我中出咗副校: 31. 例行公事

我翻到屋企，就見到英超聯賽將會喺一點電視直播。唉，嗰條仆街仔又累到人冇得睇波。上次比佢昆咗去執屍嗰次我都未同佢計！

睇波，可以話係男人除咗睇愛情動作片嘅唯一樂趣喇。車我又冇錢買，隨住年齡嘅增長我都好難再聚精會神咁去打機，最後嘅娛樂都係得翻睇波㗎咋。

我一個禮拜服侍副校一個都攰喇，更何況係日日打飛機，倒不如睇多幾場波算。

我攞出背囊嗰疊考試卷，又開始改卷，咁就可以留返多啲時間去星期六嗰個中同聚會，希望到時可以見翻雯雯啦。

重複住無趣嘅改卷工作後，就比我發現Vanessa 今次份卷真係做得麻麻，同佢平時嘅水準完全係冇得比。



平時咁緊張啲分嘅佢見到啲分數唔知會有啲咩反應呢？最衰我搞到佢分心啦，唔係佢可能可以做得好啲呢。

不過，其他同學嘅表現同預期都係差唔多，尤其是Cherry，又一次攞到全班最高分。

一見到佢滿足嘅笑容，就好似女朋友比你餵飽咗咁可愛，令到自己都滿足埋一份。

我份人好簡單嘅啫，只要隔離班有咁低分得咁低分，我掙得贏呀嬋，攞到今年走嘅panel head位，我就好滿足㗎喇。

改嗮啲卷之後，我又搞咗一陣bot 嗰啲日常維護，就去翻facebook 嗰個舊生group 睇吓有咩人聽日會去。



出咗嚟做嘢之後，我哋成班同學真係好少聯絡喇，只會喺幾年一度嘅舊生聚會見下面。

講真嗰句，見唔見得翻其他人我真係無所謂，但見得翻雯雯先係最重要㗎。

究竟點解佢會失去聯絡㗎？我又留電話，又留msn 比佢，點解都係搵唔翻佢㗎？

只不過，同過去幾次聚會一樣，名單上面都係冇雯雯個名。算啦，有得見翻以前踢波嘅幾個兄弟已經算係咁。

如果我地嗰日可以約翻一齊踢波，咁會幾好呢？人越老真係越想回到以前美好嘅時光，唔使諗前途，人生亦都唔使得翻返工咁無聊。



六點鐘，我搭住嗰㗎平時用嚟返工嘅巴士42c。 

放工時段，巴士同樣都係人逼人，不過我感受到多一種壓迫，連平時生龍活虎嘅巨龍大將軍似乎對於自己就嚟上戰場都變得垂頭喪氣。

雖然今次已經係第二次，但我仍然未能接受到自己成爲副校隻鴨嘅事實。

我都幾吖歲人，又唔係冇錢，點解要淪落到咁？慘嘅係副校一日係我老細，我都係俾佢食住。

真係唔明喇，佢點解唔可以畀錢出面嘅專業人士解決性需要啫！佢有無咁鍾意返工，鍾意到要喺公司同啲𡃁扑嘢呀？

過咗黃大仙呢啲多人落車嘅站之後，我總算搵到個窗口位坐下，聽吓歌。

我攞起有線耳筒，插落嗰部舊到飛起嘅三叔電話，聽住許美靜嘅傾城。

眼前嘅其他人，連嗰啲阿叔都開始用無線耳筒，airpods 嗰啲貴嘢，只係我一個帶住有線嘅headphone.



有線headphone除咗平之外仲靚聲過無線耳機一鳩幾倍，都唔明點解啲人要盲目爲咗追上潮流而棄用有線headphones.

不過咁樣都好嘅，至少我唔使再見到啲情侶一人聽住一邊耳筒咁樣曬恩愛。