我中出咗副校: 24. 光陰一去不復返
就喺呢一刻，巨龍就同夕陽相反地升起，而嗰度係公衆地方，我就求其攞本書遮住下面先。
「咦？你.......」佢都應該估到發生咩事，所以塊面仲紅過之前。
「無事嘅！我坐喺度一陣就冇嘢㗎喇！」事實當然唔係啦，望住看似平平冇奇嘅呀雯嗰對剎食嘅長腿，前腳膠嘅我梗係只會更加興奮。
「最衰都係你啦！做咩無啦啦錫人喎！」佢下意識攞起巨龍上面本書嚟大大力打落我個身到。
「唔好嬲啦！」我攬住佢，巨龍就咁啱掂住佢隻腳，而佢細細粒嘅身型比高大嘅我攬住，完全比我食住。
「哼！你再係咁我就嬲你㗎喇！」佢嬲起相嚟個樣就好似細路仔發脾氣咁樣，令人好有意欲去保護佢。
「好啦！唔激嬲小雯雯喇！但係要錫翻啖喎！」
佢怕怕醜醜咁錫咗我面珠一下，之後就跑走咗喇。我呢個時候先攞返嗰時價值不菲嘅撳撳機，先發現嗰時已經係96年5月。究竟我哋仲剩返幾多年時間相處呢？
正當我望住個海望到出嗮神嗰陣，Chloe 拍一拍我膊頭。
「你係咪要我陪㗎？自己企喺度諗嘢嘅？」係喎，比咁咗多錢，都係唔好蝕鐘數比佢。
「係呀！喺海旁行吓啦！呢到到幾靜下㗎！啱曬啲人嚟拍拖！」佢聽完之後都有啲尷尬。
一陣海風吹過，搞到Chloe 啲頭髮吹到亂嗮。正當佢忙住整理儀容之時，我竟然見到佢被風輕輕揭開嘅裙底.......
佢冇着底褲呀！
雖然佢嘅工作基本上都包括埋性交啫，但都唔代表佢要咁開放，大街大巷着條咁短嘅裙，裏面仲要唔着底褲㗎！佢咁樣即係逼我帶佢上房啫！
可惜呀！佢個樣睇落就幾純品，實質個人就都幾淫下。睇嚟我下次都係正正經經搵返個sp 算，反正ptgf 呢啲花臣嘢性質上都係一樣，但又收得貴。
話嗮佢啲鐘數都幾寶貴下，我就跟住以前嘅記憶一一複製翻一個緊湊啲嘅行程。
「我哋喺觀塘碼頭搭船去北角呀！」以前我哋兩個大鄉里總係冇乜機會出港島，所以就會一齊喺呢到搭去港島東。
「哦！好啊！」佢個樣好似冇之前咁唔情願，仲有少少怕醜添。
喺架船上面，船身嘅隨住平和嘅海浪溫柔地載浮載沉，我望住佢仲帶點稚氣嘅外貌，又諗起雯雯。
「你睇下！今日個天好靚呀！」雯雯指住萬里無雲嘅天空，海天宛如連成一線。佢就係一個咁簡單嘅人，天氣好啲佢都可以開心成日。
眼前呢個女仔呢，就粒聲唔出，呆呆地咁望住個天空。我忽然間記得佢係ptgf，理論上可以做啲情侶做嘅嘢㗎喎。
「不如我哋拖手啦！拖手使唔使價錢呀？」我循例咁問，因爲有啲ptgf收得非常揦脷，話拖個手就要加成百幾二百蚊，拖個手又唔會污辱佢嘅，咁都可以加錢，真係幾冇良心下。
「誒......唔使呀。」講完呢句佢已經主動拖住我隻手。佢手指纖瘦，但掌心又有啲肉地同餘熱，滑溜嘅手更加伴隨住少少薰衣草嘅芳香，觸感上同一般少女嘅手冇咩分別。
我哋手拖手，望住同一個天空，話咁快就去到北角碼頭，呢個時候我就要帶佢去到旅程嘅第三站，海旁石凳。
「你知唔知呀？呢到附近有個好隱蔽嘅石凳，嗰度啲海景好啱打咭㗎！」通常呢啲後生女一聽到打咭都會好興奮，就會好情願咁跟住我一齊去㗎喇。
「好呀！其實陪住你真係幾開心㗎！」原本我仲以爲佢全日到諗住西口西面咁招呼客人，但呢一次佢竟然發自內心咁向我微笑，好似佢真係我女朋友咁樣。
我一路拖住佢，帶佢去到嗰個石凳。石凳周圍都只係一啲雜草同石屎地，但就一條圍欄都無，可以直接眺望以前都未落成嘅啓德郵輪碼頭。
「我想留喺香港呀！」雯雯當時見到對面機場起飛降落嘅飛機總係會咁講。可惜呀，物換星移，機場再唔係機場，佢亦都離開咗我身邊一段好耐嘅時間。
「傻女！有得走點會唔走呀！下年回歸之後香港都唔會發生咩事！」嗰年正值主權移交嘅前夕，好似雯雯呢啲有啲能力嘅小康之家都儘量會離開，我呢啲再窮啲嘅就只可以望住其他人一個個咁離開，自己就困住喺度。
「就係因爲係咁，我哋先要更加珍惜呢一年呀。下一年我哋已經唔會再見㗎喇。」我輕撫佢嘅額頭。呢一句亦都解釋咗點解佢唔會抗拒喺公衆互吻。年輕人就當然要活在當下㗎喇，邊有人會知道聽日發生啲咩事啫。
「我影個相先！呢個地方好似係最近唔知邊套戲嘅取景，所以好hit㗎！不過好少人搵到呢到，多謝你呀！」佢雀躍咁不停影相，而我宜家先發現後面原來排咗幾個攝影發燒友等住我哋個影相位。明明呢到以前好靜㗎，點解會變得咁多人識？
見到有咁多人排住隊影相，我哋都無謂耽誤人地嘅時間喇。既然我同雯雯去過嘅地方都已經變嗮，就不如去啲我哋以前冇機會去嘅地方，飛嗮啲拍拖情節，嚟到情侶最基本嘅慾望。
我地一路沿住英皇道行過北角同鰂魚涌，而目的地就係太古城嗰間酒店。時鐘酒店我就去得多喇，但呢間咁靚嘅酒店就真係第一次去，唔知效果會如何呢？聽講住康山嘅人會見到嗮對面酒店房裏面嘅人做緊啲咩，相信遲啲班居民就有好戲睇喇。
「我哋去緊邊呀？」
「太古城呀！行咗咁耐，你應該想涼冷氣喇，係咪？」
「嗯！」佢好似一個乖巧嘅小朋友咁笑住點頭。若果同佢講我哋真正嘅目的地係酒店，唔知佢會有啲咩反應呢？我記得佢個價錢表寫住上酒店房要1000蚊嘅，難得副校尋日比咗咁多錢我，揮霍啲都無所謂。
「嘩！原來呢到就係海山樓呀！我可唔可以影相呀！」佢忽然間指住左手邊嘅住宅大廈。
「唔緊要喇！你自己影啦！」宜家啲後生仔真係鍾意打咭，明明海山樓就係舊樓一棟，以前周街都有啦，仲有啲咩咁特別。
喺等埋佢打完咭，又行到去太古城嗰陣，天色已經漸晚，亦都係一個完美時間上酒店。
「不如我哋入酒店啦！酒店錢我俾！」如果比咁多錢都係換唔翻嗰初戀嘅，咁就不如扑嘢好過。