我中出咗副校: 84. 謹慎爲上

喺檢查過所有學生都冇走出走廊之後，我就偷偷地行落一層樓梯先去搭𨋢走。

我就冇咩筆直嘅，平平地去弘大算，啲旅行介紹話嗰邊多後生呀嘛。

點知呢，去到先發覺嗰度啲人真係咁後生，睇落仲細過我啲學生。

我最尾都係淆底冇去，頂多貴啲去江南嘅啫。

一不做，二不休，去得貴價地方就唔差在去最貴嗰間嘅。



只不過，人哋嗰啲韓國club 擺明就係外貌歧視，唔俾外表已經幾唔錯嘅女仔入去，得返間比較小型，但係睇落顧客年齡層高啲嘅club.

裏面已經全部都係着西裝嘅打工仔，睇落啱返我呢個年齡層嘅。

好彩搞咗咁多嘢都趕得切早入啫，如果唔係嘅話就要捱貴飛喇。

原本我見到韓國街頭嗰啲單眼皮女仔，我都以爲佢哋除咗複製人以外就冇咩天生嘅靚女喇，點知入到去簡直係完全唔係嗰回事。

啲女個樣唔係複製出嚟嗰隻靚，而係各有千秋，個個都大波長腿，我呢啲阿叔就算着嗮西裝都係完全格格不入。



雖然佢哋唔係中，大學生嗰啲feel，都有返咁上下年齡，但係呢啲嘢就不必強求啦，入到嚟算係噉。

年輕人瘋狂跟住吵耳嘅噪音跳下跳下，而大部分男人都喺度望住前後總共四個球體因爲重力嘅問題彈下彈下。

只不過，去到呢啲生保地方，我啲IT 狗性格又出返嚟，加上人在異鄉人生路不熟，或者係個樣太樣衰嘅關係係噉畀人鄙視。

呢一個moment，我真係覺得自己好似謝師宴嗰個男仔，成碌柒噉棟晌度。

呢個時候，我先上網搵返嗰篇攻略，話只要同嗰啲女仔有兩三次眼神接觸，啫係佢哋想同你去馬㗎喇，等我啱先仲騰雞得濟，擰歪面，怪唔得知俾人鄙視啦。



算，我入嚟都係爲體驗，更加唔想生性病，兼且聽日仲要帶團，所以都係旨在到此一遊嘅啫。

唉，都四張嘢囉，我又唔奢求啲咩豔遇嘅，直到我又見到熟人。

又係Miss Chan？