因為ex，我決定向全世界嘅女人報仇: 極致的愛
之後同樣嘅故事再重複多一次，呀文再次分手，我繼續去陪佢飲酒..直至佢遇到Sophia，呢個改變佢嘅女仔，更加係一個我曾經以為係呀文嘅結婚對象。其實係嗰陣我對呀文嘅感情已經慢慢放低左，可能係因為個人成熟左，冇以前咁執著一定要同佢一齊。所以佢識到Sophia嘅時候，我係真心鄧佢開心。佢地係外人眼中一直都係好sweet同好襯，我地圍內都成日話佢地兩個一定會結婚。只不過冇諗過四年後，佢地發生左嗰件事...
呢幾年我都有拍過兩三次散拖，最後都分手收場，但我都冇特別去強求話要拍拖，反而係將心機時間放左係事業上面。我好享受好投入工作，而都有唔少男仔追過我，但我對佢地都冇咩feel。
「一陣得唔得閒？」有一晚，呀文無啦啦wtsapp我，已經係夜晚9點，佢咁夜搵我做咩？
「得呀，做咩呀？」
「陪我飲酒？你得就10點尖沙咀見啦」佢話。
「好...你等我，我換件衫就出嚟」我答，本身諗住沖涼，但見佢約得咁急..應該係有心事？唔通佢同Sophia嘈..？我一邊諗緊一邊是但係衣櫃拎左件黑色嘅背心，換完衫即刻搭車去尖沙咀。呀文send左佢係邊一間酒吧比我，我一入到去就見到佢背影。
「做咩事啦...」我問。我隱約有啲唔好嘅預感...因為我行埋去，見到佢呢種表情，分明就係每一次分手嘅樣嚟。但係佢今次唔開心嘅程度，比起之前每一次失戀都更加誇張...我都feel到除左傷心，仲好嬲緊。
「陪我飲先啦。我唔想講嘢住..」佢話。佢呢種感覺比我覺得好鄧佢心痛，究竟發生左啲咩事。
「哦...好呀～」我答。然後一人一杯飲左。
我飲左一杯之後突然間醒起點解得我地兩個人：
「其他人呢？」我問。
「佢地全部都唔得閒..都係你最好...次次我一叫你都會即刻出嚟」聽完呢句我有少少開心..
「好啦，咁我陪你飲！」之後我地不斷飲不斷飲，直到我覺得呀文已經頂唔順...我自己都有開始酒精上腦，開始wing wing地。
「我送你返去啦..」我真係唔忍心淨係送佢上的士..佢分分鐘落唔到的士。我突然間諗起幾年前有一次我分左手扮唔開心，我地又係咁，嗰陣我仲大膽到挨住係佢心口....但呀文呢幾年好似都冇咩點變...係個樣成熟左幾年，嗯...好似靚仔左....好似更加有男人味...死啦，我無啦啦又諗埋啲咩...
的士去到佢屋企留下。
「起身啦，呀文！返到屋企啦」我叫醒佢。
「....唔係呢度，司機..唔該....去XX道XX大廈呀...」
「下..你搬左屋咩？」我問佢，佢冇覆我。我好驚係佢未酒醒，亂咁講左個地址，但諗諗下又應該唔係..所以我跟住司機去到呢一個地方。
「文，到啦..」我再叫醒佢。
「嗯...行啦」我扶住佢落的士，佢都慢慢拎左條鎖匙出嚟，再行入大廈禁𨋢。
開門之後我見到佢屋企睇落好靚，應該係有裝修過...佢幾時搬出嚟住嫁..？死啦，Sophia會唔會係入面。我即刻有啲驚，諗住放佢入屋就算。點知佢呢個時候可能企唔穩，佢抱住左我，仲越抱越實。係呢一刻，我好耐都冇心動過嘅小心臟，又開始慢慢跳動...點解...明明過左咁多年，佢仍然係咁令我心動。但我唔可以比佢咁做...因為佢有女朋友。
————————————————————
「...嗯...你醉啦，唔好咁先啦」我邊講邊推開佢。
「我唔想理，我咩都唔想諗，我淨係想有人陪」佢話，然後佢雙手繼續抱住我訓左落床。呢次係我第二次上佢張床，幾年前一樣...我都係冇除鞋就上左去。但理智話比我知，我唔可以再繼續係咁。
「我..送左你返嚟嫁啦..我要走啦」我繼續推開佢，但佢好大力。
「陪我..」佢又講，我心跳得越嚟越快，好似當年我係佢hall張床一樣..我身體開始冇再爭扎，但我內心就不斷上演一次又一次天使同魔鬼嘅角力。
「你冷靜啲先..？我陪多你一陣真係要走啦..」我咁答佢，天使羸左少少。
「今晚唔好走好冇，我真係好需要你」呢一句又令惡魔即刻跳返出嚟。我識左呀文咁多年..今次係我第一次聽佢話佢好需要我...
「呀文..你同我講發生咩事先啦，飲左成晚酒你都冇講過。你同Sophia嘈？」我真係好想知佢地之間發生左咩事。
「可唔可以唔好再問..我真係唔想講住」佢呢句有啲惡，搞到我唔敢再問..
「哦..」我唯有聽佢講。
「就陪住我..好冇？」
「嗯..」我就咁就應承左佢，收埋左係心咁多年嘅感情再一次蠢蠢欲動。
佢再去雪櫃拎酒，我都配合佢再飲。
「飲！」我開始醉...唔得啦..我好攰了...然後我訓左落佢度。
迷迷糊糊入面我好似feel到佢掂我，唔知係錯覺定係咩，但我真係頂唔順了...
「呀婷..？」呀文叫我。咦..我幾時又係返佢張床上面。
「我..訓左幾耐？」我問。
「我諗半個鐘姐」
「你....err..err..有冇對我做啲咩..？」我唔知點解自己咁問，可能係臨訓著之前好似feel到佢掂我。
「下...冇..我...扶你返床炸。」
「...哦...」如果你想摸..我都唔介意，因為係你。
我諗返起當初因為我嘅被動，令一次又一次錯失呀文。可能因為飲左酒，我講左啲完全唔知點解自己會有勇氣講出口嘅嘢。
「呀文..」我問佢。
「嗯？」
「你..真係...連摸都冇摸我..？」我問佢...你可以摸阿..
「冇呀..」佢答。...連我醉左都冇對我有慾望咩..？
「咩我真係咁差咩..」我問佢。
「唔係呀！你明明就好靚..人又好...只不過..我唔想襯你醉...嗯...」哈哈..傻仔，就算我醉左，我都唔介意比你。
「你同Sophia分左手..？」我想知...話比我知你分左...咁我就可以心安理得咁擁有你一次...今次，我唔會再讓。
「唔知..」佢答我唔知，但我了解佢。既然你地分左手，咁我冇包袱了。
「...如果分左手就好了..」我背住佢講。呀文，你聽到我心聲未。
佢慢慢爬左係我上面，我真係再忍唔到，好似將咁多年積住嘅感情一次過爆發。佢控左塊面過嚟，我好配合咁合埋眼。等佢等左咁多年，錫落去嗰一刻對我嚟講，終於值得了。呀文，為左你，我咩都可以比你。你就好似當初讀緊大學嗰個你一樣，再一次將我拯救。
只不過，今次我知道
我冇可能一直擁有你
那裡無人被嫌棄 那裡無人被人欺
浪漫溫馨一世紀 那裡只得我共你
勝過絕美的晨曦