我中出咗副校: 30. 空凳

又到星期五，一個每星期都最折磨人嘅日子。

好彩嘅係，宜家係考試週，所以老師都可以同學生一樣12點就放學。正常嚟講，一班同事都放嗮工，我就有工都唔放，好傻仔啫！

我跟住其他平時一收工就即走嘅同事上學校因校舍位置偏遠而安排比我哋老師嘅免費校車，而校車就咁啱剩返一個位。

「劉sir，咁啱嘅？」副校嘅私人助理正正就坐喺嗰個吉位嘅隔離，而旁邊都係一啲吱吱喳喳吹緊水嘅八婆Miss.

頂，點解佢要坐喺我隔離呀。反正我都上咗嚟，就冇理由落翻車，只好局住坐喺佢到。



我哋兩個男人坐喺逼夾嘅雙人位，每一分一秒都同對方有住親密嘅身體接觸。如果我隔離嘅喺嗰個Miss嘅話，你話呢個情景會係幾咁令人享受！

佢隻手偷偷地打算伸去細佬上面，而我都及時運用反射神經像背囊放喺嗰個位上面，格檔住佢嘅攻擊。

「你又會咁早收工嘅？副校唔係要你做到好夜嘅咩？」我求其問咗佢個問題，掩飾住我地啱先格鬥而對望雙方幾秒嘅事實。

「呢條問題唔係應該我問你先啱咩？你唔係每個星期五都要搵副校嘅咩？」佢唔係連副校呢啲都知呀。

「冇，我返屋企準備下啫。你呢？」對住呢啲突發情況，我當然要扮得處變不驚，唔好輸比人睇呀嘛。



「我都係。12點sogei bar 見？」佢都癡撚線㗎。我都唔識佢，佢就約我去gay bar？四周圍都係我哋啲同事嚟㗎！佢條友真係同副校一樣明目張膽地做啲唔恰當嘅嘢。

「我唔會去㗎。」對住咁多根本無暇理會我哋嘅老師面前，我都盡力地收埋自己啲表情，費時佢哋留意到我地，仲要唱到街知巷聞。

「咁你想唔想全部人見到你嗰日嘅英姿呀？」佢解鎖電話，就見到當日嘅CCTV 片清楚影住我同副校兩個喺佢嘅office 到。

「你好嘢，完事call 你。」單拖出現應該唔會比人溶啩。

「好。遲啲電聯。玩得開心啲喇！」校巴此時已經到達九龍塘地鐵站，而佢明明同我一齊坐最後就變咗最先落車嗰個。



我同其他同事一齊望住佢嘅背影離開，先開始落車。唔少同事都對佢報以不屑嘅眼神，難怪佢會自己一個坐啦。

「你啱啱冇嘢呀嘛？」老友陳sir神色凝重，擔心咁望住我隻眼。點解佢都好似基基地咁嘅。

「冇！你覺得會有啲乜嘢。」佢唔係聽到我哋嘅對話呀？

「冇嘢呀，只不過聽其他同事講，嗰條友好鍾意非禮人，仲要係男女都啱嗰隻，所以先無人夠膽坐佢個位。你平時咁少搭呢㗎車，當然唔會知呢啲。」

「哦。佢啱啱又冇做啲咩喎。」佢都差啲伸隻手埋嚟㗎喇。

「咁下次記得醒目啲喇。」佢提點道。

後面嗰個黑絲誘惑Miss Chan 都主動同我講嘢。「勇士！你知唔知半年來都無人夠膽坐佢隔離呀，你係今年嘅第一個呀！」佢眼神帶點崇拜，同時又好似後面班師奶一樣想恥笑我呢個傻仔。

唉！再慘啲嘅辦公室性侵我都試過喇，俾佢摸都算係碎料啦。