因為ex，我決定向全世界嘅女人報仇: 呀文的決意

「唔....」我打開眼...望一望床頭櫃個鐘..七點零六分。外面好似冇落雨了，一切回復平靜，只係淨返一滴又一滴雨後嘅積水。我郁一郁手臂....好痹...我望一望，Nicole抱住我，壓住左係我手臂上面訓得好舒服。傻妹...我都唔忍心郁開隻手，然後我一直望住佢。訓著左嘅佢比平時多左一份小鳥依人嘅感覺..而家嘅佢，應該好需要人保護...。我聽住佢均勻嘅呼吸聲，我將另一隻手放到落個頭度輕輕摸。我冇諗過我對Nicole嘅感情會咁投入...我擺脫唔到佢嗰種魅力，同佢一齊總係好比到心動嘅感覺我。

閉上眼，我的腦海裡全都是你

佢狂野嘅時候好似一隻獅子，好比到刺激同新鮮感我。佢平靜嘅時候就好似一隻貓仔，靜靜咁訓係你身邊令你好想保護佢。我係度諗緊我究竟由幾時開始鍾意左佢..，去四季酒店嗰次？唔係...再早啲.....我諗..由第一晚同佢係club嘅時候，我已經鍾意左佢，嗰陣純粹係覺得佢好正。但之後我地第一晚過夜嘅時候我同佢傾得好開心好夾，當然...加上佢係性愛方面好滿足到我，嗰時我開始有想將佢私有化嘅念頭。之後我地相處多左，我慢慢發掘到佢嘅優點。我自己係一個好渴望有一個屬於自己嘅家庭嘅人，當初如果唔係Sophia出軌，我諗我地都會差唔多結婚...但係當遇到Nicole...佢上嚟煮嘢食嘅時候真係好比到嗰種同老婆一齊生活嘅感覺我。佢買餸、煮飯、執嘢、洗碗...統統佢一手包辦，一句怨言都冇。只可惜...咁好嘅老婆...唉..

我一直回想返我地經歷過嘅嘢，突然間諗起我地第一次去睇戲佢喊，諗返起套戲好似係講男主角好窮..識左個有錢女....咁咪同Nicole好似....唔怪得佢喊到咁...佢一定委屈左好多年....。我直頭有一股衝動想打鳩佢老公，有錢大撚哂？就可以比你咁樣對一個女仔？
「好似講到你自己好好咁」我心入面另一把聲又出嚟嘈交。
「我有冇打過女人呀？！」我話。
「我覺得，呀婷寧願你打佢，都唔會想經歷你對佢做過嘅事」


「嗰次係我做錯..但明明佢自己都有責任....點解要怪哂我..」
「你利用人地對你嘅感情，滿足自己嘅性慾。你明明就知道佢鍾意你，但你拖左人地咁多年，你知唔知女人嘅青春好寶貴。難聽啲講，你當人發洩嘅工具炸，同Nicole嘅老公根本冇分別」佢又話。
「我...真係有咁賤咩...」係我內心世界打緊仗嘅時候，Nicole醒了。

「....嗯....而家幾點...」Nicole起床聲好好聽..軟瀨瀨咁。
「差唔多八點，訓多陣啦傻妹，今日假期」我講完之後摸一摸佢個，再錫佢一啖。我依家好享受每一日同佢嘅時光，當正佢係女朋友咁寵，因為我唔知道邊日就係最後一日....
「嗯..」佢話。然後我望一望個日曆，發現復活節仲有三日假期，突然間有個好痴線嘅idea...
「係喎...Nicole，你呢幾日都得閒？」我問。
「嗯..，我去到星期五先要返公司..因為佢星期五先返香港」
「好！」我心入面暗暗開心左下。


「...做咩吖...」
「冇..咁你可唔可以比哂呢幾日我..」我問。我好驚佢有嘢做...咁我嘅計劃就會失敗。
「...嗯...我都陪住你」佢話。
「咁就好～」我繼續抱住佢，雖然隻手已經冇知覺...
「咁你訓多陣啦～我起身做一做嘢先」我再同佢講，然後慢慢嘗試郁我隻手.......好撚痹...

我起左身打開部電腦，係度plan緊我嚟緊將會比Nicole嘅Surprise。既然我鍾意佢..咁就唔諗咁多了，佢有老公又好點都好，我都想用盡全力愛佢。我一直坐係電腦前面，直到中午，Nicole先醒。
「做緊咩呀？」佢行埋嚟，聽佢把聲好似訓夠了，反而我好攰..
「冇呀，上緊網炸..」我即刻關哂啲Page。
「好啦～我煮嘢比你食啦～你想食咩？」


「食咩都得！係你煮就得了～」我笑一笑。
「傻仔！我琴買埋今日餸啦～你就乖乖地等食啦！」佢一講到煮嘢食就好開心。
「係～」

真係好想一直都係咁....但我知道冇可能..
「Nicole！」我叫岩岩入左廚房嘅佢。
「嗯..？」佢行左出嚟。我企係身抱住佢，抱得好實。
「做咩啦....」佢話。
「以後你有咩唔開心...就搵我...我會一直都係度....就算......就算我同你一樣..到時結左婚...」我唔知邊度嚟嘅勇氣、唔知點解我會講左呢一番說話、唔知自己會唔會做得到呢個承諾、都唔知自己會同邊個結婚。但我就係好有衝動好想比佢知，係佢我需要嘅時候...我都會係度。就算我同佢識嘅時間唔長，重要咩？我愛佢，就係愛佢。
「傻仔.....嗯」

如果，我得唔到佢個人
至少，我都得到佢嘅心
咁，應該都算一種浪漫



銀河上 邊跌宕邊看緊對方
跨宇宙又橫越洪荒 不怕在盡頭無岸
遠近我都護航 還能互安慰
不必天氣多清朗 狂雨暴雪一起對抗
任歲月再壞 不致心慌