我中出咗副校: 83. 我一早知

「你唔買多啲野食，咁快出嚟嘅？」我問佢。

「冇呀，要減肥呀，唔想好似你咁肥。」佢鬼馬噉藐住我。

「哈。」諗唔到咩嘢講，就唯有一笑置之喇。

「其實劉sir 你返到房有咩做㗎。」

「仲有咩做，咪瞓覺囉。」開始覺得自己個樣有啲心虛添。



「係咩？我同個roomate 尋日見到你偷偷地走咗出去喎。」

「噉唔可以走出去買嘢嘅咩？」

「噉你而家又唔買？定係你買啲嘢唔可以俾學生見到呀？」佢越笑越奸，好似已經知道咗好多嘢噉。

「算啦，我唔玩你喇，反正我哋全班都知。」佢挑一挑眉，外表好鬼趣致。

「吓？知道啲咩呀？」我有預感都唔方好嘢㗎喇。做老師就最忌畀學生知道自己嘅私生活，更何況我嘅私生活都係嗰啲……



「唔話你知等你心思思！」呢句咁小學雞嘅嘢真係聽到燥底喇。

呢個時候，其他學生隨住Miss Chan 嘅帶領都出翻嚟，準備上返酒店。

爲咗避下風頭，我決定都係將今晚嘅節目留待聽日喇，反正除咗今晚以外，旅程仲有兩晚，而我要做嘅嘢就剩返兩樣。

韓國夜生活咁發達，我點都唔會空手而回嘅，要體驗人哋當地嘅文化㗎嘛！

第三日，我同班學生一樣抱住期待晚上嘅心情捱過一日嘅行程，只不過人哋嘅節目喺酒店房，我嘅節目喺出面啫。



今日，我就要挑戰毒男最忌去嘅club!