因為ex，我決定向全世界嘅女人報仇: 決定離場

嗰晚，我感受住佢嘅體溫，好似令我咁多年嚟嘅心結解開左。我好清楚自己唔係佢邊個，都好清楚佢同我做愛唔係因為愛我。但係當我同佢做過之後，我好似滿足左自己心入面嘅魔鬼咁。當你擁有過了，試過了，就唔會再唔甘心。我從來都冇後悔過愛上呀文，即使佢從來都冇愛過我。但因為係佢先令我成為而家嘅我，一個更堅強、更愛自己嘅呀婷。多謝你，呀文。

我知道過左今晚之後，我地嘅關係會唔一樣，而我下左決心去斬斷呢一段冇可能嘅關係。以我對呀文嘅了解，佢一定會怕麻煩怕面對，因為我知道呢個係佢缺點之一。所以我最好都係而家走啦..都天光了。正當我諗完一大輪，諗住起身嘅時候，呀文郁左。佢起左身刷左牙，之後換件衫就出去。我廢時佢尷尬，所以我繼續扮訓。佢出左去之後，我發現佢寫左張紙仔比我。
「我有多套牙膏牙刷，你想用就拎啦～我約左個Fd，所以走先啦，你當自己屋企就得」。我刷左牙，琴晚飲左好多酒..所以而家好想食啲嘢。我落樓之前send左個Message比呀文。
：「琴晚嘅事..sorry ah..」我咁講，係因為我唔應該借佢醉而同佢做愛。同時我唔想佢咁內疚，如果我同佢道歉，咁就好似幫佢分擔左少少內疚感。
我落左樓，諗住是但搵一間茶餐廳食早餐。點知..我一入到去就見到呀文同佢朋友。
「咁岩呀..」佢好尷尬咁話。
「介唔介意..一齊坐？」我問，我知道佢會尷尬，但係我都想同佢地一齊食。之後我地食飯嘅時候我見到佢Wtsapp震左好多下，應該係Sophia 啦..？
「..佢搵你？」我問。
「....嗯..」


「哦..」好似答得有嘅尷尬..但我唔知點覆佢好。我而家只係想關心下佢，而唔係呷醋嗰種。
之後佢朋友走左，佢死都話要請我食早餐，但我一直拒絕。最後佢都係請左我，我諗佢係因為想為左琴晚嘅事道歉，但傻啦，我邊度嬲得落你。我而家先醒起我留左屋企鎖匙係佢度冇拎，佢同我一齊上返去。

「係呢..琴晚..」我問佢。我唔係想怪佢，更加唔係妄想佢會比承諾我。我只係想知道，我琴晚，有冇減輕到佢失戀嘅痛..
「琴晚我地咩都冇發生過..好冇？」佢問。
「哦..嗯..好呀.......發生左啲咩？我唔記得哂啦」岩岩先諗住灑脫..點解我呢一句一講出口就咁心痛。我知道佢咁講純粹係為左唔想令我地嘅關係破裂，但要我忘記，冇可能。你可唔可以唔好當咩事都冇發生過..我唔介意唔係你女朋友，但我想你記得我，想你呢一世都記住我 。那怕我只係你生命入面嘅一個小配角，我都想你有一日得到幸福嘅時候，有一刻會諗起係你生命入面，有過咁樣嘅「呀婷」。因為而家呢個「呀婷」好快就唔會再係咁，我想你記住而家呢個深深愛住你好多年嘅我。
「好啦..咁..我返去先啦」我再唔走，我會忍唔住想擁有你。
「嗯，小心啲啦～掰掰」
「掰」我話。



我返緊屋企嘅途中，佢wtsapp我。
「唔洗道歉呀..你都冇做錯。」
「咩呀？唔明你講咩，琴晚我返左屋企訓嘛～」我決定左了，只要留係你回憶入面就夠了。
「Haha ok！下次再飲啦！」佢話。
「好吖～下次再約。」下次我都唔知有冇勇氣再同你飲酒。不過算啦～陳綺婷！諗咁多做咩，船到橋頭自然直～

今日之後，我地唔再一樣
但對我嚟講，係一種解脫

我終於了解自由


不是都是心碎了後才懂
是安靜的時候
是沒有人守候
也不需要任何人在身等候

我終於了解你我
是最美麗的擦肩而過
沒有了你的我
還是一樣灑脫
如果有一天再遇見你時候
我會微笑點頭