因為ex，我決定向全世界嘅女人報仇: 如夢似幻

一個禮拜後嘅星期五。
呀文又問我星期日得唔得閒..今次我冇即刻覆佢話我得，因為我唔知應該要用咩身份去面對佢。我冇辦法用朋友嘅身份再陪佢飲酒，因為我已經決心放低佢。我都唔容許自己同佢維持住肉體嘅關係...嗰次就當係一個句號，一個暗戀多年嘅結局。冇諗過佢會咁快又搵我，我仲要為我地會至少好幾個月唔講嘢。
我熄左Wtsapp，冇覆到佢。然後隨便打開ig睇下...點知比我見到Sophia嘅Post。原來...係Sophia識左另一個？唔怪得嗰日佢咁唔開心...我突然間好同情呀文。如果佢係比人背叛嘅..咁佢應該好難受了....點算...好想陪住佢..好想抱住佢同佢講：「冇事..我係度」，但係我明明應承過自己要放低佢。我覺得自己好煩，好想放手...今次唔係好唔甘心..而係..我好唔捨得。

有啲人註定就係命運安排嚟同我地相遇
只係命運唔記得左將佢留係我地身邊

我熄左部手機，訓左係床上面咩都唔想諗。慢慢我就訓著左...

「起身啦呀女！」


「呀女！起身啦！」我隱約聽到我呀媽叫我..
「...嗯..？做咩啦..今日唔係星期六咩..」我話。
「係星期六！但係今日咁重要嘅日子你都唔記得？」
「下...咩日子呀..？」
「你今日同呀文行禮喎，你都唔記得？！」
「行禮...？我...同呀文..？..」我聽到即刻精神左。
「你講多次..？！」我問我呀媽。
「同呀文行禮！你再唔起身就遲啦！遲到好樣衰嫁！」
「好..好好，我而家就起！」我即刻衝左起身。
一出房門，我就著左件婚紗行入教堂。個過程有啲奇怪，得我自己慢慢行入去...但係唔重要，要只係同呀文一齊就得了。我望一望兩邊嘅座位，呀文嘅每一個Ex都係度，佢地笑住拍緊手...係祝福我地？咦..但係，點解有幾個我唔識嘅女仔嘅？佢地係呀文啲朋友？咦咦咦...等等先，呀文呢？


「我係度呀，傻妹～」呀文突然間係後面抱住我。
「你係度就好啦..」我笑住講，然後捉實佢抱住我隻手。我另轉面，呀文著左套好靚嘅白色禮服，佢嘅高度同身型，著禮服真係好好睇...我攬住左佢。
過左一陣..「好啦..我要走啦」呀文話。
「下...你要走去邊..你唔準走呀..」呀婷話。
「有人等緊我阿..我真係要走啦..」
「咁...可唔可以..同我結埋婚先..」我問。
「...嗯！」
然後神父開始講佢嘅對白....「你願唔願意嫁比呢個男人？愛佢、忠誠於佢，無論佢貧..」
「我願意！我願意我願意！」我係神父講到一半嘅時候就已經搶住講，然後神父望住呀文。
「你願唔願意一直活係陳綺婷小姐嘅回憶入面？」神父話。


「我願意」呀文好堅定咁講。
等等先..神父講咩話...？點解唔係話娶我嘅....
「呀文..！呀文！」呀文個樣慢慢變濛，周圍所有嘢都越嚟越濛...
「今次，我真係要走啦。呀婷，你一定要堅強」呀文講完就唔見左。我不停喊不停喊，成個教堂得返我一個係度喊...直到有個人掂我膊頭同我講。
「呀婷，辛苦你了，我以後會好好保護你，唔會再比你喊了...」係一把好好聽嘅男人聲，但係我肯定唔係我識嘅人。我另轉頭想打開眼望清楚佢個樣嘅時候...

我望到我間房，我先發現原來係發夢...但係點解咁真實..我眼角仍然有淚水。我起身諗住洗個面，望到鏡入嘅自己隻眼好紅好紅..我夢到呀文了。

到星期日，我都係忍唔住問下呀文今晚點....
「今晚你想幾點出嚟？」我問佢。
「呀婷..Sorry呀我今晚可能去唔到...因為我唔記得咗屋企人生日...」佢答。我唔肯定佢係講大話定點..都唔重要了，但係我知道佢唔需要我了...我突然間諗起今朝個夢...係喎...呀文話有人係度等緊佢，但嗰個人唔係我..

陳綺婷，夢，要醒了。夠了，我好討厭呢個你。

我也知越是幻想不准想你更記得起


我在故意去將苦澀替代寂寞滋味