因為ex，我決定向全世界嘅女人報仇: Cafe談心
係我返屋企執嘢嘅時候，我隱約聽到電話響。
「細佬！你本Passport係度呀！」我呀媽話。
「下點解放左係度嘅？」我話。
「你自己上次亂咁放！」...唔知點解無論你幾大都好，呀媽都總係會搵到你啲嘢放係邊。
「哈哈...係咩！」
「你唔好成日將啲重要嘢周圍放！下次呢...」
「係係係係係，知道」我話。呢個時候我聽到我電話響。
「喂？」我話。
「喂...呀文呀...你得唔得閒...」我聽到Rachel用哭腔講，應該係岩岩喊完...唔通....
「我..我得呀，做咩事啦..？」
「你...可唔可以過嚟陪我一陣...我..我係西環嘅一間Cafe...」佢好似好傷心...我睇一睇鐘，而家五點半，我差唔多十點先飛..當預早個零鐘..都仲夠時間去搵Rachel。但係就可能同唔到Nicole食飯...我諗左一諗..都係決定去搵Rachel。一嚟我上次衰仔冇去到..二嚟佢今次喊哂我真係有啲擔心..
「你share你個地址比我，我而家過嚟！」我話。
「好...我..我等你」之後佢就收左線..但我諗緊應唔應該同Nicole講。我除左驚佢呷醋之外仲驚佢嬲我放飛機... 唉算啦，我都係同佢講，廢時佢對我冇安全感。如果我講左出嚟，反而佢可能覺得我對住佢會誠實。我打開左部手機，直接打比Nicole。
「喂？做咩啦傻仔～」Nicole問。
「冇呀...岩岩我個fd搵我..所以我可能要去搵一搵佢先去機場。Sorry呀...我未必可以同你食飯啦...」
「上次嗰個女仔？」佢問。
「...嗯.....因為佢喊哂咁打嚟...但我地冇嘢嫁！你知我個心入面淨係有你」
「哼！唔知喎～」佢輕挑挑咁講。
「Nicole...我唔係有心想放飛機嫁..」我有啲唔開心咁講。
「傻仔！玩你炸！你去啦，小心唔好太夜Miss左班機就得，Miss左我就自己去嫁啦！唔會等你！」
「好！咁你記住食嘢呀！一陣見啦～」我話。
「知道啦！當我小朋友呀？哈哈」
「好啦～愛你呀傻妹！掰掰～」
「..嗯！掰～」佢講完我聽到佢笑一笑先收線。
「呼...」好彩Nicole冇嬲我去搵Rachel...我收左線即刻拖住個喼，揸車去西環。Rachel你唔好有咩事呀....
我去到西環，望住手機入面嘅Location..應該係呢邊？...西環最多就係斜路，我行左唔少斜路...終於我係一間係斜路上面嘅Cafe見到Rachel嘅背影...當時已經接近六點半，Cafe入面唔算多人，所以好易搵到佢。
「Hello～幾位？」
「有位了唔該」我同個staff講。然後行去Rachel後面，就行到嘅時候佢好似Feel到後面有人，所以望一望後面。我見到佢對眼好紅...佢應該喊左好耐...喊到塊面都有少少淚痕...。我見到佢咁嘅樣好心痛...
「做咩啦....」我坐係佢隔離邊講邊舉手，有個Staff行緊過嚟。
「你應該..都估到啦...」佢又有少少哽咽...
