我中出咗副校: 22. 好似有啲唔同

到咗約定嘅時間，我離遠就望到個着住短裙，貼身T shirt 嘅後生女企咗喺駁住商場同地鐵站嗰條露天天橋。唔知係咪佢太熱，大汗得濟嘅關係，件衫已經牢牢地貼住身體，將女性嘅曲線表露無遺。果然係天生姣婆，點解啲衫明明同啲乖乖女着得一模一樣，但都可以戴比人一種妖豔嘅感覺呢。

佢一手拎住個風扇仔，一手拎住部電話咁撳下撳下，肯定係等我等得有啲唔耐煩啦，邊叫我今朝都要幫人補課啫。

我今日着住件普通T shirt，戴住頂cap帽，一嚟遮住啲頭髮，二嚟冇咁易被人認得出呀嘛。

我就咁行埋去佢個到，讀出佢個tg 名。

「你喺......」佢瞪大隻眼，神情似乎有啲驚歎，可能係唔知道點解自己配對嗰陣打嘅要求一個都達成唔到啩。



「你可以叫我Richard。」呢個英文名都幾啱我呢啲斯文敗類。

「我係Chloé 。」明明Chloe 只係一個普通嘅名，佢諗住用個法文e講就會high 啲？

佢似乎平復咗心情，用住一副專業又不失可愛嘅表情望住我，話：「行啦！」就主動翹住我隻手。睇嚟佢都係一個敬業嘅人。

記得讀中學嗰陣，我同啲同學會一齊去觀塘商場嗰間車仔麪檔食嘢，又有人情味，又抵食。最重要嘅係，我當年鍾意嗰個女仔呀雯都會成日喺呢度，坐喺大檯嘅對面食麪，最尾我哋仲發展到坐喺同一張檯食麪添。

「帶你去間小店食呀！唔好去商場食喇！」我同身旁嘅 Chloe 講。



「咁即係邊度啫？」佢箍得我更加實，喺度扮得意咁講。

話咁快，我哋已經行到嗰間鋪，而一眼就睇得嗮嘅鋪面就剩返當年我同呀雯坐過嗰個雙人位。

我話咁快就已經揀好以前食開嗰個雲吞麪，得翻Chloe 煩惱咁望住個餐牌，又縮埋一舊，好似想避開隔離有啲污糟嗰條柱咁。

「牛柏葉係咩嚟㗎！其他呢啲呢？」佢指住餐牌上面個牛雜麪。咁大個人，唔係連牛雜都未聽過呀？

「牛柏葉即係牛嘅其中一個胃囉！都幾好食㗎！」通常啲女仔一聽到啲咩部位就會即刻唔食，喺識嘅女仔當中只有呀雯最鍾意次次都嚟食牛雜麪。



「咦！好核突呀！我都係要雲吞麪算！」唉！點解宜家啲後生女身上總係冇嗰種想當年初戀嘅樸素，成日都係奄奄尖尖咁嘅呢？