嗚....」Nicole放低左個風筒，坐左係床邊喊..佢啲眼淚不停滴落佢條褲..


「講對唔住嗰個係我先岩...我根本唔應該鍾意你...！點解.....點解我明知同你唔會有好結果，但我又硬係要鍾個頭埋去..！」我都開始眼濕濕...
「嗚....我....我唔應該...嗚...瞞住你....係我自私...。呀文...真係唔係你錯...係我衰...嗚....嗚....我...我唔應該......」佢喊得好勁，成個人係度抽搐..
「Nicole...你話比我知我做錯左啲咩...點解個天要咁對我..！！！！」我大叫，然後一嘢打左落張床度。Nicole好似比我嚇親..然後越喊越勁，完全停唔到。
「呀文....呀文.....我...同你一齊..嗚.....真係好開心...。我真係好唔想...唔想返香港.......嗚.....我...我愛你...好愛好愛....」我聽到佢講愛我嘅時候，我個心真係好痛。嗰種痛，係好似你幻想你好愛一個人，而佢都好愛你，但你知道就算我地有幾愛對方，都冇可能一齊嗰種感覺。明明佢就係你眼前，你抱住佢、錫佢、同佢做愛，但係你冇辦法擁有佢。呢一種距離係好心痛，因為當你發現無論自己做咩都唔會有結果，同埋永遠收窄唔到你地之間嘅距離。呢種無力感好重....或者你地都可能有試過拍拖嘅時候好愛對方，但就算你地幾努力都好，好似都唔知點解冇辦法可以長久。同我而家一樣，我地越愛對方，呢一刻嘅痛就越深刻。
「Nicole....我都好愛你...我好想同你一齊...我求下你....」我都不停喊，完全控制唔到自己。我攬實Nicole，佢都攬實我，呢一刻我地兩個個心就好似連埋左一齊咁。我好唔忍心成日見到Nicole喊，但我真係好想講.....我一直忍住忍住，真係今次飲大左先有機會講出嚟。抱住抱住，我地又做愛了，但今次，我地兩個個心都好痛。

妳想要的 我卻不能夠給妳我全部
我能給的 卻又不是妳想要擁有的
我們不適合也不想認輸
好幾次我們抱著彼此都是想要哭

妳常解釋這樣的一切都只是開始
我覺得是所有的一切早就已結束
不想再約束 不要再痛苦
下一次會有更好的情路