因為ex，我決定向全世界嘅女人報仇: 呀婷..?

係十分車站搭返出台北站，我地係附近食左間好出名嘅牛肉麵，之後返返酒店房。
「沖涼先啦～我地岩岩淋完雨」我同Nicole講。
「嗯～我去拎毛巾先」佢去左拎衫同毛巾。我地一齊沖左個涼，就返返上床到禁手機。
「死啦唔知點解我好精神..哈哈」我話。
「咁...不如去club？我未試過台灣嘅club哈哈」
「好呀！但你要跟實我喎，唔好比啲台仔搶走」
「傻仔！知道啦，我落去都係為左同你跳舞炸嘛，又唔係想識仔」佢話。
「好啦，我睇下去邊間先...」我打開手機search 左，最後簡左一間都算出名嘅，叫AI Nightclub。

Nicole著左件露腰嘅小背心，下身著左條緊身褸屌裙，呢個打扮將佢完美嘅身材完全show哂出嚟。雖然好唔想佢著到咁褸屌，一陣實益哂啲台仔比佢地視姦，但冇計啦落club係咁。反正佢地都係得個望，返酒店同佢做嘅人係我。


「我咁著靚唔靚呀？」佢望住酒店全身鏡入面嘅自己。
「好，撚，正....」我行埋佢抱住佢，隻手慢慢由腰掃上去佢對波，然後揸左一下。
「嗯...喂也...要落去啦..」佢叫左一聲。
「嗯～揸多陣就落」我冇停過揸佢。
「衰人..！」

去到club已經12點幾，我地比左錢就入左去。入到去暫時都唔算多人，一嚟未算夜，二嚟今日係星期一朝早。我地入去飲左少少酒，正諗住傾下計先嘅時候，已經有個台仔走左埋嚟撩Nicole。佢開頭扮係Gentlemen咁同埋我傾計，但擺明係想嬲Nicole去玩。我地求其敷衍左佢走，就再去個少啲人嘅地方傾下計，因為個場仲未係好旺。
「我記得當初我同你都算係係Club度識，哈哈」我話。
「咁你係咪嗰陣就鍾意左我啦？」
「你覺得呢？～」


「我覺得係！」
「傻妹，對自己咁有信心呀」我話。
「哼！明明就係」
「哈哈，好啦，我認。你到而家都係咁吸引我鍾意你」我望住佢對眼講。
「傻仔..，嗰陣其實我都算係鍾意你」
「咩叫算係！...」
「嘻嘻～唔知呢～」佢話。
「衰妹！」我一嘢打左落佢patpat度，真係又翹又有彈性。我地又錫左陣，然後個場開始多人。
「行入啲？」Nicole問。
「好呀！」我係佢耳邊講。然後我地行左入多啲人嘅地方，身邊都有幾個幾正嘅台妹想埋嚟，但我而家隻眼只係想Focus係Nicole度。我地好似當日係香港嘅club咁一齊跳舞，一齊飲酒一齊玩。Nicole嘅patpat同腰真係不得了，扭到我細佬勁硬....正當我想繼續同佢親熱嘅時候，我離遠見到個好似呀婷嘅女仔...！屌....！佢望左過嚟，真係好撚似...！但係點解佢會係度嘅？？唔得，我要過去睇下。


「我想去一去廁所」我同Nicole講。講完我即刻行過去，但係已經好似唔見左呀婷。
「不好意思，不好意思」我係咁推開啲人...明明佢岩岩就係度...點解又唔見左...我周圍搵左好一陣，又比我見到個類似佢嘅女仔..！我即刻行埋去拍佢膊頭。
「呀婷！」我話。
「....嗯？幹嘛啦..？」另轉面係一個台妹。
「...喔...沒事...不好意思找錯人了...」唔係佢？我越行越入，周圍都開始好逼，差唔中都唔小心撞到人。
「推三小啦！」條台仔啤住我，佢打扮到成個黑社會咁。
「...」我冇理佢，繼續去搵呀婷..但都搵唔到佢...最後都係返返去。
「做咩啦，唔舒服？」返到去Nicole問我。
「冇阿...少少肚痛姐，而家冇嘢啦」
「冇事就好...一係我地走先？」
「唔洗啦～冇事」我話。同佢講完我地又繼續跳舞，但我而家個腦一直都諗住岩岩嗰幕，就連跳舞都望住外面睇下會唔會見到呀婷...嗰個應該係佢嚟...？但佢點解會係度....定係真係我認錯左....呀婷..

我諗起有一次同呀婷佢地飲酒，嗰陣我分左手，ex都有新仔，但係我就係放唔低ex。記得嗰次係婷第一次真係鬧我：
「呀文！你可唔可以唔好咁蠢，點解要為左個八婆而放棄你自己，可唔可以就搵一個愛你嘅人！你咁樣我睇到好心痛你知唔知呀？！人地都有仔啦？你仲咁蠢仲痴埋人地度，人地當你傻仔嫌你煩炸！！！」記得佢嗰次真係好嬲，我嗰陣仲以為係佢飲大左講多幾句。而家睇返，可能佢同一番說話都算係講比自己聽...，又或者「搵一個愛你嘅人」係暗示佢自己。咦....我諗多次呢一段說話，點解...今次同Nicole又係咁...雖然今次唔同嘅係我地都愛對方...但Nicole有老公....。屌！我幾時先可以就正正常常拍一次拖，係咪個天玩鳩我呀？定係對我嘅報應！屌！！！！



「呀文？」Nicole問我，佢見我發呆。
「冇，我想去飲啲酒」我話。
「好呀我陪你」然後我就去瘋狂買酒飲....

呀婷，我只係想親口同你講聲對唔住

你說我傻 傻在愛上只懂愛自己的人
我說你傻 傻在愛她 你的眼睛騙不了人
我們都傻 傻在為一段沒有未來的愛情付出
還在期待會有奇跡出現