我中出咗副校: 93. 教書先係老師嘅責任呀屌

佢雙手主動摸住我塊面，熟練地吸啜住兩瓣嘴脣，搞到人完全反應唔切。

津液不斷互換，舌尖亦不斷地碰撞，但我知道呢個吻對佢嚟講唔係工作，亦唔係咩習慣，而係一個道謝。

「多謝你。我走先喇。」諗到以後儘量都唔可以近距離同佢接觸，我竟然有啲唔捨得，但唔係因爲佢外在嘅美貌，而係嗰個真正嘅佢相處。

過咗幾個星期之後，成個pantry 班師奶嘅話題都離唔開Miss Chan 畀人打入冷宮，冇咗好多工作機會，就嚟畀人炒嘅呢啲無聊嘢。

老實講，我真係唔想再理呢啲辦公室政治喇，不如專心教書算數。



「嘩，劉sir，乜整咗咁多教材呀？咁厚睇唔嗮㗎喎！」上堂嗰陣，Cherry 隻眼一見到教材呀，溫書嗰啲嘢就會識發光。

「冇呀，呢啲係啲常見嘅錯題整合，然之後下面呢個就係各課題嘅小總結，最下面嗰疊就係你哋咸豐年前嘅測驗，份份嘢都好薄㗎咋，好快睇得完。」

「正喎！我見隔離班仲係用緊啲textbook notes 咋！噉咪要用好多時間，好花心機整囉！」可能喺名校學生嘅心目中，只要你個人唔算好頹，唔係乜都好似冇準備過嘅話，就可以叫做係一個好老師。

其實呢，呢啲都係我四五年前儲落，加埋喺雞精書左抄右抄得出嚟嘅嘢，難就唔係好難嘅，不過都係要做到通頂噉解囉。

「係㗎，所以你哋唔該考好啲，當係報答下呀sir 都好吖，而家都十一月㗎喇，你哋唔係剩返好多時間㗎咋。」我對住全班講。



「係喇，而家做埋呢疊練習佢啦，計時三十分鐘。」望住佢哋做計時練習，我又可以做自己嘢喇。

今次，我望住嘅同樣係tg，不過再唔係畀嗰啲叫雞grp 洗版。

「唔使做嘢咩？」呀靜又message 我。

「冇呀，而家班學生做緊test，所以好得閒。你坐檯嘅，就實秒秒鐘都咁得閒啦！」

過咗幾個月之後，我哋漸漸熟絡，由工作講到家庭，乜都講一餐噉，不過就係朋友加炮友關係啦。



呀靜做嗰啲出名呃人嘅股票經紀，不過都捱到去director 嘅位，搵嘅錢自然多過我十萬九千倍。

不過，佢個人都算係幾純品，至少我識咗佢幾個月，佢都冇氹我買咩基金。

「我都想好得閒呀，三個字之後又有會要開！」

「嗰個仆街老細又叫我去嗰啲摸身摸勢嘅宴會！」某程度上，大家傾得埋嘅原因都唔多唔少係因爲仆街公司，仆街老細嘅啫。