因為ex，我決定向全世界嘅女人報仇: 只要和你在一起
我地食完飯之後，我叫左Nicole入房。
「傻妹～我同你玩個遊戲呀～」我用緊電腦，部電腦背住佢，所以佢睇唔到個Mon。
「好呀，做咩無啦啦話有嘢玩，哈哈」佢話。
「冇呀～你係一至四入面是但簡一個你鍾意嘅數字先啦」
「咩嚟嫁？係咪心理測驗haha」
「你簡左咪知囉～」我話。
「ummmm...我簡2啦！」
「Ok..！睇下先...2，唔...幾好！」我禁左幾下Mouse。
「喂也快啲講咩嚟呀！又懶神秘！」佢笑住講。
「未得呀..！你配合埋先...我會比你睇結果嫁啦」
「好啦」
「之後要你英文全名..」我問Nicole...我好似唔知佢全名..
「....咁咪比你知我個名囉！」
「唔知得嫁咩..」
「得..嘅...，我....我叫高曉琳..」Nicole怕怕醜醜咁話...我好似第一次見佢怕醜...佢...好可愛...好想將佢就地正法..
「傻妹，你怕醜呀？哈哈幾好聽呀」我笑一笑。
「咁..人地好少講全名...個個都係叫我Nicole...」
「哈哈好，咁係Ko Hiu Lam?」
「嗯...」
「好...所以簡寫係KHL..」我用keyborad打左幾隻字。
「好！最後係passport 號碼！佢話要埋呢個就可以出結果，睇下先...佢話要頭嗰個英文字母同埋最尾嗰三個數字...你比哂你passport number我啦」我話。
「下...要passport 咁搞笑...！會唔會拎我資料嫁...」
「唔會呀，隻App係我公司同事寫嫁！而家beta test緊，啲data都係入返我地公司，我可以幫你delete嘛～」
「好啦...我passport number係.....」佢答我。
「好！」我將佢Passport入埋...過左一陣..
「好！有結果啦！！你過嚟啦！」我話。
Nicole帶住佢嘅好奇心行去我張枱度，佢望住個Mon，成個人呆左..
「.............」
—————————————
Departing flight - 11th April,
From: Hong Kong International Airport (HKG) - 21:55
To: Taiwan Taoyuan International Airport (TPE) - 23:55
Cathay Pacific CX402 - Economy (Airbus A330)
Passenger:
Type: Adult
Passenger name: Ko Hiu Lam
—————————————
「下.....？？」佢足足呆左半分鐘先講。
「係呀，一陣你準備返去執嘢，我地今晚飛嫁啦～」我話。
「下...！下....？...真嫁...？下...做咩....咁..嘅..？」佢驚訝到有啲語無倫次。
「傻瓜，你唔想同我去旅行咩？」
「唔係呀....我係冇諗過....」
「咁..我地去一次旅行，好冇？」我攬住佢講。
「...嗯！」佢大大力點頭，由驚訝變到好開心。
「咁你知唔知點解我要你全名同Passport？哈哈」
「衰人！又唔早啲同我講..！」
「我早啲同你講咪冇Surprise囉！你睇你而家幾surprise ～」我錫左佢額頭一啖。
「呀文...！我愛你..」佢講完我地又錫，一錫..又忍唔住做愛做的事了。我抱住佢返上床，除左佢嘅衫，再除埋自己嘅衫。今次我地由房做到出廳，由床做到上梳化，再入廁所。我地不停錫對方，然後我都冇停過抽插。完事一次又一次，好似唔識攰咁，比哂Nicole。最後，我地攰到一齊沖左個涼，就返左上床休息。
「傻仔！但係我仲未明點解你要我簡一至四」佢邊用手摸緊我心口邊講。
「因為，我唔知你想去邊。咁又冇可能去歐洲、澳洲、或者美洲。所以我簡左四個亞洲嘅城市比你抽，一係日本、二係台灣、三係韓國、四係泰國。越南嗰啲要visa所以就廢時麻煩～哈哈。你係咪即刻想重新再簡過？」我笑一笑。
「唔係呀～我冇同男仔去過台灣...你係第一個..」佢話。
「咁就好啦～等我拎走你第一次...！」
「衰人！」佢輕輕打一打我心口。
「好啦，而家四點幾，你返一返去拎Passport同執嘢？我都要返屋企拎Passport，我冇拎到過嚟呢邊屋企」
「好呀～咁一陣我同你食左嘢先去機場？」Nicole問。
「嗯！你著返件衫先～」
「好」
今次，就算我唔知個夢幾時醒，我都要盡全力同佢一齊留啲屬於我地兩個嘅美好回憶
我執嘢嘅時候順便問左賢狗借左部曬相機，係佢之前買嚟溝女嘅。我決定同Nicole係台灣影多啲相，然後全部偷偷地曬兩份出嚟，當係比最後嘅surprise 佢。諗到呢度我又有啲Sad..每次都係度諗點解兩個相愛嘅人唔可以當當正正咁係埋一齊....唉，都係唔好諗。我而家決定當每一日都係同Nicole嘅最後一日咁過，好似相信只要用盡所有力氣去愛佢就總有一日會有奇蹟出現。
沿途幾多障礙 埋頭撞向未來
閉上呼吸跟你墮進深海
若最終安全離開 容許我再不按捺
高呼喊別人懷疑的愛
旁人怎麼對待 仍然撞向未來
決意今生跟你被愛淹蓋
若世界不容人 不失氣概
若歲月不留人 佔有現在
在炮火中接吻 天要裂開
怎樣過 我們都不踐踏愛