「err...要杯Flat White 呀唔該」我同個Staff講。
「一杯Flat White，仲有冇其他？」
「冇啦唔該你」我話。
「...嗯.....但咁突然嘅...」我再話。
「我地散左了..」佢講完呢句又好似忍唔住流左眼淚。我即刻係褲袋拎左張紙巾出嚟出佢。
「唔該...」等佢喊嘅時候我唔知做咩可以安慰佢...唯有靜靜坐係度。好彩佢都唔係喊得好犀利，所以周圍啲人都唔知。
「但係點解嘅..你介唔介意講...」我問。
「你知唔知佢同我講咩......」佢話。
「佢講咩...」
「佢話我點解要咁對佢..話覺得我唔同左，覺得嗰一晚我同出軌冇分別.....。點解佢可以咁睇我...明明我同你只係一齊飲酒..我點解釋佢都係覺得我出軌。我知道...我知佢會嬲...但係嗰陣我都好唔開心...佢都冇諗住氹我...」
「唉...」我仍然只可以做聆聽者。佢喊一陣又講一陣咁..我一直坐係佢對面望住佢..但係咩都做唔到。
「我最心痛係我地一齊左咁多年，我解釋完佢都係唔信我。原來我咁多年嚟規規矩矩做佢嘅好好女朋友，係佢眼中好似都不值一提。成日講話信我...原來佢從來都冇信過我。我好討厭比佢屈我同你有嘢...我好委屈....」佢講完又忍唔住喊左出嚟。
「如果佢對你冇信任嘅..可能分左手會開心啲呢...」我試下安慰佢。
「我覺得自己好蠢...嗚....我曾經都好愛佢，從來都...從來都冇做過啲對唔住佢嘅事，但係....最後佢竟然因為咁樣而同我分手，我覺得好荒謬...嗚.....。我而家嘅感覺好似盡左力做好自己，但最後佢一句話唔要就唔要....」佢喊得越嚟越勁..開始有啲人望過嚟。
「你今晚得唔得閒...可唔可以...再陪多我一次...」佢問我。
「...我...我今晚要飛啦...」我有啲唔好意思...好似每次佢需要我嘅時候我都唔係度咁..
「真係嫁？....哦.....好啦...同朋友？」佢問。
「同....同Nicole..」我話，之後Rachel好似有少少Surprise。
「你地一齊左？！恭喜你呀！...」佢好想表達佢好鄧開心，但佢一啲都開心唔到。
「又唔算係一齊....唉...好複雜...」比佢嘅傷心氣氛感染左，我講到自己都有啲唔開心。
「唔緊要啦...你返到嚟香港..有機會再同我講啦！你地..一定要玩得開心啲呀..！」佢扮笑...我好想陪住佢..望到佢咁嘅樣真係好心酸..但係...我冇可能會放棄同Nicole去旅行嘅機會.........
「Sorry呀..Rachel...我都好想陪住你...」
「傻啦！...緊係同佢去旅行緊要..我冇事喎...！」佢話。
「唉....一係你搵你啲朋友同佢地傾...？」
「得啦..我自己搞得掂..你幾點飛呀？」
「今晚九點幾..」
「..而家都八點幾啦！你快啲去啦！...Miss左飛機你就死啦...」佢話。
「嗯...咁..我走啦..你自己保重呀..」
「快啲走啦...！Nicole等緊你呀！」
「好...咁我真係走啦...我幫你比埋啦..你有咩就搵我啦..！」我話。
「嗯..唔洗啦幫我比啦....」我已經出左去幫佢埋單。
出左cafe我發現由呢度去機場要用半個鐘左右嘅時間，而家八點半，咁去到機場應該九點，我諗唔會遲嘅。
「呀文～你到邊啦？」Nicole wtsapp我。
「我係西環呀，而家揸緊車去機場，我諗我九點左右到啦」我單手揸軚盤，另一隻手拎住手機錄音比佢聽。
「傻仔～你食左嘢未呀」....好似真係未食...
「未呀...岩岩唔記得左食..哈哈」
「衰仔！估到你啦！頭先又叫我食嘢，點知自己又唔食！我差唔多到啦，我幫你買啲嘢食啦」佢話。
「哈哈～唔該靚女～」
「唔好諗住咁樣我就唔嬲呀！哼！」佢扮嬲。
「好啦...一陣錫返你好冇？」
「咁就差唔多！你專心啲揸車啦，小心啲。一陣見啦～」
「好，一陣見」我望住手機笑一笑，傻妹..好快我地就可以一齊去旅行啦...我將手機放返低嘅時候，旁邊小路有架車好快咁開左出嚟....
「呠..！！！！！」...........