因為ex，我決定向全世界嘅女人報仇: 貪新忘舊

多數人地one night stand完都係各自返屋企，而起身之後都唔會留係對方屋企，可能因為怕尷尬，或者佢地嘅關係只係停留係嗰一晚。但我同Nicole好似有啲唔同，佢比我嘅感覺係相處得好舒服嘅女仔，我地有講唔完嘅話題。講美劇，講車款，互相分享自己嘅事。我地好似識左好耐嘅感覺，對住佢就算冇話題都唔會覺得尷尬，但明明只係識左一日。

「哇咩嚟嫁？咁複雜嘅？」Nicole控埋我個Mon度。
「Engine嘢你唔識嫁啦～」我話。
「下你做Engine嫁！？唔似喎，唔係話做Engine嘅人好毒嫁咩。」
「哈哈我毒呀，你睇唔到我毒嗰一面姐～你呢，我淨係聽你講你係太古返工炸喎，你做咩嫁。」我問。
「我..算係做admin嘢啦，咩都做下咁。」
「哦～我公司請緊Admin喎，你有冇興趣做？」我笑住講。
「我做埋你同事仲得了嘅！」
「哈哈咁又係。」



我搞埋啲手尾嘅時候，手機響左下通知。狗賢。
「同你一樣啦。食左，但我今次想認真。」佢覆我第一句。
「屌你咁關心妍妍做咩，你唔係想食母女丼咁大諗頭呀！？」佢覆第二句。

「你係認真先好。」
「屌你啦，琴晚好似無啦啦走左去，留返佢一個人返屋企好似好衰咁。」

「你唔留都留左啦，不過佢應該冇嘢啦。」
——————————————



「係喎，妍妍琴晚問我返到屋企未，我岩岩先覆返佢。」Nicole係我張床上面禁緊手機話。
「你點覆佢？」我望住個mon做嘢，背住佢問。
「我話係你屋企囉。」
「下！真係嫁？！」
「做咩咁大反應呀～你好驚佢知道我係你屋企咩。」Nicole問我。
「唔係呀..怕尷尬姐。」
「我都未怕你怕咩～好啦講笑炸，我話返左屋企。」
「好啦。」我話。
「你鍾意佢可以同我講喎，我幫你溝佢！」


「傻啦，佢唔係我鍾意嗰type。」
「咁你鍾意咩類型嘅女仔～」佢問。
「一時三刻好難講喎..我覺得最緊要有feel姐。」
「咁你對我有冇Feel。」佢唔知幾時已經行到我後面，係我後面抱住我問。
「...有...緊係有feel先會同你做。」我答。
「真係？定係純粹因為你失戀想發洩。你可以直接話比我聽嫁，我唔介意。」
「我承認有部分係因為失戀想有人陪，但係..你比我嘅感覺好好，我都冇得否認我對你有feel..」
「咁就好～」佢講完甜笑左一下，錫左落我個嘴度。
「好啦我走啦，今晚見啦～唔洗送我落去啦，你做嘢啦。」Nicole話。
「嗯..今晚見。」

Nicole走左之後我不斷諗究竟佢想同我維持一個咩關係...但諗左陣又覺得諗嚟都冇意思，順其自然啦。呢個時候，手機又響左下。呀婷：
「今晚你想幾點出嚟？」

大。撚。獲。