我中出咗副校: 23. 想當年

我哋兩個一樣都係食雲吞麪，但我就食得津津有味，佢就好似唔係好情願咁食剩半碗。期間，佢仲不斷鄙視坐隔離檯嗰個阿叔，睇怕都係唔中意嚟呢啲地方食喇。

「你夠飽咩？食得唔好嘥喎！」我對住佢講。換轉係宜家，呀雯一定係個環保撚，因爲佢每次都會食到一條麪都冇剩。

「我飽喇！」佢即刻扮翻個冧樣出嚟，掩蓋佢啱啱眼超超嗰個樣。

見佢咁唔鍾意呢個地方，我地就好快埋單走人喇。

「食完飯，我帶你去散下步啦！」我打算帶佢行去觀塘海旁。



「係咪去商場呀？」佢好似好期待咁講。

「唔係，係去海旁。」我見佢眼神閃縮咗一下，睇怕都係唔想去㗎喇。不過，我係畀錢佢嗰個，佢邊有得揀啫。

大約行咗三個字之後，我哋已經行到嚟海旁。記得當時呢到總係普通嘅石屎地，宜家就鋪嗮磚，種嗮樹，仲有啲老人家坐咗喺一早翻新咗嘅長凳添。

通常呢，帶條女去睇海就萬無一失㗎喇，只不過呢條女就......好唔得閒咁係度抹汗。

望住長凳嘅一對小情侶，我又諗起當年嘅情況......



「喂呀！你唔好擳我呀！唔係我大嗌非禮㗎！」眼前嘅正正係呀雯。 

「咩非禮啫！你都係我嘅人喇！我中意搞你咪搞你囉！」我仲有啲稚氣咁望住佢。 ​話嗮當年我都係足球隊隊長，都叫做冧死女㗎！ 要溝呀雯呢種女仔有幾難啫！

「好衰㗎你！」佢打咗落我心口一下。望住佢差唔多及肩嘅短頭髮，白哲柔滑嘅皮膚，圓碌碌嘅豆豉眼，加埋以前興嘅圓形框眼鏡，簡直係我見過最可愛嘅女仔。

「我明明係話要去溫書㗎！宜家又比你拉咗出嚟！」佢扁起嘴，表情惹人憐愛。

佢攬住本用到有啲殘舊嘅二手書，再拎起個有啲爛嘅筆袋，完美體現佢嘅慳妹性格。本書置於佢嘅胸部底下，凸出佢微微隆起嘅胸部。



講真嗰句，以我當時放浪不羈嘅形象再加隊長嘅身份，係絕對溝到啲更索更靚女嘅女仔，但我嗰時就偏偏拒絕嗮其他人嘅表白，主動去追呢個睇落普通嘅女仔，原因只係爲佢嗰種樸素同純真。

我撥一撥自己個中間分界頭跌落嚟嗰條頭髮，再chok樣咁講：「咁使唔使嘴翻啖賠罪呀！」

年少輕狂嘅我，真係夠膽死一下捉住呀雯個頭，大大力咁強吻下去。畀着我宜家都唔會有呢份勇氣喺距離學校幾百米嘅公衆地方着住校服錫人喇。

佢原本仲呆咗一下，面上升起一陣紅暈，但之後都開始享受親吻嘅過程。食過下夜粥嘅我就照辦煮碗地吸啜對方嘅嘴脣，佢亦都學我一樣妹下妹下個嘴，感受住柔嫩嘅嘴脣不斷地摩擦。

我情不自禁咁掃住佢背脊，夕陽亦都揚揚降下，烈焰如火嘅橙紅光線透過海面映照住呢對愛得如膠似漆嘅戀人。