因為ex，我決定向全世界嘅女人報仇: 狠心放棄
過左一排，我地班大學同學約食飯。
「可以呀～你地想幾時？」呀文係Wtsapp group話。
「我都ok~」我覆佢地。希望今次我真係可以用朋友嘅身份去面對呀文，我應承自己，一定唔可以再係咁蠢。
食飯當日，呀文話因為佢要OT所以會遲到。我都仲係公司未走，所以都會遲到。我決定主動約佢一齊過去！同時我逼自己主動去面對呢段感情。
因為我地係旺角食飯，呀文係港島返工，所以我約左佢係尖沙咀。而我公司就係尖東，所以係佢去旺角嘅必經之路。我戴住藍牙耳機，由百週年紀念公園嗰邊慢慢行去麼地道嗰邊嘅尖東站。行下行下，耳機入面播緊李聖傑嘅「手放開」..唔知點解成日聽歌都聽到啲好岩情景嘅歌詞...我將耳機較大聲左，直至個音量大到我除左音樂以外咩都聽唔到，咁樣我先可以完全投入。
看著往事 一幕一幕 再次演出你我的愛
我諗起嗰晚，我地嘅第一次
你要的愛 我學不來
眼睜睜看情變壞 人怔怔看情感慨
好似無論我幾努力都做唔到你愛嘅人
當眼淚流下來 傷已超載
分開也是另一種明白
我記起我為你流嘅眼淚..你竟然以為係為第二個男仔而流
我給你最後的疼愛是手放開
要放手了，一定要
感情就像候車月台 有人走 有人來
我的心是一個站牌 寫著等待
唔可以再纏住你了，我想等到一個愛我嘅人
我行到月台，停左首歌，慢慢除低我嘅藍牙耳機。放低耳機嗰一刻好似連我剩低嘅執着都放低埋，而呀文就係前面行緊過嚟。「呼..」我深呼吸左一下，你得嘅呀婷！
「HI～快啲行啦，我地遲哂到啦」我盡力用朋友嘅語氣講。
「好呀」佢話。
我地入左地鐵之後個車廂勁逼..我離啲扶手好遠，周圍又好多人，所以冇得扶住..中間停幾個站嘅時候架車勁Chok..我嘗試企穩少少。但係因為我著左對新嘅高跟鞋。所以唔小心撞左落佢度幾次。臨到油麻地嗰陣佢驚我跌，攬住左我膊頭...以前嘅我或者會覺得佢對我特別好，甚至乎幻想覺得佢都鍾意我。但我依家已經唔會再好似以前咁蠢了..
上到去又有同學抽我地水，問我地係咪一齊。我諗起year1嘅時候，當佢未拍拖嘅時候，大家都成日咁講。過左咁多年我先知，原來佢從來都冇愛上過我。食飯嘅時候我見到佢枱面上部手機show左個tinder嘅通知，所以我問起，原來佢一直都有玩...唔怪得唔需要我陪佢，佢已經自己搵咗其他人嚟取代我嘅位置..
之後佢哋講起呀文失戀，問起佢失戀嘅原因。我見呀文唔知應該點答好，所以今次到我幫你啦，我嘅好朋友。
「人地啲傷心事你就唔好問啦」我話。
我同佢搭巴士返去嘅時候，佢好似好唔開心。我諗緊係咪因為佢仲未放得低Sophia，就算作為朋友，我都應該關心下佢。
「你冇嘢呀嘛...最衰都係佢地啦，無啦啦又提起你啲嘢」我問。
「冇嘢呀～佢地都係好奇姐，由佢啦」
「真係冇嘢..？如果你唔開心我可以陪你呀，你想嘅我隨時奉陪」就幾似當初一樣，只不過...我會...盡力..以朋友嘅身份..
「哈哈，好。但係唔洗啦，我過得好好」佢話。
邊有人分完手會過得好...定係佢已經識左個新女仔。
「因為識到新嘅女仔..？」我問。
「......」「唔係啦..」明明就係...你點解可以咁快又識到女仔。咁我呢..？我等左你咁耐..你每次分手我都係你身邊。你嗰啲ex陪左你幾多年？半年？一年？我呢！我陪左你八年啦..！我唔介意，我真係唔介意等，但係點解你要靠識其他女仔嚟取悅自己。你玩交友app明明就係為左搵陌生嘅女仔取暖...連我都唔介意比埋我身體你，點解你仲要去搵其他人。就算你唔愛我..你都至少唔好咁快鍾意左其他人呀..呀文...你真係好衰！好乞人憎！你知唔知你一次又一次Hurt得我好痛呀！！點解我仲會咁蠢去愛上你咁多年...仲要蠢到為左你而放棄我嘅姻緣..
「佢好靚嫁..？」同當初你拍拖一樣，我好好奇究竟點解你會咁快鍾意左人...我覺得好委屈....好辛苦.....好心痛....好窒息...我一直以為自己可以堅強去面對..每次都自以為是，覺得自己放低左...。我開始忍唔住，情緒好似就快崩潰...但我唔想喊...一喊就好似認輸咁......唔得啦...嗚.....
「都話唔...」佢好似見到我喊。佢拎左包紙巾比我。
「做咩啦...」
「冇...事...」你唔好關心我..你由我啦。我用盡全力都忍唔到，啲眼淚好似缺堤咁不停流出嚟..
「呀婷.......」佢話。唔好可憐我....
「呀文...你....應承我...一定要..幸福吖...知唔知呀」我最後都係唔忍心鬧佢...明明佢咁衰...但係我想係佢心目中留低最後一個美好嘅印象...
「....你唔好喊先啦...」
「你...應承我先啦...」我到最後，都係想你幸福...明明你咁樣對我...但係係你面前，我永遠都唔會自私到...所有嘢都係為左你.....全部嘅愛都比哂你..一啲都冇留比我自己..
「...好...我應承，我應承」佢話。
「...咁就好啦！」我嘗試笑，今次我要自私一次，想係等你以後都要記住我，記住呢一幕。
「多謝你...！」我錫左塊面佢一啖。今次，我要你知道...我對你嘅心意。我要你內疚一世....我要你知道有個咁鍾意你嘅女仔暗戀左你八年，而你hurt左佢好多次...因為你內疚嘅時候，就會諗起我。
但係我都真係多謝你，多謝你令我明白自己係幾咁蠢...。都多謝你令我睇清楚你，所以我先唔會再浪費時間係你度。我以後只會好好珍惜每一個機會，唔會再等一個唔愛我嘅人。
如果你從來都冇愛過我
咁你都唔再值得我愛你了
我跑左落車，拎起左部手機。
「遭封鎖聯絡人所傳送的訊息、通話、或動態更新將不會在您手機上出現，也不會傳送給您。」
「封鎖」我禁左落去...呼....完了..終於完了。
如果愛你要放下自尊
不必了 我沒埋怨
明日你 成為我 舊記憶那污點
如多了我會變混亂 不必給我 這些溫暖
離別你 無限遙遠
今生今世我們都不見