我中出咗副校: 105. 獨行

唔使一分鐘，救護員已經上到嚟，大家都見到走廊外面，瞓喺擔架牀嘅Cherry面色蒼白，但好彩好似仲有啲氣息。

呢個時候，內疚同心痛充斥住內心，令人煎熬。

如果唔係身份嘅問題，我係咪一早可以幫佢？如果我唔使跟學校嘅濕鳩規矩嘅話，Cherry 係咪會得到更好嘅治療？

打工真係唔可以爲所欲爲，但我又係咪要坐喺度唔理？

課堂黯然地結束，我都聽到唔少同學開始吱吱斟。



我身先士卒噉同咗學校講話放學後會去醫院探Cherry,一嚟係做啲嘢補償返佢，二嚟就係工作上嘅職責。

放學嗰時，我望住已經嬉皮笑臉，有講有笑嘅學生開開心心等放學，就睇吓有無同學諗住一齊去醫院探Cherry.

「係喎咁多位，我而家會去醫院探Cherry，你哋有無人想一齊去，定係有嘢要畀佢？」

當然啦，一班等放學嘅學生係唔會理老師講乜春嘅，但令人驚訝嘅係Cherry 班朋友仔都孭住個書包等走人。

「咦？你探唔探Cherry呀？」我求其搵佢班frd 問。



「哦！我哋諗住聽日先呀，我哋今日要去補習，再加埋而家都冇咩嘢可以畀到佢，費事去啦。」

見到場面咁尷尬，我唯有格硬兜：「都係嘅，嗰啲咩心意咭又係要啲時間籌備嘅。」

眼見一個個學生離去，我就知道女人嘅友誼其實都幾撚脆弱。

真係冇一個人想探佢咩？

「Cherry，are you ok? I will come and visit you now」老師對學生，係應該formal 啲嘅，雖然我啲英文真係好屎。



我唯有自己一條友搭車去伊院，順手買咗幾個橙，費時兩手空空啦。

唔知Cherry 而家又係咪自己一個呢？