因為ex，我決定向全世界嘅女人報仇: 虛驚一場

「哇！！！」我即刻剎車.....
「砰！！！！！！......」我成架車撞左落前面嫁車度，安全氣囊即刻彈左出嚟。

「......」哇....屌...呀....心口痛....我慢慢打開車門...
「屌你老母識唔識揸車嫁！」我同岩岩落車嘅司機講，然後望一望我嫁架車頭...唉...個靚車頭就咁就撞凹左..屌！
「對唔住呀....我...我睇唔到....」落車係一個女人。
「唉...算啦...但你小路冇讓大路...都係要你賠錢..」我話，然後望到佢嗰「P」牌。
「下....哦...咁...要賠幾多...」佢好驚咁問。
「你介唔介意我留左你contact先...因為我而家趕住去機場」
「好呀...我電話係98765432，你叫我李小姐就得...」


「好...李小姐，咁我過幾日再同你講賠錢嗰度..放心啦..我都唔會要你賠唔合理嘅價錢」
「好..」佢講完就行返入架車。
「唉..」我死死氣入返架車..個車頭真係好樣衰..但為左趕飛機...由佢啦。我望一望部手機，已經就嚟9點....大獲.....我揸走左架車之後即刻加速，沿路由葵涌經昂船州大橋去青衣，一路加速直上青馬大橋...一定要趕得切呀..我已經開到80km/hr。呢個時候Nicole打比我：
「喂？」我打開Speaker然後話，今次我唔敢單手揸軚盤..
「傻仔你到邊啦！..」佢有啲緊張，應該驚我遲到。
「我到青馬啦...岩岩出左少少意外...」我話。
「下！！你冇事呀嘛...」
「冇事呀.....」我講完呢句個心口又有啲痛...除左撞親個下痛...我仲心痛我架車頭撞凹左...
「咁好啦...你要快少少啦，就嚟趕唔切Checkin」佢話。
「我做左Online checkin啦，過到嚟寄行李就得啦」


「好啦，我係B,C嗰度等你啦」佢話。
「嗯..掰掰」
「掰掰」收左線之後我出左青馬大橋再加速...屌...唔超速會趕唔切...快撚啲呀呀女.....你跟左我咁多年...比人撞一撞就跑唔郁？！仆街影快相....！唉屌！扣分就扣分...罰錢就罰錢....！我望一望，而家開緊120...都係罰600蚊姐...不過扣成五分...屌！為左Nicole！上呀！！

我一路沖到機場停車場泊車..然後拎住我嗰喼一路沖上T1...屌...唔好唔比我寄呀...我CX fan屎嚟嫁...年中交唔少錢比你地...。我上到B，見到Nicole拎住啲嘢食坐左係度，我離遠同佢打左個招呼就衝左過去寄行李....呼...好彩寄到。
「哇....好彩....」我成身汗，企左係Nicole隔離。
「傻仔..搞掂就好啦」佢拎左張紙巾出嚟幫我抹乾啲汗。
「唔該靚女～」我話。
「哼！你為左個女仔差啲同我遲到我都未嬲...唔....唔..」佢講到一半我就夾硬錫左落去。
「傻妹！入去啦！我地趕時間嫁～」


「你...哼.....」佢死死氣跟住我後面。然後我放慢腳步，等佢同我平排嘅時候拖住佢。我地入到去已經差唔多boarding，但佢要我食啲嘢先上機。
「我係Délifrance買左啲嘢比你食」佢講完拎左啲三文治出嚟...我開頭仲諗住去華御結求其買就算..雖然Délifrance唔係真係話好貴，但我個人嚟講唔會買...果然有錢係唔同啲...
「其實岩岩我話意外係撞左車，所以先咁遲...，頭先怕你擔心先冇講」我解釋返。
「下！！」
「傻妹！冇事呀！我咪生勾勾咁企係度...係架車撞凹左..」
「我仲以為你同你個Fd傾到遲左....sorry呀...」佢有啲內疚。
「道咩歉喎！冇事呀～」我摸一摸佢個頭。
「嗯..咁我地入去啦」

我食完嗱嗱臨上機，A330嘅位係2:4:2 。我簡左窗口位，我上左機之後諗住睇下ig先，因為仲未開始郁。我碌下碌下..見到Rachel 嘅一個Story。佢拍左條係酒吧入面Shisha嘅片，身邊有兩三個女仔fd...死啦Rachel會唔會因為分手而亂做啲咩...不過比佢經歷下「曳」都係好嘅。話哂佢都廿四歲人....就當發洩下..應該唔會有咩事嘅..唉..都有有啲擔心佢，我都係同佢講句。
「小心啲呀，唔好玩太夜」我覆佢Story。

「做咩啦？」Nicole見我睇得好入神。
「冇呀～睇IG炸～」我望返佢笑一笑。
「好啦」


「你攰唔攰阿，攰就休息下啦」我錫一錫佢，幫佢整安全帶。
「唔攰呀～同你一齊就幾時都咁精神～」佢撓住我手臂。
「傻妹！我地去到嗰邊都差唔多12點了」
「係喎....咁你book左酒店未？」佢問。
「係你返屋企執嘢嘅時候我已經搞掂哂～」
「嘻嘻好～咁我就乖乖地咩都唔做啦喎」佢笑得好甜。
「呢幾日等我好好服侍你啦！」
「下....點服侍法....」佢細細聲講。
「你話呢....？」我係佢耳仔邊講。
佢笑住反左我白眼，然後又再甜笑一下。

我拖實佢隻手，合埋左對眼...
Nicole...就算我未必比到一世嘅幸福你，至少係我能力範圍內，我發誓我會用盡力氣去愛你。未來我一定會更加努力..我會搶返屬於我嘅Nicole。你要等我，我一定會返嚟你身邊。
我曾經覺得呢啲人好蠢，明知係唔可以係埋一齊，但都要好似唔信邪咁去愛。當時嘅我會覺得長痛不如短痛，既然你都知道冇可能，咁點解唔放低佢。但自從我識左Nicole之後，我發現我寧願同佢留一啲屬於我地兩個嘅回憶，都唔要放開佢隻手。



因為回憶
可以令我同你一生一世都連繫埋一齊

只要你曾經記得你人生入面有過我，咁就等我暫時活係你嘅回憶入面。

好的事情 最後雖然結束
感動十分 就有十分滿足
謝謝你 是你陪我走過那些路
痛 是以後無法再給你幸福

好的事情 也許能夠重複
感動時分 就算紛紛模糊
不要哭 至少你和我記得很清楚
愛 是為彼此祝福