我中出咗副校: 107. 星星的故事

「做狀元都要顧身體㗎嘛！人無事先做到世界冠軍㗎！」開始覺得自己譖氣過老母添。

「但係，我計過㗎喇，唔噉樣做，以我嘅資質，根本就做唔到狀元！我應承過自己一定要上新聞㗎！」佢憤憤不平講。

「有目標係好事，但你讀書真係爲咗上報紙嘅咩？」噉喺香港嘅話，又真係好多人讀書爲銀紙同沙紙嘅，根本就唔關學習事。

「係㗎，唔要錢咪要名囉。反正老豆老母啲錢我又唔稀罕。」一個斯文靚女嘅乖乖女學生究竟黐咗邊條線先會噉樣同老師講嘢㗎？仲未計佢最後嗰句，串到我呢啲窮撚一戙都冇。

「嘩，做咩咁大口氣呀，畀啲尊重喎，人哋話嗮都係你屋企人。」



「車！都唔係親生嘅！」佢輕輕道出。

「哦……但……都唔使噉嘅……」呢個消息似乎有啲震撼，所以完全唔可以正常地回話。

「其實你有冇興趣知點解我要上報紙呀？」佢忽然間好輕鬆噉講。

「講嚟聽下囉，我切個橙過你食。」呢段對話真係越嚟越奇怪喇，搞到人都唔知點收科。

「我想搵返我親生阿媽，同佢報個平安。」



「噉點解你唔去啲尋親嘅組織搵呀？」作爲一個有邏輯嘅人，點都估唔到點解佢要用個咁迂迴曲折嘅方法尋親喎。

「因爲呀，要夠叻女先有面見佢囉。係我對佢唔住，唔噉做都冇面見佢。」佢面色開始變得陰沉，我都意識到自己唔應該知咁多嘢。

「有啲嘢過咗去嘅就唔好再諗喇，而家嘅話就最緊要作息定時，努力考好呢個試，就算考得好定唔好，以後都仲有大把時間做你想做嘅事嘅。你食住橙先啦，我去洗手。」個人唔離開下，我驚佢越講越深入，冇辦法自拔咋。

「下？你唔好走啦。」佢兩隻冰涼嘅手臂挽住我隻手，搞到我呆咗喺度。

發生咩事呀？我個腦而家只有尷尬，慶幸，同驚慌三樣嘢。



有女埋身就梗係開心嘅，但我同佢嘅關係……