我中出咗副校: 106. 眼冒金星

去到醫院嗰陣時，當我仲諗緊入到去，會見到佢屋企人嗰個尷尬情況應該點處理嘅時候，已經見到Cherry 喺門口嘅牀位百無聊賴噉玩電話。

「劉sir?」佢身邊冇任何人，只係好疑惑噉望住我。

「hello, 我都係循例嚟一嚟，慰問下啫。係喎，你屋企人同啲friend 呢？」

「哦，班frd話聽日先嚟，屋企人喎，就放工先算啦。不過佢哋唔嚟都無所謂嘅。」估唔到一個平時好受歡迎，睇落就係一個人生勝利組，家庭美滿嘅女仔都會有咁孤獨，無人理嘅情況。

「幾好吖，你而家係第一個探我呀！」佢雖然面色仲係唔多好，但都勉強笑一笑。



「噉醫生有無話你咩事，幾時出得院呀？」

「冇呀，佢話我過勞喎，好似觀察一兩日就可以出院，所以佢哋唔使探我都得。」佢竟然開懷噉笑，完全唔似慨嘆，或者係苦笑。

「過勞你仲笑得咁開心，後生仔唔好咁快捱壞身子呀！係咪臨近DSE，先咁搏命讀書呀？」我真係冇佢扶喇，仲笑得咁開心。

「噉個個都搏命㗎啦，我今朝都係溫十一至一，四至六，中間都有三個鐘，算少㗎喇。」雖然我知而家啲學生平均瞓得嗰四五個鐘，但噉樣會唔會黐線咗啲先？

「噉搏命還搏命，今次仲暈埋喺廁所嘞，你係咪要反省下，改變下自己生活習慣先？雖然做老師嘅應該叫人努力讀書，但都唔使咁極端㗎，而家又未DSE,到時嚟真嘅你咪死得？」



「噉……噉我想攞多啲星星吖嘛……」